रोमापा 3:29 - ॱलोवा

²⁹ याङ को़न्‍क्षोक याहुदापाक्‍याई च्‍यीगा को़न्‍क्षोक लाक से? खोङ याहुदापा मेन्‍गीनक्‍यागीयाः को़न्‍क्षोक माले? लाक, खोङबा याहुदापा मेन्‍गीनक्‍यागीयाः को़न्‍क्षोक लाक।

रोमापा 3:29 Iomraidhean Croise

मेथा 22:32

‘ङा नी आब्‍राहामगी को़न्‍क्षोक, ईसाकगी को़न्‍क्षोक धाङ याकोबगी को़न्‍क्षोक हीन।’ खोङबा स्‍यीम्‍बुगी को़न्‍क्षोक मेन्‍दा सो़न्‍पोगी को़न्‍क्षोक लाक।”

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

जेपा 10:34

धेनी पेटोगी गो चुक्‍पालाक, “को़न्‍क्षोकगी सुलाः ॱयेवा मेजेदालाक ॱनेरी, धा ङी ॱङोन्‍ने ॱहाघोजुङ।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 26:17

ङा ख्‍यो़ला याहुदापाक्‍या धाङ याहुदापा मेन्‍गीन मीरीकगी मीक्‍याने क्‍योप्‍येहीन। ङा ख्‍यो़ला याहुदापा मेन्‍गीन मीरीकक्‍या चारु झाङाहीन।

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 10:12

घीझ्‍येरी ॱनाना याहुदापा धाङ याहुदापा मेन्‍गीनक्‍याई नाङ ॱयेवा मेतालाक। घीरीगी चोवो नी, च्‍यीक राङ लाक धेनी खोङगी छेन भो़गीन घीरीला झ्‍यीलाप मेछो़ली ॱनाङालाक।

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

एफीसुपा 3:6

साङवा दे नी, ताम्‍शाङगी थोक्‍ने याहुदापा मेन्‍गीनक्‍याः ईस्‍राएल्‍पाक्‍यामुला ग्‍युज्‍यीन च्‍यीक्‍पा धाङ ली़ च्‍यीकगी येन्‍लाकक्‍या धाङ मास्‍यीका येशुगी नाङ, धाम्‍चागी कादा थोप्‍गीन लाक।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।