रोमापा 3:21 - ॱलोवा

²¹ हीना धान्‍दा को़न्‍क्षोकगी होराङला क्षो़ठीम ॱमारुङवालाः, खोङगी डुङदु ढाङपो झ्‍युङयेगी लाम तो़न जे हो़तालाक। धेनी देगी पाङपो, मोशेगी क्षो़ठीम धाङ ॱङो़नस्‍येखेनक्‍याई झ्‍यीदालाक।

रोमापा 3:21 Iomraidhean Croise

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

योहान्‍ना 1:45

फीलीपगी नाथानेलला थुक्‍ती ॱनेवालाक, “मोशेगी क्षो़ठीमगी नाङदु ढीक्‍टा धाङ ॱङो़नस्‍येखेनक्‍यागीया ढीक्‍टा के-भु, योसेफगी भु नाजारेतगी येशुला हीकी ज्‍याजुङ।”

जेपा 10:43

खोङबाला धेपा-झ्‍यीगीनक्‍याला खोङगी छेनने धीक्‍पाक्‍या धाक्‍कीलाक ॱनेरी, ॱङो़नस्‍येखेन घीरीगी खोङगी कोरला पाङपो तो़न हो़तालाक।”

जेपा 15:11

हीना खुङक्‍याला क्‍योप्‍कीन च्‍योक्‍रे, होराङक्‍याः चोवो येशुगी थुक्‍जेने क्‍योप्‍कीलाक ॱनेरी होराङ धेपा झ्‍यीदालाक।”

जेपा 26:22

हीना धीरीङ दे ङीमा थुक्‍पे, ङाला को़न्‍क्षोकनेराङ रोक्‍राम जोरजुङ। होझ्‍येरी ङा दुरु हो़गीन क्षे-च्‍युङ घीरीला पाङपो तेरती लारी धेहो़क। ङी ॱङो़नस्‍येखेनक्‍या धाङ मोशेगी ॱङो़न स्‍येस्‍या माउपारगी लाब देक्‍या माना, श्‍येम्‍मा घीन्‍दा ॱलापच्‍या ॱमालाप हो़क।

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

रोमापा 1:17

धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

रोमापा 1:2

ताम्‍शाङ दे नी, को़न्‍क्षोकगी एम्‍माने राङगी ॱङो़नस्‍येखेनक्‍याई थोक्‍ने, धाम्‍पे सुङराप नाङ धाम्‍चा जे हो़तालाक।

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

रोमापा 3:28

घीझ्‍येरी ॱनाना क्षो़ठीमगी सुङगीन च्‍योक्‍रे, लेगा झ्‍येरी मेन्‍दा हीना धेपागी थोक्‍ने मीक्‍या को़न्‍क्षोकगी डुङदु ढाङपो झ्‍युङालाक ॱनेरी, होराङ चीलालाक।

रोमापा 5:19

घीझ्‍येरी ॱनाना मी च्‍यीकगी काला ॱमाचीगीन केनगी, मी माङा धीक्‍चेन झ्‍युजा च्‍योक्‍रे, मी च्‍यीकगी काला ङेन्‍गीनगी मी माङा ढाङपो चीगीलाक।

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

रोमापा 9:30

धा ॱहाना होराङ घी ॱनाये? ढाङतेनला ॱमेचागीन याहुदापा मेन्‍गीनक्‍याला ढाङतेन थोप्‍दुक। धेनी दे ढाङतेन नी, धेपागी थोक्‍ने थोप्‍दुक।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

२ कोरीन्‍थुपा 3:9

घीझ्‍येरी ॱनाना छेपा कागीन क्षो़ठीमगो शीजेक्षे हो़ना, ढाङतेन जेगीन ताम्‍शाङगो ॱयोल्‍ले माङा शीजेक्षे हुङघो़।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 3:8

को़न्‍क्षोकगी धेपागी थोक्‍ने, याहुदापा मेन्‍गीन मीरीकक्‍याला दाक्‍तु जेये हीन्‍गीनगो, सुङरापगी एन्‍लाराङ शीक्‍ती आब्‍राहामला, “ख्‍यी़ थोक्‍ने मीरीक घीरीला झ्‍यीलाप थोप्‍कीलाक।” ॱनेरी एम्‍मानेराङ ताम्‍शाङ दे सुङा जेपालाक।

गालातीयापा 5:5

हीना धेपागी झ्‍येरी धाम्‍पे थुक्‍ङी गोने, होराङ ढाङतेनगी रेवाला घुक्‍ती धे हो़तालाक।

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।

१ पेटो 1:10

खेक्‍याई क्षीला झ्‍युङये हीन्‍गीन थुक्‍जेगी कोरला ॱङो़नस्‍ये जेगीन ॱङो़नस्‍येखेनक्‍याई, दे थारपागी कोरला ॱमीच्‍यीकी श्‍यीप्‍ता झ्‍येरी चाजो़ झ्‍येवालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,