रोमापा 3:20 - ॱलोवा

²⁰ होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

रोमापा 3:20 Iomraidhean Croise

जेपा 13:39

येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

रोमापा 2:13

घीझ्‍येरी ॱनाना को़न्‍क्षोकगी डुङदु क्षो़ठीम घोरकीनक्‍या ढाङपो मेन्‍दा, क्षो़ठीमगी सुङगीन च्‍योक्‍रे, झ्‍यीगीनक्‍या ढाङपो चीगीलाक।

रोमापा 3:28

घीझ्‍येरी ॱनाना क्षो़ठीमगी सुङगीन च्‍योक्‍रे, लेगा झ्‍येरी मेन्‍दा हीना धेपागी थोक्‍ने मीक्‍या को़न्‍क्षोकगी डुङदु ढाङपो झ्‍युङालाक ॱनेरी, होराङ चीलालाक।

रोमापा 4:13

आब्‍राहाम नी, जीक्‍तेनगी ग्‍युज्‍यीन झ्‍युङगीलाक सुरी, को़न्‍क्षोकगी आब्‍राहाम धाङ खोङगी भुग्‍युक्‍याला धाम्‍चा जेजागो क्षो़ठीम ॱरुङगीनगी थोक्‍ने मालाक हीना धेपाने झ्‍युङगीन ढाङतेनने लाक।

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 5:13

क्षो़ठीम ॱमानाङगीन एन्‍ला, जीक्‍तेनदु धीक्‍पा हो़तालाक हीना क्षो़ठीम मेगीन झ्‍येरी, धीक्‍पागी ची गोवाः मेश्‍यालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 7:11

घीझ्‍येरी ॱनाना धीक्‍पागी कागी गोने घुकाप जोरती, ङाला गोकोर ताङजुङ धेनी कागी थोक्‍ने ङाला सेजुङ।

रोमापा 9:32

घीझ्‍येरी ॱमाथुक्‍पाले? घीझ्‍येरी ॱनाना खुङक्‍याई धेपाला ॱमातेन्‍पा हीना राङगी झ्‍यीगीन लेगाला तेन्‍दी, काल्‍ले ग्‍याप्‍पालाक। खुङक्‍या खोरी लामला हो़गीन धोगोङला थोक्‍ती घेवालाक।

१ कोरीन्‍थुपा 15:56

छीवागी दुङ नी धीक्‍पा लाक धेनी धीक्‍पागी वाङ नी क्षो़ठीम लाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

गालातीयापा 2:19

धेनी को़न्‍क्षोकगी क्षीला ङा सो़न्‍पो ॱनेयेला, ङा क्षो़ठीमगी थोक्‍ने स्‍यीसागीन झ्‍येरी, क्षो़ठीमगी गेन घीया खुर मेघोगीलाक।

गालातीयापा 5:4

खे क्षो़ठीमने ढाङपो ग्‍युरये दो़गीनक्‍या, मास्‍यीकाने खा डारी को़न्‍क्षोकगी थुक्‍जेने माला ल्‍हीम हो़तालाक।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।