रोमापा 3:19 - ॱलोवा

¹⁹ धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।

रोमापा 3:19 Iomraidhean Croise

योहान्‍ना 15:25

हीना दे खुङक्‍याई क्षो़ठीमला ढीक्‍टा का दे डुप्‍येगी क्षीला लाक; ‘खुङक्‍याई ङाला दो़न्‍मेदु दाङा झ्‍येजुङ।’

योहान्‍ना 8:9

हीना खुङक्‍याई दे घोरती, खुङक्‍याने गेम्‍पाने गो चुक्‍ती, रे-रे झ्‍येरी लोक्‍ती सोवालाक। धेनी येशु च्‍यीका होदुरु लेवालाक धेनी भोमोगोवा खोङबागी दोङदु लेवालाक।

रोमापा 1:20

धेनी जाम्‍बुलीङ दे को़ने ॱहाला, को़न्‍क्षोकगी थोङये मेगीन थामेपे नी़थु धाङ खोङ को़न्‍क्षोक हीन्‍गीन राङश्‍यी नी, खोङगी को़ जेजा दो़न घीरीला सावो थोङालाक। होझ्‍येरी होदे मीक्‍याई को़न्‍क्षोक ङो ॱमेस्‍येहो़क ॱनेरी, ॱनायेगी ग्‍युम्‍जे घीया मेतालाक।

रोमापा 3:2

छोक घीरीने फेन्‍थोक क्षे हो़तालाक। धाङपोगोला को़न्‍क्षोकगी का याहुदापाक्‍याला च्‍योवालाक।

रोमापा 3:23

घीझ्‍येरी ॱनाना मी घीरीगी धीक्‍पा झ्‍ये हो़तालाक धेनी को़न्‍क्षोकगी शीजेने ग्‍याङ रीङदु शो़ हो़तालाक।

रोमापा 3:4

हुरे फुक्‍की झ्‍युङगुमालाक। मी घीरी शोक्‍पो हो़ना, को़न्‍क्षोक धेन्‍पा हुङघो़। दी कोरला सुङरापला देरे ढीक हो़तालाक, “खेराङ कामो़न सुङाराङ धेन्‍पा ॱङो़न्‍दास्‍योक, धेनी खेराङला ठीम चेदाराङ ग्‍यालास्‍योक।”

रोमापा 3:9

धा ॱहाना थामे दो़नगो घी ले? हे याहुदापाक्‍या मी श्‍येम्‍माक्‍याने ल्‍हाक शाङा हो़तालाक से? मेतालाक, फुक्‍की मेतालाक। घीझ्‍येरी ॱनाना याहुदापा धाङ याहुदापा मेन्‍गीन, मी घीरी धीक्‍पे वाङ होकदु हो़तालाक ॱनेरी, ङी तो़न्‍साहो़क।

१ कोरीन्‍थुपा 1:29

दे नी, को़न्‍क्षोकगी डुङदु सी़याः ङोम्‍सो मीझ्‍यीयेगी क्षीदु लाक।

गालातीयापा 3:10

क्षो़ठीमगी लेगाक्‍याला तेन्‍गीनक्‍या छेपागी होकला धेतालाक घीझ्‍येरी ॱनाना सुङरापला देरे ढीक हो़तालाक, “क्षो़ठीमगी धेपला ढीक्‍टा घीरी चीरी ॱमेनेगीनक्‍याला छेपा फोवालाक।”

गालातीयापा 4:21

खे क्षो़ठीमगी वाङगी होकला धेङी दो़गीनक्‍या, ङाला ॱनो़दाङ, क्षो़ठीमगी ॱनागीनगो खेक्‍या ॱहामेघोराई?

गालातीयापा 5:18

हीना खेक्‍या धाम्‍पे थुक्‍ङीगी थोक्‍ने ठीया जेना, खेक्‍या क्षो़ठीमगी वाङगी होकदु मेतालाक।