रोमापा 2:9 - ॱलोवा

⁹ ङेन्‍पा झ्‍यीगीन मी घीरीगी खाला, दुक्‍ङेल धाङ काङे भाप्‍कीलाक। धाङपोगो याहुदापाक्‍याला धेनी याहुदापा मेन्‍गीनक्‍याला।

रोमापा 2:9 Iomraidhean Croise

मेथा 16:26

मी च्‍यीकला जीक्‍तेन घीरी थोप्‍ती थामेपे सोकगो स्‍योरना, घी फेन थोक्‍कीले? याङ मी च्‍यीकगी राङगी सोकगी छापला घी तेर थुक्‍कीले?

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 13:26

“पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 26:20

होझ्‍येरी ङा गोमाला दामासेकोरु धेनी येरुसालेमदु धेनी याहुदा ग्‍याखाप घीरीदु धाङ याहुदापा मेन्‍गीन मीरीकक्‍याई ग्‍याखापक्‍याला सोरी, मीक्‍याला मीरी-मीरी धीक्‍पा पारी सेम ग्‍युरती, को़न्‍क्षोक स्‍योकला लोक्‍ये धाङ होदे च्‍योक्‍रे लेगा झ्‍यीयेगी का स्‍येवी।

जेपा 28:17

श्‍याक्‍मो सुमगी स्‍याम्‍ला पाउलुगी याहुदापा गोठीक्‍याला भो़री, जोम्‍दु च्‍युक्‍पालाक। धेनी खी़ खुङक्‍याला ॱनेवालाक, “पी़नक्‍याओ, ङी होरी मीक्‍या धाङ होरी धाङबी फामे लुक्‍सो़ला ग्‍याप ॱलोक्‍ये लेगा घीन्‍दा माझ्‍येवालाः, ङाला येरुसालेमगी चो़न्‍खाङदु धाक्‍ती धेनी रोमापाक्‍याई लाक्‍पाला ची ग्‍याप्‍सुङ।

जेपा 28:28

“होझ्‍येरी को़न्‍क्षोकने थोप्‍कीन थारपा दे, याहुदापा मेन्‍गीन मीरीकक्‍याला ॱनाङ हो़तालाक धेनी खुङक्‍याई होदे ङेन्‍गीलाक ॱनेरी, खेक्‍याई स्‍येलाझ्‍यी ॱनेरी ङा दो़दीहो़क।”

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 10:12

घीझ्‍येरी ॱनाना याहुदापा धाङ याहुदापा मेन्‍गीनक्‍याई नाङ ॱयेवा मेतालाक। घीरीगी चोवो नी, च्‍यीक राङ लाक धेनी खोङगी छेन भो़गीन घीरीला झ्‍यीलाप मेछो़ली ॱनाङालाक।

रोमापा 2:10

हीना ले शाङा झ्‍यीगीन घीरीला, शीजे धाङ कुरती धाङ श्‍यीदे थोप्‍कीलाक। धाङपोगो याहुदापाक्‍याला धेनी याहुदापा मेन्‍गीनक्‍याला।

रोमापा 8:35

धा मास्‍यीकागी झाम्‍पाने होराङला सी़ खा टा थुक्‍कीले? घाक्‍वागी याङना काङेगी याङना दुक्‍ङेलगी याङना मुगेगी याङना घो़न्‍ये मेगीनगी याङना जीक्‍टागी याङना स्‍यीये जीक्‍टागी, होराङला खा टा थुक्‍कीलाक से?

रोमापा 9:24

धेनी होराङक्‍यालाः भो़ जेपालाक। धेनी याहुदापाक्‍याला च्‍यीगा मेन्‍दा याहुदापा मेन्‍गीनक्‍यालाः भो़ जेपालाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

२ थेसालोनीकेपा 1:6

को़न्‍क्षोक नी ढाङपो झ्‍युरी, खोङबागी खेक्‍याला दुक्‍पु ताङगीनक्‍याला दुक्‍पु ॱनाङगीलाक

१ पेटो 4:17

घीझ्‍येरी ॱनाना को़न्‍क्षोकगी नाङमीनेराङ गो चुक्‍ती, ठीम चेयेगी धी़ भाप्‍दुक धेनी दे होराङक्‍याने गो चुक्‍ना, को़न्‍क्षोकगी ताम्‍शाङ ॱमीचीगीनक्‍याई ढेबुगो घी झ्‍युङी हो़टु?