रोमापा 2:27 - ॱलोवा

²⁷ धा ली़गी थोक्‍ने पाउ चेगीन ॱरो ॱमीरुङगीन हीन्‍नाः क्षो़ठीमगो ॱरुङगीनक्‍याई, ख्‍ये ढीक्‍टा क्षो़ठीम हो़गीन धाङ पाउ चेगीन ॱरो ॱरुङगीन हीना क्षो़ठीमगो ॱमीचीना, खेक्‍याला ठीम्‍चो़ ताङगीलाक।

रोमापा 2:27 Iomraidhean Croise

मेथा 3:15

हीना येशुगी खोला लेन जेपालाक, “होराङक्‍या को़न्‍क्षोकगी थुकोङ घीरी डुप्‍तु च्‍युक्‍येला, धान्‍दा देरेराङ हुङदु च्‍युक।” धेनी खी़ देरेराङ झ्‍येवालाक।

जेपा 13:22

धेनी को़न्‍क्षोकगी खोला तो़न्‍दी दावीदला, ग्‍यावु को़ जेपालाक। दावीदगी कोरला को़न्‍क्षोकगी देरे सुङ हो़तालाक, ‘यीस्‍येगी भीजा दावीदला थुक्‍यी घाङला, ङी सेम्‍बा थेगीन मी जोरसुङ। खी़ ङी छीला झ्‍यीघोगीन लेगा घीरी डुप्‍तु च्‍युक्‍कीलाक।’

रोमापा 13:10

झाम्‍पागी खीम्‍चेला ॱनो़ ॱमेक्‍यालालाक। होझ्‍येरी झाम्‍पा झ्‍यीये नी, क्षो़ठीम डुप्‍ये लाक।

रोमापा 2:15

धेनी खुङक्‍याई क्षो़ठीमगी काक्‍या राङगी सेमला ढीक हो़गीनगो तो़न्‍दालाक। धेनी खुङक्‍याई स्‍येशाङगीयाः पाङपो झ्‍यीदालाक धेनी खुङक्‍याई साम्‍लोगी दुगा क्‍यो़न चुक्‍वालाक धेनी दुगा ॱरुङक्‍योप झ्‍यीदालाक।

रोमापा 2:25

धा ख्‍यी़ क्षो़ठीम ॱरुङना, पाउ चेगीन ॱरो दे, ॱङोन्‍ने फेन्‍थोक हुङालाक हीना ख्‍यी़ क्षो़ठीम ॱमीरुङना, ख्‍यी़ पाउ चेगीन ॱरोगो ॱमीरुङगीन च्‍योक्‍रे लाक।

रोमापा 2:26

धा हुरे हीन्‍ना, पाउ चेगीन ॱरो ॱमीरुङगीन, मी च्‍यीकगी क्षो़ठीमगी काक्‍या ॱरुङना, खोला पाउ चेगीन ॱरो ॱरुङगीन मी च्‍योक्‍रे चीगीमाले?

रोमापा 2:29

हीना याहुदापा ॱङोन्‍नेगो सेम नाङने, याहुदापा हीन्‍गीनगो लाक धेनी पाउ चेगीन ॱरो ॱङोन्‍नेगो ढीक्‍टा क्षो़ठीमने मेन्‍दा, धाम्‍पे थुक्‍ङीगी थोक्‍ने झ्‍युङगीन सेम्‍ङीगी लाब लाक। देरे मीगी तो़टा नी, मीने मेन्‍दा को़न्‍क्षोकने झ्‍युङगीलाक।

रोमापा 3:30

धेनी को़न्‍क्षोक नी च्‍यीकराङ हो़तालाक। धेनी खोङबागी पाउ चेचाक्‍याला धेपागी थोक्‍ने, धाङ पाउ ॱमाचेचाक्‍यालाः धेपागी थोक्‍ने ढाङपो जेगीलाक।

रोमापा 8:4

दे नी, होराङ धीक्‍पे राङश्‍यीला तेन्‍दी मेन्‍दा हीना धाम्‍पे थुक्‍ङीला तेन्‍दी छोवा क्‍यागीनक्‍याई, क्षो़ठीमगी ढाङपो चीगीनगो ताक-ताक झ्‍यीदास्‍योक ॱनेरी, को़न्‍क्षोकगी जेपालाक।

१ कोरीन्‍थुपा 7:19

पाउ चेदी ताक ग्‍याप्‍ना घीया मालाक धेनी पाउ चेगीन ताक मेग्‍याप्‍नाः घीया मालाक। को़न्‍क्षोकगी का ॱरुङयेगो चाक्षे लाक।

२ कोरीन्‍थुपा 3:6

खोङबागी हेक्‍याला धाम्‍चा साबागी श्‍याप्‍तोक्‍पा झ्‍युङयेला, ज्‍यो़न्‍पो जेजुङ। धेनी दे नी, यीगी थोक्‍ने मेन्‍दा हीना धाम्‍पे थुक्‍ङीगी थोक्‍ने लाक घीझ्‍येरी ॱनाना ढीक्‍टा क्षो़ठीमगी मीला छीवागी छेपा कालालाक हीना धाम्‍पे थुक्‍ङीगी छे ॱनाङालाक।

गालातीयापा 5:14

घीझ्‍येरी ॱनाना क्षो़ठीम घीरी “राङगी खीम्‍चेला राङला च्‍योक्‍रे चेवा झ्‍यी” ॱनागीन, का च्‍यीकगी डुप हो़तालाक।

एफीसुपा 2:11

होझ्‍येरी ढेन्‍सो़ झ्‍यी, खेक्‍या केने ॱहालाराङ याहुदापा मेन्‍गीन हो़ताराङ, ली़ला लाक्‍पागी थोक्‍ने पाउ चेचा याहुदापाक्‍याई खेक्‍याला “पाउ ॱमाचेचाक्‍या” ॱनेरी ॱनालाक।

२ तीमोथेउ 3:15

मास्‍यीका येशुगी खाला धेपागी गोने थारपागी स्‍येराप ॱनाङगीन, धाम्‍पे सुङरापगो ख्‍यी़ च्‍यीमेने ॱहालाराङ स्‍ये हो़तालाक।

ईब्‍रीपा 11:3

धेपागी गोने जीक्‍तेन खाम घीरी, को़न्‍क्षोकगी कागी थोक्‍ने को़वालाक ॱनेरी, होराङ ॱहाघोरालाक। होझ्‍येरी ॱमीकगी थोङगीनगो, थोङ ॱमीथुक्‍कीनगी गोने को़वालाक।