रोमापा 2:23 - ॱलोवा

²³ क्षो़ठीमला ङोम्‍सो झ्‍यीगीन ख्‍यो़, क्षो़ठीमला ॱमीचीला को़न्‍क्षोकला ॱमेबेप झ्‍यीदाले?

रोमापा 2:23 Iomraidhean Croise

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

योहान्‍ना 5:45

“ङी यापगी डुङदु खेक्‍याला क्‍यो़न काटु ॱनेरी ॱमासाम। क्‍यो़न कागीनगो खेक्‍यागी ॱलोकाका मोशेगो लाक।

रोमापा 2:17

हीना ख्‍यो़ याहुदापा च्‍यीक हीन ॱनेरी ॱनाना, धेनी क्षो़ठीमला तेन्‍ना धेनी को़न्‍क्षोकमुला हो़गीन ढेवाला ङोम्‍सो झ्‍यीना,

रोमापा 3:2

छोक घीरीने फेन्‍थोक क्षे हो़तालाक। धाङपोगोला को़न्‍क्षोकगी का याहुदापाक्‍याला च्‍योवालाक।

रोमापा 3:27

धा ॱहाना होराङ घीन्‍गी कोरला, ङोम्‍सो झ्‍यीगुलाक से? ङोम्‍सो झ्‍यीये घीयाः मेतालाक। क्षो़ठीम घारेगी झ्‍येरी लाक से? लेगा झ्‍यीघोये क्षो़ठीमगी झ्‍येरी ले? मालाक हीना, होरी धेपागी झ्‍येरी लाक।

रोमापा 9:4

खुङक्‍या नी, ईस्‍राएल्‍पाक्‍या लाक धेनी को़न्‍क्षोकगी राङगी से धाङ सेमो झ्‍युङयेला दाम्‍दाक्‍या लाक। खोङबागी राङगी शीजे खुङक्‍याला ॱङो़न जेपालाक। धेनी खुङक्‍यामुला धाम्‍चा श्‍या जेदी, खुङक्‍याला क्षो़ठीम ॱनाङा जेपालाक। धेनी खोङबागी खुङक्‍याला क्षो़खाङ नाङ क्षाक्‍क्षो़पा पुये धाङ उ ॱना श्‍येस्‍याक्‍या ॱनावालाक।