रोमापा 2:17 - ॱलोवा

¹⁷ हीना ख्‍यो़ याहुदापा च्‍यीक हीन ॱनेरी ॱनाना, धेनी क्षो़ठीमला तेन्‍ना धेनी को़न्‍क्षोकमुला हो़गीन ढेवाला ङोम्‍सो झ्‍यीना,

रोमापा 2:17 Iomraidhean Croise

मेथा 3:9

‘हेक्‍या आब्‍राहामगी ग्‍युपा हीन।’ ॱनेरी राङ-राङला ॱनाये ॱमासाम घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने, आब्‍राहामगी क्षीला भुग्‍यु को़ जे थुक्‍कीलाक।

लुका 10:28

धेनी खोङबागी खोला सुवालाक, “ख्‍यी़ धेन्‍पा ॱनेजुङ। धा ख्‍यो़ देरे झ्‍यी धेनी ख्‍यो़ सो़न्‍पो ॱनेगीलाक।”

योहान्‍ना 5:39

सुङरापगी नाङदु थामेपे छेसोक हो़टु साम्‍दी, खेक्‍या सुङराप नाङला चालालाक। ङी कोरला पाङपो झ्‍यीगीन होदे सुङरापराङ लाक

योहान्‍ना 5:45

“ङी यापगी डुङदु खेक्‍याला क्‍यो़न काटु ॱनेरी ॱमासाम। क्‍यो़न कागीनगो खेक्‍यागी ॱलोकाका मोशेगो लाक।

योहान्‍ना 7:19

मोशेगी खेक्‍याला क्षो़ठीम दे ॱमानावाले? हीना याङ खेक्‍या सी़या क्षो़ठीम दे ॱमीरुङालाक। धा खेक्‍या ङाला सेयेगी थापस्‍यी घीझ्‍येरी चालाले?”

योहान्‍ना 8:33

खुङक्‍याई खोङबाला श्‍यी़वालाक, “हेक्‍या आब्‍राहामगी भुग्‍यु हीन धेनी नामा सी़या ढेन्‍योकला स्‍योर माङ्युङ। धा खेराङगी हेक्‍याला ‘खेक्‍याला राङवाङ जेगीलाक’ सुङगीनगी दो़नगो घी ले?”

योहान्‍ना 8:41

हीना खेक्‍या खेरी यापगी झ्‍यीगीन च्‍योक्‍रे झ्‍यीदालाक।” खुङक्‍याई खोङबाला ॱनेवालाक, “हेक्‍या ङ्यालुक मेन। को़न्‍क्षोकराङ हीकी याप च्‍यीगारागो हीन।”

रोमापा 2:23

क्षो़ठीमला ङोम्‍सो झ्‍यीगीन ख्‍यो़, क्षो़ठीमला ॱमीचीला को़न्‍क्षोकला ॱमेबेप झ्‍यीदाले?

रोमापा 3:27

धा ॱहाना होराङ घीन्‍गी कोरला, ङोम्‍सो झ्‍यीगुलाक से? ङोम्‍सो झ्‍यीये घीयाः मेतालाक। क्षो़ठीम घारेगी झ्‍येरी लाक से? लेगा झ्‍यीघोये क्षो़ठीमगी झ्‍येरी ले? मालाक हीना, होरी धेपागी झ्‍येरी लाक।

रोमापा 9:32

घीझ्‍येरी ॱमाथुक्‍पाले? घीझ्‍येरी ॱनाना खुङक्‍याई धेपाला ॱमातेन्‍पा हीना राङगी झ्‍यीगीन लेगाला तेन्‍दी, काल्‍ले ग्‍याप्‍पालाक। खुङक्‍या खोरी लामला हो़गीन धोगोङला थोक्‍ती घेवालाक।

२ कोरीन्‍थुपा 11:22

धा खुङक्‍या ईब्‍रीपा ले? ङाः हीन। खुङक्‍या आब्‍राहामगी भी़टुक ले? ङाः हीन।

गालातीयापा 2:15

होराङ केने ॱहालाराङ याहुदापा झ्‍येरी “याहुदापा मेन्‍गीन मीरीक धीक्‍चेनक्‍या” ॱनागीन च्‍योक्‍रे मालाक।

एफीसुपा 2:11

होझ्‍येरी ढेन्‍सो़ झ्‍यी, खेक्‍या केने ॱहालाराङ याहुदापा मेन्‍गीन हो़ताराङ, ली़ला लाक्‍पागी थोक्‍ने पाउ चेचा याहुदापाक्‍याई खेक्‍याला “पाउ ॱमाचेचाक्‍या” ॱनेरी ॱनालाक।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।

ॱङो़न्‍पा 3:1

“सारतीगी क्षो़छोकगी भाङछेनला देरे ढीक, “को़न्‍क्षोकगी थुक्‍ङी धी़न धाङ कारमा धी़न हो़गीनगी, दे काक्‍या सुङी। ख्‍यी़ लेगाक्‍या ङाला स्‍येयेहो़क। धेनी मीङगी छाने खेक्‍या सो़न्‍पो हो़ना, खेक्‍या स्‍यी हो़तालाक।

ॱङो़न्‍पा 3:9

“तो़दाङ धी़ सातानगी छोक्‍खाङगी हीन्‍गीन धेनी राङला याहुदापा मेन्‍दा हीन ॱनेरी ॱनागीन, शोक्‍पोक्‍याला ङा खेक्‍याचारु हुङदु च्‍युक्‍ती, खीकी काङबी दोङदु क्षाक छारु च्‍युक्‍येहीन। धेनी ङी खेक्‍याला चेवा झ्‍यीगीनगो खुङक्‍याई ॱहाघोरकीलाक।