रोमापा 2:12 - ॱलोवा

¹² क्षो़ठीम मेताला धीक्‍पा झ्‍यीगीन घीरी, क्षो़ठीमने डारीराङ मेताला डोगीलाक धेनी क्षो़ठीमगी होकला झ्‍येरी, धीक्‍पा झ्‍यीगीन घीरीला क्षो़ठीमगी थोक्‍ने ठीम चेगीलाक।

रोमापा 2:12 Iomraidhean Croise

मेथा 11:22

हीना ङा खेक्‍याला ॱनाहीन, ठीम चेगीन ङीमाला खेक्‍याले ल्‍हाक, ताएर धाङ सीदोनगी ॱनेछुला शो़पा श्‍येगीलाक।

मेथा 11:24

हीना ङा खेक्‍याला ॱनाहीन, ठीम चेगीन ङीमाला, खेक्‍याले ल्‍हाक सादोमला शो़पा श्‍येगीलाक।”

योहान्‍ना 19:11

येशुगी खोला कालेन ॱनावालाक, “तो़ने ॱमानाङगीन थुक्‍पे, ङी थोकला खेराङला आङजा घीया मेतालाक। होझ्‍येरी खेराङगी लाकला ङाला ची ग्‍याप्‍कीनगोला, देले ल्‍हाक धीक्‍पा क्षे फोक्‍कीलाक।”

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

रोमापा 1:32

देरे लेगा झ्‍यीगीनक्‍याला, को़न्‍क्षोकगी ढाङतेनगी ठीमला छीवे ङेपा फोक्‍कीलाक ॱनागीन, लाब दे खुङक्‍याई स्‍येरीयाः, खुङक्‍याई दे लेगाक्‍या झ्‍यीये च्‍यीगा मेन्‍दा हीना देरे लेगा झ्‍यीगीन मी श्‍येम्‍माक्‍यालाः सेमस्‍युक पारालाक।

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

१ कोरीन्‍थुपा 9:21

क्षो़ठीम मेगीनक्‍याई सेम क्‍योप्‍येगी क्षीदु, ङा क्षो़ठीम मेगीनक्‍यामुला क्षो़ठीम मेगीन च्‍योक्‍रे झ्‍युवी। हीना ङा ङाराङ को़न्‍क्षोकगी क्षो़ठीमने डारी मेन्‍दा, ङा मास्‍यीकागी ठीम होकला धे हो़तालाक।

गालातीयापा 3:10

क्षो़ठीमगी लेगाक्‍याला तेन्‍गीनक्‍या छेपागी होकला धेतालाक घीझ्‍येरी ॱनाना सुङरापला देरे ढीक हो़तालाक, “क्षो़ठीमगी धेपला ढीक्‍टा घीरी चीरी ॱमेनेगीनक्‍याला छेपा फोवालाक।”

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

याकोब 2:10

घीझ्‍येरी ॱनाना मी च्‍यीकगी ठीम घीरी ॱरुरी हीना च्‍यीकला च्‍यीगा लेना, खो क्षो़ठीमगी ठीम घीरी ॱमारुङगीनगी क्‍यो़न फोक्‍कीलाक।