रोमापा 2:10 - ॱलोवा

¹⁰ हीना ले शाङा झ्‍यीगीन घीरीला, शीजे धाङ कुरती धाङ श्‍यीदे थोप्‍कीलाक। धाङपोगो याहुदापाक्‍याला धेनी याहुदापा मेन्‍गीनक्‍याला।

रोमापा 2:10 Iomraidhean Croise

मेथा 10:13

धेनी होदे नाङगी मीक्‍याई खेक्‍याला फेप्‍सु श्‍यी़ना, खेरी श्‍यीदे होदे नाङदु ॱनेलास्‍योक हीना खुङक्‍याई फेप्‍सु मीश्‍युना, खेक्‍याई श्‍यीदे खेलाराङ लोक्‍ती हुङास्‍योक।

लुका 1:79

धेनी मी़नाक्‍पा धाङ स्‍यीवे ढीम्‍जाकला धेगीनक्‍याला थारवे हो़क थोप्‍कीलाक, धेनी होराङला श्‍यीदेगी लामला ठीक्‍कीलाक।”

लुका 12:37

धेनी दाक्‍पोगो नाङला लोक्‍ती हुङी घाङला ॱयोक्‍पोक्‍या, ॱङी मालोक्‍वा धेगीन थुक्‍ना होदे ॱयोक्‍पोक्‍या झ्‍यीलाप क्षे लाक। ङा ॱङोन्‍ने खेक्‍याला ॱनाहीन, होदे दाक्‍पोगी़ राङगी केराक रेरी, ॱयोक्‍पोक्‍याला शामा शायेला धेदु च्‍युक्‍ती खुङक्‍याई श्‍याप्‍ची श्‍युगीलाक।

लुका 19:42

धेनी सुवालाक, “श्‍यीदे घाने हुङगीनगो ख्‍यी़ धीरीङ ङीमाला ॱहाघोर हो़ना ढीक्‍येहो़क। हीना धा दे खीकी ॱमीक्‍वाने ॱयीप हो़तालाक।

लुका 22:14

धेनी धी़चो़ झ्‍युङी घाङला, येशु ङेने च्‍युङङीक्‍याई मुला श्‍येलाक श्‍येयेला श्‍युक्‍पालाक।

लुका 9:48

धेनी ङेनेक्‍याला सुवालाक, “ङी मीङने दे टुला खे लेन्‍गीनगी़ ङाला खे लेन्‍गीलाक धेनी ङाला खे लेन्‍गीनगी़ ङाला झाङगीनला खे लेन्‍गीलाक। घीझ्‍येरी ॱनाना खेक्‍या घीरीने च्‍युङस्‍योकगो क्षेस्‍योक लाक।”

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 10:35

मीरीक घारे हीन्‍नाः को़न्‍क्षोकला जीक्‍नाङ झ्‍येरी, चीगीन धाङ लेगा शाङा झ्‍यीगीनला को़न्‍क्षोकगी खेलेन जेगीलाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 2:9

ङेन्‍पा झ्‍यीगीन मी घीरीगी खाला, दुक्‍ङेल धाङ काङे भाप्‍कीलाक। धाङपोगो याहुदापाक्‍याला धेनी याहुदापा मेन्‍गीनक्‍याला।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

रोमापा 8:6

धा धीक्‍पे राङश्‍यीगी ख्‍यो़री साम्‍लो वाङ झ्‍यीदु च्‍युक्‍ना, छीवादु ठीयालाक हीना धाम्‍पे थुक्‍ङीगी ख्‍यो़री साम्‍लो वाङ झ्‍यीदु च्‍युक्‍ना, छेसोक धाङ श्‍यीदेला ठीयालाक।

रोमापा 9:21

जामा शोगीनला दाम्‍बा च्‍यीकने, ॱनो़ च्‍यीक दो़न खाक्‍क्षे धाङ च्‍यीक क्‍युमागी क्षीदु शोयेगी आङजा मेतालाक से?

रोमापा 9:23

दे नी एम्‍माने शीजेगी क्षीला को़न्‍क्षोकगी डाढीक जेजा, खोङगी ॱङीङजे तो़न्‍जा मीक्‍या खाला, खोङगी ॱलानामेपे शीजे ॱयो़ल्‍ले ठाछाई झ्‍येरी, ॱङो़न्‍येगी क्षीदु खोङबागी जेपालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

फीलीप्‍पीपा 4:7

धेनी मीक्‍याई साम्‍लोलाराङ मेगीन, को़न्‍क्षोकगी श्‍यीदेगी खेक्‍याई सेम धाङ साम्‍लोला, मास्‍यीका येशुगी नाङ ॱरुङा जेगीलाक।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

ईब्‍रीपा 2:7

खेराङगी खोला ॱनेकापगी क्षीदु नाम्‍खे भाङछेनक्‍याने ॱमावा जेसोङ। खेराङगी खोला शीजे धाङ कुरतीगी चो़पो़न को़न जेपालाक।

याकोब 2:22

खी़ धेपागो खी़ लेगामुला थी़न्‍दी डुगीन धाङ लेगागी थोक्‍ने, धेपागो छाङबो झ्‍युङगीनगो खेक्‍या थोङालाक।

याकोब 3:13

खेक्‍याने खेवा धाङ साम्‍लो थोङागो सु हो़तो? मी देगी राङगी चो़लाम शाङपो धाङ स्‍येरापने झ्‍युङगीन, ॱङ्यामच्‍युङगी गोने राङगी लेगा घीरी तो़न्‍घो़।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।