रोमापा 2:1 - ॱलोवा

¹ होझ्‍येरी श्‍येम्‍माला क्‍यो़न चुक्‍कीन मी ख्‍यो़, ख्‍यो़ला घोयाङ मेतालाक घीझ्‍येरी ॱनाना दो़न घीला, ख्‍यी़ मी श्‍येम्‍माला क्‍यो़न चुक्‍यी, होदे दो़नगोला ख्‍यो़लाः क्‍यो़न चुक्‍कीलाक। घीझ्‍येरी ॱनाना श्‍येम्‍माला क्‍यो़न चुक्‍कीन ख्‍यी़याः, होदे लेगा झ्‍यीदालाक।

रोमापा 2:1 Iomraidhean Croise

लुका 12:14

धेनी येशुगी सुवालाक, “रोवाओ, ख्‍यी़ खाला ठीम झ्‍यीये याङना ग्‍यु घो़गीन, ङाला सी़ को़जो?”

लुका 19:22

ग्‍यावुगी खोला ॱनेवालाक, ‘ॱयोक्‍पो ङेन्‍पा ख्‍यो़, ख्‍यी़ छीकक्‍यानेराङ ङा ख्‍यो़ला ठीम ताङयेहीन। ङा माश्‍याक्‍कीनने लेन्‍गीन धाङ ॱमाताप्‍कीनने ॱङागीन मी ग्‍योङा च्‍यीक लाक ॱनेरी ख्‍यी़ स्‍येरीयाः

लुका 6:37

“श्‍येम्‍मागी ठीम ॱमाचे धेनी ख्‍यो़ला ठीम चेगीमालाक। श्‍येम्‍माला क्‍यो़न ॱमाचुक धेनी ख्‍यो़ला क्‍यो़न चुक्‍कीमालाक। श्‍येम्‍माला घोयाङ तेर धेनी ख्‍यो़ला घोयाङ ॱनाङगीलाक।

रोमापा 14:22

ख्‍यी़ नाङ हो़गीन धेपागो को़न्‍क्षोक धाङ ख्‍यो़री घुङदु श्‍योक। धेनी राङगी खेलेन झ्‍येजा दो़नगी, राङला क्‍यो़न चुक्‍तु ॱमीच्‍युक्‍कीन मीगो झ्‍यीलाप क्षे लाक।

रोमापा 2:2

धा देरे लेगा झ्‍यीगीनक्‍याई खाला को़न्‍क्षोकगी ठीम चे जेगीनगो, धेन्‍पा दुक ॱनेरी होराङ स्‍येलालाक।

रोमापा 2:3

धा मी ख्‍यो़, देरे लेगा झ्‍यीगीनक्‍याला ख्‍यी़ क्‍यो़न चुक धेनी ख्‍यो़राङगोवाः हुरे लेगाराङ झ्‍यीना, को़न्‍क्षोकगी ठीम्‍चो़ने ख्‍यो़ थारटु साम्‍ये?

रोमापा 3:9

धा ॱहाना थामे दो़नगो घी ले? हे याहुदापाक्‍या मी श्‍येम्‍माक्‍याने ल्‍हाक शाङा हो़तालाक से? मेतालाक, फुक्‍की मेतालाक। घीझ्‍येरी ॱनाना याहुदापा धाङ याहुदापा मेन्‍गीन, मी घीरी धीक्‍पे वाङ होकदु हो़तालाक ॱनेरी, ङी तो़न्‍साहो़क।

रोमापा 9:20

हीना को़न्‍क्षोकला खालोक्‍कीन मी ख्‍यो़ सु हीनो? शो़सा च्‍यालाकगी शोगीनला “ख्‍यी़ ङाला देरे घीझ्‍येरी शो़वा?” ॱनेरी ॱनाले?

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

१ कोरीन्‍थुपा 7:16

खे केमीक्‍याओ, खेक्‍याला घी स्‍ये, खीकी राङगी ख्‍योवाला क्‍योप थुक्‍ये हो़टु? याङना खे ख्‍योवाक्‍याओ, खेक्‍याला घी स्‍ये, ख्‍यी़ राङगी केमीला क्‍योप थुक्‍ये हो़टु?

याकोब 2:20

खे ॱलेन्‍पाक्‍याओ, लेगा मेगीन धेपा फेन मेगीनगी पाङपोगो, खेक्‍याला तो़न घोयेदुई?

याकोब 4:11

पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।