रोमापा 16:7 - ॱलोवा

⁷ ङी पी़न्‍दा धाङ ङी चो़न्‍रोक हीन्‍गीन, एन्‍डोनीकु धाङ युनीयाला छाम्‍डी श्‍यी़। खुङक्‍या कुछापक्‍याई नाङ केटाक्‍क्षे हो़तालाक धेनी ङाने एन्‍ला मास्‍यीकावा झ्‍युवालाक।

रोमापा 16:7 Iomraidhean Croise

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 15:2

ङी नाङ हो़गीन याक्‍का घीरीने ढेबु ॱमेक्षाक्‍कीन याक्‍काक्‍या, खोङबागी च्‍ये जेदालाक धेनी ढेबु क्षाक्‍कीन याक्‍का घीरी देले ल्‍हाक ढेबु क्षाक्‍येला, खोङबागी होदे घीरी ढेक्‍चो़ जेदालाक।

योहान्‍ना 6:56

ङी स्‍या शागीन धाङ ङी ठाक थुङगीनगो, ङी नाङ ॱनेलालाक धेनी ङा होदेगी नाङ ॱनेलाहीन।

रोमापा 16:10

धेनी मास्‍यीकागी नाङ शाङपो चीचा, आपेलेला छाम्‍डी श्‍यी़। धेनी आरीस्‍तोबुलोगी नाङमीक्‍याला छाम्‍डी श्‍यी़।

रोमापा 16:11

ङी पी़न्‍दा हेरोदीयो़नला छाम्‍डी श्‍यी़। धेनी चोवोगी नाङ हो़गीन, नारकीसोगी नाङमीक्‍याला छाम्‍डी श्‍यी़।

रोमापा 16:21

ङी लेरोक तीमोथेउ धाङ ङी पी़न्‍दा लुकीया धाङ यासोन धाङ सोसीपातोगी खेक्‍याला छाम्‍डी श्‍यी़क।

रोमापा 16:3

धेनी मास्‍यीका येशुगी नाङ, ङी लेरोक पीरीस्‍का धाङ आकुलाला छाम्‍डी श्‍यी़।

रोमापा 16:6

धेनी खीकी क्षीदु ॱमीच्‍यीकी काल्‍ले ग्‍यापक्‍या, मीरीयामला छाम्‍डी श्‍यी़।

रोमापा 16:8

चोवोगी नाङ ङी चेवे रोवा, आम्‍पीलीयातुला छाम्‍डी श्‍यी़।

रोमापा 16:9

धेनी मास्‍यीकागी नाङ ङी लेरोक, उरबानु धाङ ङी चेवे रोवा स्‍ताकुसला छाम्‍डी श्‍यी़।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 12:2

लो च्‍युपश्‍यी एन्‍ला नाम्‍खे श्‍यीङखाम सुम्‍बारु ठीक्‍ठा, मास्‍यीकाला धेपा झ्‍यीगीन मी च्‍यीक ङी ङोस्‍येलीहो़क। खो ली़ला याङना सेम्‍ङीला ठीक्‍कीनगो, ङी मेस्‍येहो़क हीना को़न्‍क्षोक खेन जेदालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 1:22

होदे थुक्‍पे युदेया युदु हो़गीन मास्‍यीकागी क्षो़छोकक्‍याई, ङाला थोङ माङ्युङ हो़तालाक।

गालातीयापा 2:2

को़न्‍क्षोकगी ङाला तो़न्‍दा जेदी, ङा होदुरु सोवी। धेनी ङी झ्‍येजा धाङ झ्‍यीगीन लेगाक्‍या दो़न मेगीन माझ्‍युङास्‍योक ॱनेरी, ङा होदुरु हो़ती घाङला, ङी याहुदापा मेन्‍गीन मीरीकक्‍यामुला स्‍येगीन ताम्‍शाङगी़ कोरला, क्षो़छोकगी गोठीक्‍याला शुरला थुक्‍ती स्‍येवी।

गालातीयापा 2:6

धेनी पो़न्‍पोक्‍या घाजो़ ओजोखा हो़ना, ङाला घीया झ्‍यी़दोक माझ्‍युजुङ घीझ्‍येरी ॱनाना को़न्‍क्षोकगी मीला ॱयेवा टाला मेजेदालाक। होदे पो़न्‍पोक्‍याई ङी स्‍येगीन लाबक्‍या खाला घीया ॱनो़न्‍गा ग्‍याप्‍की मीदुक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

कोलोसेपा 4:10

चो़न्‍खाङ नाङदु ङी रोवा आरीस्‍तारकु धाङ बारनाबागी छाउ मारकुगीयाः, खेक्‍याला छाम्‍डी श्‍यी़क। (मारकुगी कोरला ङी खेक्‍याला एन्‍दुरु स्‍येसाहो़क। धेनी खो खीकीचारु हुङना खोला नाङला सी़।)

फीलेमोन 1:23

मास्‍यीका येशुगी नाङदु ङी चो़न्‍पा रोवा एपाब्‍रागी ख्‍यो़ला छाम्‍डी श्‍यी़क।

१ योहान्‍ना 4:13

को़न्‍क्षोकगी राङगी थुक्‍ङी होराङला ॱनाङगीनगी गोने, होराङ खोङगी नाङ ॱनेये धाङ खोङ होराङ नाङ श्‍युक्‍कीनगो, होरी स्‍येलालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।