रोमापा 16:3 - ॱलोवा

³ धेनी मास्‍यीका येशुगी नाङ, ङी लेरोक पीरीस्‍का धाङ आकुलाला छाम्‍डी श्‍यी़।

रोमापा 16:3 Iomraidhean Croise

जेपा 18:26

खो याहुदापाक्‍याई छोक्‍खाङला ॱमीच्‍यीकी ॱङीङक्षे झ्‍येरी ॱलापच्‍या तेरालाक। हीना खी़ ॱलापच्‍या ङेन्‍दी, पीरीस्‍कीला धाङ आकुलागी खोला नाङदु ठीक्‍ती खोला को़न्‍क्षोकगी लामगी कोरला स्‍येदी, धोराङा साला ॱहाघोतु च्‍युक्‍पालाक।

रोमापा 16:10

धेनी मास्‍यीकागी नाङ शाङपो चीचा, आपेलेला छाम्‍डी श्‍यी़। धेनी आरीस्‍तोबुलोगी नाङमीक्‍याला छाम्‍डी श्‍यी़।

रोमापा 16:4

खुङक्‍याई ङी क्षीदु राङगी मीछेराङ, ङेन्‍का क्षेला च्‍युक्‍पालाक। धेनी खुङक्‍याला ङा च्‍यीगा मेन्‍दा हीना याहुदापा मेन्‍गीन, क्षो़छोक हो़लेगीयाः काटीन क्षे श्‍युलालाक।

रोमापा 16:7

ङी पी़न्‍दा धाङ ङी चो़न्‍रोक हीन्‍गीन, एन्‍डोनीकु धाङ युनीयाला छाम्‍डी श्‍यी़। खुङक्‍या कुछापक्‍याई नाङ केटाक्‍क्षे हो़तालाक धेनी ङाने एन्‍ला मास्‍यीकावा झ्‍युवालाक।

रोमापा 16:9

धेनी मास्‍यीकागी नाङ ङी लेरोक, उरबानु धाङ ङी चेवे रोवा स्‍ताकुसला छाम्‍डी श्‍यी़।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

१ कोरीन्‍थुपा 16:16

देरे मीक्‍या धाङ देरेराङ झ्‍येरी काल्‍ले ग्‍याप्‍कीन लेरोकक्‍याई खाला ङेन ॱनेरी, ङा खेक्‍याला श्‍योवा पुलाहीन।

१ कोरीन्‍थुपा 16:19

एशीयागी क्षो़छोकक्‍याई खेक्‍याला छाम्‍डी श्‍यी़क। आकुला धाङ पीरीस्‍का धाङ खुङगी नाङदु छुक्‍कीन क्षो़छोकगी, खेक्‍याला चोवोगी छेनने छाम्‍डी श्‍यी़क।

२ कोरीन्‍थुपा 12:2

लो च्‍युपश्‍यी एन्‍ला नाम्‍खे श्‍यीङखाम सुम्‍बारु ठीक्‍ठा, मास्‍यीकाला धेपा झ्‍यीगीन मी च्‍यीक ङी ङोस्‍येलीहो़क। खो ली़ला याङना सेम्‍ङीला ठीक्‍कीनगो, ङी मेस्‍येहो़क हीना को़न्‍क्षोक खेन जेदालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 1:22

होदे थुक्‍पे युदेया युदु हो़गीन मास्‍यीकागी क्षो़छोकक्‍याई, ङाला थोङ माङ्युङ हो़तालाक।

फीलीप्‍पीपा 2:25

हीना ङी पी़न धाङ लेरोक धेनी ॱमाक्‍रोक धेनी ङी खो़चेक्‍याला रोवा झ्‍यीयेला, खेक्‍याई झाजा खीकी भाङछेन हीन्‍गीन, ईपाप्‍रोदीतोला खीकीचारु ॱलोक्‍ती झाङयेगो गेक्षे दुक ॱनेरी, ङा सामीहो़क।

कोलोसेपा 4:11

युसीतो ॱनागीन येशुगीया, खेक्‍याला छाम्‍डी श्‍यी़क। को़न्‍क्षोकगी ग्‍यासी क्षीदु, ङी लेरोकक्‍याने खुङक्‍या च्‍यीगा याहुदापा लाक। धेनी खुङक्‍याने ङाला सेम्‍सो थोबी।

२ तीमोथेउ 4:19

पीरीस्‍का धाङ आकुला ॱङीउ धेनी ओनीसीफोरुगी नाङमी घीरीला छाम्‍डी श्‍यी़।