रोमापा 16:21 - ॱलोवा

²¹ ङी लेरोक तीमोथेउ धाङ ङी पी़न्‍दा लुकीया धाङ यासोन धाङ सोसीपातोगी खेक्‍याला छाम्‍डी श्‍यी़क।

रोमापा 16:21 Iomraidhean Croise

जेपा 13:1

आन्‍तीयोक ग्‍याजागी क्षो़छोकला, ॱङो़नस्‍येखेनक्‍या धाङ ॱलोपो़नक्‍या माङा हो़तालाक। खुङक्‍या बारनाबा धाङ नीगार सीमेयोन धाङ कुरेनेगी लुकीहु धाङ ग्‍यावु हेरोदेमुला छारछा, मानाहेन धाङ साउल लाक।

जेपा 17:14

धेनी धेपा-झ्‍यीगीनक्‍याई पाउलुला उक्‍कुरा ग्‍याछो स्‍योकला झावालाक। हीना सीलवानु धाङ तीमोथेउगो होदुरुराङ धेपालाक।

जेपा 17:5

हीना याहुदापा रीङगा ठादोक लारी ॱराङगाकगी मी ङेन्‍पाक्‍या ठीक्‍ती, ग्‍याजारु टुक्‍कीन लेगा झ्‍येवालाक। धेनी पाउलु धाङ सीलवानुला मीक्‍या दोङदु ठीक्‍ती हुङयेला, खुङक्‍या यासोनगी नाङला रुब्‍ती चारु सोवालाक।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 19:22

धेनी खी़ खोरी लेरोक तीमोथेउ धाङ एरास्‍तुला, माकेडोनीया स्‍योकला झावालाक हीना खोराङगो एशीयारु राङ धेपालाक।

जेपा 20:4

होदे ढु ग्‍याप्‍येला खोमुला श्‍येम्‍मा मीक्‍याः हो़तालाक। होदेक्‍या बेरोया ग्‍याजागी पुररुसगी भीजा, सोपातेर धाङ थेसलोनीके ग्‍याजागी आरीस्‍तारकु धाङ सेकुनदु धाङ धेरबे ग्‍याजागी गायु धेनी तीमोथेउ धाङ एशीया स्‍योकने होवा, तुखीकोस धाङ तोरोफीमोस लाक।

रोमापा 16:11

ङी पी़न्‍दा हेरोदीयो़नला छाम्‍डी श्‍यी़। धेनी चोवोगी नाङ हो़गीन, नारकीसोगी नाङमीक्‍याला छाम्‍डी श्‍यी़।

रोमापा 16:7

ङी पी़न्‍दा धाङ ङी चो़न्‍रोक हीन्‍गीन, एन्‍डोनीकु धाङ युनीयाला छाम्‍डी श्‍यी़। खुङक्‍या कुछापक्‍याई नाङ केटाक्‍क्षे हो़तालाक धेनी ङाने एन्‍ला मास्‍यीकावा झ्‍युवालाक।

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

२ कोरीन्‍थुपा 1:19

घीझ्‍येरी ॱनाना खेक्‍याई खोक्‍दु ङा, सीलवानु धाङ तीमोथेउगी ताम्‍शाङ स्‍येस्‍या, को़न्‍क्षोकगी से, येशु मास्‍यीका नी “लाक” धाङ “मालाक” ॱनेरी मालाक हीना खोङगी नाङ च्‍योई “लाक” च्‍यीगा हुङालाक।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

कोलोसेपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ होरी नो तीमोथेउने,

१ थेसालोनीकेपा 1:1

पाउलु धाङ सीलवानु धाङ तीमोथेउ सुमने, थेसालोनीकेरु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला, थुक्‍जे धाङ श्‍यीदे हुङास्‍योक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ थेसालोनीकेपा 3:6

हीना धान्‍दा तीमोथेउ खेक्‍या चाने होरी, खीकी धेपा धाङ चेवागी कोरला ताम शाङा हेक्‍याला स्‍येजुङ। धेनी हेक्‍या खेक्‍याला थुक्‍दो़ हो़गीन च्‍योक्‍रे, खेक्‍या हेला नाम्‍हीना ढेन्‍ये धाङ हेला थुक्‍येला दो़पा हो़गीनगोवा घोरजुङ।

२ थेसालोनीकेपा 1:1

पाउलु धाङ सीलवानु धाङ तीमोथेउ सुमगी, थेसालोनीकेदु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला,

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

१ तीमोथेउ 6:20

तीमोथेउ ओ, ख्‍यो़ला च्‍योगीनगो ॱरुङ च्‍यीक। धेनी मीक्‍याई शोक्‍पो ॱनेरी “स्‍येराप” साम्‍गीन क्षो़ला ॱमीथी़न्‍गीन, लाब धाङ क्षोमेगीन चो़पाक्‍याने जेम।

२ तीमोथेउ 1:2

ङी चेवे भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भाबास्‍योक।

ईब्‍रीपा 13:23

होरी पी़न तीमोथेउ चो़न्‍खाङने थो़न्‍गीनगो, खेक्‍याई ॱहाघोकीनगो ङा दो़दीहो़क। धेनी खो ग्‍योक्‍वा ॱलेप्‍ना, ङा खी़मुला खेक्‍याला थुक्‍तु हुङाहीन।