रोमापा 16:18 - ॱलोवा

¹⁸ घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

रोमापा 16:18 Iomraidhean Croise

मेथा 24:11

धेनी ॱङो़नस्‍येखेन शोक्‍पोक्‍या माङा थो़न्‍गीलाक धेनी मी माङाला ॱली़गीलाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 6:24

“मी च्‍यीक दाक्‍पो ॱङीगी ॱयोक ग्‍युक ॱमीथुवालाक घीझ्‍येरी ॱनाना ख्‍यी़ च्‍यीकला दाङा झ्‍यीना, श्‍येम्‍मागोला चेवा झ्‍यीगीलाक। याङ च्‍यीकला ॱलो काना, श्‍येम्‍मागोला थोङछुङ झ्‍यीगीलाक। ख्‍यो़ को़न्‍क्षोक धाङ ॱङु ॱङीगारागी ॱयोक ग्‍युक ॱमीथुक्‍वालाक।

मेथा 7:15

“ॱङो़नस्‍येखेन शोक्‍पोक्‍याने शाप-शाप झ्‍यी। देक्‍या लुकगी पाउ घो़न्‍दी हुङालाक, हीना नाङने जीक्‍टाक्षे चुङगुक्‍या च्‍योक्‍रे हुङालाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

रोमापा 14:18

धेनी दी गोने मास्‍यीकाला श्‍याप्‍ची श्‍युगीनगोला, को़न्‍क्षोकगी थुक्‍ङेउ चीगीलाक धेनी मीक्‍याः घागीलाक।

रोमापा 16:19

खेक्‍या खाला ङेन्‍पो हो़गीनगो, मी घीरीला स्‍येये हो़तालाक धेनी खेक्‍याई झ्‍येरी ङा घाटो झ्‍यीदाहीन। हीना खेक्‍या शाङा हीन्‍गीनगोला चाङजे झ्‍यीये धाङ ङेन्‍पा हीन्‍गीनगोला क्‍यो़न मेगीन झ्‍युङगीनगो ङा दो़दीहो़क।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

गालातीयापा 1:10

धा ङा मीक्‍याने ङोलेन चालीओ याङमेना को़न्‍क्षोकने चालीओ? याङ ङा मीक्‍याला घारु च्‍युक्‍येगी थापस्‍यी झ्‍यीदे? ङी धान्‍दा थुक्‍पे, मीक्‍याला घारु च्‍युक्‍ये थापस्‍यी झ्‍येहो़ना, ङा मास्‍यीकागी श्‍याप्‍ची हुङये मेक।

फीलीप्‍पीपा 2:21

मी श्‍येम्‍माक्‍या नी येशु मास्‍यीकागी दो़नला मेन्‍दा, राङगी दो़न्‍दाक च्‍यीगा चाली।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

कोलोसेपा 2:4

मी सी़या खेक्‍याला ॱली़गीन ताम ॱङेन्‍बोगी गोकोर ॱमाताङास्‍योक ॱनेरी, ङा देरे ॱनाहीन।

कोलोसेपा 3:24

घीझ्‍येरी ॱनाना चोवोने खेक्‍याला ग्‍युज्‍यीन झ्‍युङयेगो ज्‍यागाला थोप्‍कीलाक ॱनेरी, खेक्‍या स्‍येलालाक। धेनी खेक्‍याई चोवो मास्‍यीकाला श्‍याप्‍ची श्‍युलालाक।

२ थेसालोनीकेपा 2:10

धाङ थारपा ॱनाङगीन धेन्‍पाला खेमेलेन्‍गीन मेताला डुगीनक्‍याला, लेगा ङेन्‍पा ॱनाछोकगी गो कोरकीन ॱयो़क्‍यु झ्‍यीगीलाक।

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,

युदा 1:12

खीकी झाम्‍पे डो़नला दे मीक्‍या ढीमाक च्‍योक्‍रे दुक घीझ्‍येरी ॱनाना देक्‍या ङोजा मीझ्‍यीदा, राङला च्‍यीगा साम्‍दी ॱमीच्‍यीकी शा-थुङ झ्‍यीदालाक। देक्‍या नी, ॱलुङगी ताक्‍ती खेरकीन क्षु मेगीन ॱरीङबाक्‍या च्‍योक्‍रे लाक धेनी तो़न्‍गागी ढेबु मेगीन थेङमा ॱङी स्‍यीछासा, चावाने कोक्‍का स्‍यीङदोङ च्‍योक्‍रे लाक।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।