रोमापा 16:12 - ॱलोवा

¹² चोवोगी नाङ काल्‍ले ग्‍याप्‍कीन भोमो, तीरुफेना धाङ तीरुफोसाला छाम्‍डी श्‍यी़। चोवोगी नाङ ॱमीच्‍यीकी काल्‍ले ग्‍याप्‍कीन ङी चेवे रोवा, पेरसीला छाम्‍डी श्‍यी़।

रोमापा 16:12 Iomraidhean Croise

मेथा 5:47

धेनी राङगी पी़नक्‍याला च्‍यीगा छाम्‍डी श्‍यी़ना, ख्‍यी़ मी श्‍येम्‍माने ल्‍हाक घी झ्‍यीदी से? धेपा मीझ्‍यीगीनक्‍याः देरेराङ मीझ्‍यीदाई?

मेथा 9:38

होझ्‍येरी लोदोकगी चोवोला, राङगी लोदोक धुयेगी छीला मीलाकक्‍या ताङरो जे ॱनेरी, ॱमो़लाम श्‍यी़।”

रोमापा 16:11

ङी पी़न्‍दा हेरोदीयो़नला छाम्‍डी श्‍यी़। धेनी चोवोगी नाङ हो़गीन, नारकीसोगी नाङमीक्‍याला छाम्‍डी श्‍यी़।

रोमापा 16:13

चोवोगी नाङ दाम्‍दा रुफुसु धाङ ङी आमाः झ्‍युङ ङ्युङगीन, खी़ आमाला छाम्‍डी श्‍यी़।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

१ कोरीन्‍थुपा 16:16

देरे मीक्‍या धाङ देरेराङ झ्‍येरी काल्‍ले ग्‍याप्‍कीन लेरोकक्‍याई खाला ङेन ॱनेरी, ङा खेक्‍याला श्‍योवा पुलाहीन।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ तीमोथेउ 4:10

दो़न देगी क्षीला होराङक्‍या दुक्‍पु ङ्यारी काल्‍ले ग्‍यालाक। घीझ्‍येरी ॱनाना होरी रेवा सो़न्‍पो को़न्‍क्षोकला ॱनेलालाक। खोङबा नी, मी घीरी धाङ ॱमीक्‍सेदु धेपा झ्‍यीगीनक्‍याई क्‍याम्‍गो़न लाक।