रोमापा 15:7 - ॱलोवा

⁷ होझ्‍येरी को़न्‍क्षोकगी शीजेगी क्षीदु मास्‍यीकागी खेक्‍याला खेलेन जेजा च्‍योक्‍रे, खेक्‍यागीयाः च्‍यीकगी च्‍यीकला खेलेन झ्‍यी।

रोमापा 15:7 Iomraidhean Croise

मेथा 10:40

“खेक्‍याला खेलेन झ्‍यीगीनक्‍याई, ङाला खेलेन झ्‍यीदालाक धेनी ङाला खेलेन झ्‍यीगीनक्‍याई, ङाला झाङगीनगोला खेलेन झ्‍यीदालाक।

मारकु 9:37

“ङी मीङने टु च्‍यीमे देला सी़ खेलेन्‍दी, होदेगी़ ङाला खे लेन्‍दालाक। धेनी ङाला खे लेन्‍गीनगी़, ङा मेन्‍दा ङाला ताङगीनला खे लेन्‍दालाक।”

लुका 15:2

धेनी फारुसीपाक्‍या धाङ क्षो़ठीमगी ॱलोपो़नक्‍या फाक्‍तुङ दुरी ॱनेवालाक, “दे मी दे धीक्‍चेनक्‍याला सी़री खुङक्‍यामुला शामा शी।”

लुका 9:48

धेनी ङेनेक्‍याला सुवालाक, “ङी मीङने दे टुला खे लेन्‍गीनगी़ ङाला खे लेन्‍गीलाक धेनी ङाला खे लेन्‍गीनगी़ ङाला झाङगीनला खे लेन्‍गीलाक। घीझ्‍येरी ॱनाना खेक्‍या घीरीने च्‍युङस्‍योकगो क्षेस्‍योक लाक।”

योहान्‍ना 13:34

“ङा खेक्‍याला काठीम साबा च्‍यीक तेराहीन, च्‍यीकगी च्‍यीकला झाम्‍पा झ्‍यी। ङी खेक्‍याला झाम्‍पा झ्‍यीगीन च्‍योक्‍रे, खेक्‍यागीया च्‍यीकगी च्‍यीकला झाम्‍पा झ्‍यी।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

एफीसुपा 1:12

दे नी मास्‍यीकाला रेवा झ्‍यीगीन हे धाङस्‍योकक्‍याई को़न्‍क्षोकगी शीजेला, तो़पा हुङयेगी क्षीला लाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

कोलोसेपा 3:13

धेनी च्‍यीकगी च्‍यीकला शो़पा घोम्‍दी, च्‍यीकगी श्‍येम्‍माला क्‍यो़न चुक हो़ना, च्‍यीकगी च्‍यीकला घोयाङ तेरती, चोवोगी खीकी धीक्‍पा सेल्‍गीन च्‍योक्‍रे, खेक्‍यागीयाः घोयाङ तेरघो़।