रोमापा 15:5 - ॱलोवा

⁵ धेनी शो़पा धाङ सेमस्‍युक ॱनाङगीन, को़न्‍क्षोकगी खेक्‍याला मास्‍यीका येशुमुला च्‍यीक झ्‍युरी, फेन्‍छुनक्‍या घुङदु सेम्‍बा च्‍यीक्‍पा जेदी, छोवा केरु च्‍युक्‍वा जेदास्‍योक।

रोमापा 15:5 Iomraidhean Croise

जेपा 4:32

धेपा-झ्‍यीगीन मीक्‍या सेम धाङ साम्‍लो च्‍यीक झ्‍युरी, थी़न्‍दी धेबालाक। खुङक्‍याई राङगी ग्‍युनोरक्‍या ङी हीन ॱनेरी, ॱनागीन च्‍यीया मेतालाक। ग्‍युनोर हो़गीन घीरी घो़री पी़मा चीलालाक।

रोमापा 12:16

च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 15:3

घीझ्‍येरी ॱनाना मास्‍यीकागीयाः राङगी थुक घेरु च्‍युक्‍वा माजेपालाक। दी कोरला सुङरापला देरे ढीक हो़तालाक, “खेराङला ॱमेटा ताङगीनगी ॱमेटा, ङी खाला फोक्‍दुक।”

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

२ कोरीन्‍थुपा 7:6

हीना ॱलो फाम्‍बाक्‍याला सेम्‍सो ॱनाङगीन को़न्‍क्षोकगी, तीतोस ॱलेप्‍ती खी़ थोक्‍ने हेक्‍याला सेम्‍सो ॱनाङजुङ।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

फीलीप्‍पीपा 2:2

खेक्‍या साम्‍लो च्‍यीक्‍पा तारी, च्‍यीकगी च्‍यीकला चेवा च्‍यीक्‍पा झ्‍येरी, सेमने साम्‍लो च्‍यीकला थी़न्‍दी, ङी घाटो खाङदु च्‍युक।

फीलीप्‍पीपा 3:16

धेनी को़न्‍क्षोकगी होराङला सावो ॱङो़न जेजागोला च्‍यीगा तेन्‍ती, होराङ मीछे पी़घो़।

फीलीप्‍पीपा 4:2

ङा युओदीया धाङ सीन्‍तीके ॱङीउला, चोवोगी नाङ सेम्‍बा थी़न्‍दी धो़क, ॱनेरी श्‍योवा पुलाहीन।

१ पेटो 3:20

खुङक्‍या नी नोआगी डुशीङ शोगीन धी़ला, को़न्‍क्षोकगी शो़पा झ्‍येरी घुक जेगीन घाङला, काला मेङेन्‍गीन मीक्‍या लाक। होदे डुशीङ नाङला क्षुलोकने, मी ग्‍ये माना ॱमाथारपालाक।

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

२ पेटो 3:15

होरी चोवोगी शो़गोम नी, थारपा हीन्‍गीनगो ची ग्‍योप। धेनी होरी चेवे पी़न पाउलुगीयाः, को़न्‍क्षोकगी खोला ॱनाङना स्‍येरापगी गोने खेक्‍याला ढीक हो़तालाक।

२ पेटो 3:9

मी रीङगाक्‍याई चोवोगी राङगी धाम्‍चा डुप्‍येला, धाला जेदुक ॱनेरी, साम्‍लो हो़नाः खोङबा धाला मेजेदालाक। हीना घीरीगी राङगी धीक्‍पा पारी सेम ग्‍युरती सुवाः मेताला माडोवास्‍योक ॱनेरी, खोङबा खेक्‍यामुला शो़गोम जेदालाक।