रोमापा 15:30 - ॱलोवा

³⁰ पी़नक्‍याओ, होरी चोवो येशु मास्‍यीका धाङ धाम्‍पे थुक्‍ङीगी झाम्‍पागी थोक्‍ने, ङीमुला ङी काल्‍लेला को़न्‍क्षोकला ॱमो़लाम श्‍यी़ ॱनेरी, ङा खेक्‍याला श्‍योवा पुलाहीन।

रोमापा 15:30 Iomraidhean Croise

२ कोरीन्‍थुपा 1:11

खेक्‍याई ॱमो़लामगी थोक्‍ने, हेक्‍याला रोवा झ्‍येवालाक होझ्‍येरी ॱमो़लाम माङागी थोक्‍ने, हेक्‍याला थोप्‍था झ्‍यीलापक्‍याई क्षीदु, हीकी छापला मी माङागी को़न्‍क्षोकला काटीन्‍क्षे श्‍यी़गीलाक।

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

२ कोरीन्‍थुपा 4:11

घीझ्‍येरी ॱनाना येशुगी छेसोक, होरी छीवाला डोये हीन्‍गीन ली़ला ॱङो़न्‍दास्‍योक ॱनेरी, होराङ सो़न्‍पो हो़गीनक्‍या च्‍योई येशुगी क्षीदु छीवे खाला छी़दालाक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 6:19

धेनी ताम्‍शाङगी साङवागो ॱङीङक्षे झ्‍येरी सेटाक झ्‍यी थुप्‍येला, ङी खा पेली घाङला काक्‍या ॱनाङास्‍योक ॱनेरी ङी क्षीला ॱमो़लाम श्‍यी़।

फीलीप्‍पीपा 2:1

होझ्‍येरी मास्‍यीकागी नाङ खेक्‍याला सेमस्‍युक रे हो़ना, झाम्‍पे सेम्‍सो रे हो़ना धेनी धाम्‍पे थुक्‍ङीगी थी़न्‍डील हो़ना धेनी झाम धाङ ॱङीङजे हो़ना,

कोलोसेपा 1:8

धेनी धाम्‍पे थुक्‍ङीने झ्‍युजा खेक्‍याई चेवागी कोरला, खी़ हेक्‍याला स्‍येजुङ।

कोलोसेपा 2:1

खेक्‍या धाङ लाउदीकेयागी मीक्‍या धाङ ङी ङोरोङ थोङ माङ्युङगीन श्‍येम्‍मा मी घीरीगी क्षीदु, ङी ग्‍यापक्‍या काल्‍ले क्षेगो खेक्‍याई स्‍येलाझ्‍यी ॱनेरी, ङा दो़दीहो़क।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 5:25

पी़नक्‍याओ, हीकी क्षीला ॱमो़लाम श्‍यी़।

२ थेसालोनीकेपा 3:1

थामाला पी़न्‍दाक्‍याओ, खेक्‍याई खोक्‍दु चोवोगी का ख्‍याप्‍कीन च्‍योक्‍रे, ग्‍योवा दारये धाङ शीजे थोप्‍येला हीकी क्षीला ॱमो़लाम श्‍यी़रोझ्‍यी।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।