रोमापा 15:26 - ॱलोवा

²⁶ घीझ्‍येरी ॱनाना येरुसालेमदु हो़गीन को़न्‍क्षोकगी मी उटेक्‍याई क्षीदु, माकेडोनीया धाङ आकाईयागी क्षो़छोकक्‍याई श्‍यान्‍देप पुयेला ङ्यामो घादुक।

रोमापा 15:26 Iomraidhean Croise

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 26:11

घीझ्‍येरी ॱनाना उटेक्‍या च्‍योई खीकीमुला हुङालाक हीना ङा खेक्‍यामुला च्‍योई हुङगीमालाक।

लुका 14:13

हीना ख्‍यी़ डो़नला भो़ली घाङला, उटेक्‍या धाङ काङबा लाक्‍पा मेगीनक्‍या धाङ श्‍याक्‍योवाक्‍या धाङ श्‍याराक्‍याला भो़।

लुका 6:20

धेनी येशुगी खोरी ङेनेक्‍याला शीक्‍ती सुवालाक, “खे उटेक्‍या झ्‍यीलाप क्षे, घीझ्‍येरी ॱनाना को़न्‍क्षोकगी ग्‍यासी खेराङक्‍याई लाक।

जेपा 16:12

होदेने माकेडोनीया स्‍योकगी चो ग्‍याजा फीलीप्‍पी स्‍योकला, हेक्‍या घोबा चुक्‍ती सोवी। होदे ग्‍याजागो रोमापाक्‍याई आङजाला हो़तालाक। होदुरु हेक्‍या ङीमा घाजीङ धेवी।

जेपा 16:9

होदे घोमुराङ पाउलुगी थोङनाङला माकेडोनीया स्‍योकगी, मी च्‍यीक लारी देरे श्‍योवा पुगीनगो थोवालाक, “खेराङ माकेडोनीयाला फेप्‍रोनाङ धेनी हेक्‍याला रोवा जेरोनाङ।”

जेपा 18:12

हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 9:13

आनानीयागी लेन ॱलोक्‍पालाक, “चोवो, दे मी देगी येरुसालेमदु हो़गीन, खेराङगी धाम्‍पे मीक्‍याला ॱमीच्‍यीकी दुक्‍पु तादुक ॱनेरी, मीक्‍याने ङी ॱहाघोसुङ।

१ कोरीन्‍थुपा 16:15

पी़नक्‍याओ, सेतेफानगी नाङमी नी आकाईयादु धेपा झ्‍यीगीन धाङस्‍योकगो लाक धेनी खुङक्‍याई धाम्‍पे मीक्‍याई श्‍याप्‍तोक पुयेगी क्षीदु राङला फी़ हो़तालाक ॱनेरी, खेक्‍याई स्‍येलालाक।

१ कोरीन्‍थुपा 16:5

धेनी ङा माकेडोनीयाने डोये हीन्‍गीन झ्‍येरी, ङा होदुरु सोसारती खीकीचारु हुङाहीन।

२ कोरीन्‍थुपा 1:16

ङा माकेडोनीयारु डी़ घाङला, खेक्‍याला थुक्‍ये धेनी याङ माकेडोनीयाने खेक्‍याचारु लोक्‍ती हुङये धेनी खेक्‍याने राङ ङाला युदेयारु डोयेगी रोवा राक्‍येगो, ङी दो़पा झ्‍येहो़क।

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।

२ कोरीन्‍थुपा 2:13

हीना होदुरु ङी पी़न तीतोसला ॱमाथुक्‍पा, ङी सेम कीदा माझ्‍युजुङ। होझ्‍येरी ङा खुङक्‍याने घोङपा श्‍यी़री, माकेडोनीयारु सोवी।

२ कोरीन्‍थुपा 7:5

हेक्‍या माकेडोनीयारु ॱलेप्‍सारतीयाः, हीकी शुला ङासु थोप्‍की मीदुक हीना छोक घीरीने हेक्‍याला दुक्‍पु ठेपालाक। फीला धुगा धाङ सेमला जीक्‍नाङ झ्‍युजुङ।

२ कोरीन्‍थुपा 9:12

घीझ्‍येरी ॱनाना देरे श्‍याप्‍तोक पुगीनगी, धाम्‍पे मीक्‍याई घो़गीनगो डुप्‍ये च्‍यीगा मेन्‍दा हीना, को़न्‍क्षोकला काटीन्‍क्षे माङा श्‍यी़गीन झ्‍युङास्‍योक ॱनेरीयाः लाक।

२ कोरीन्‍थुपा 9:2

घीझ्‍येरी ॱनाना खेक्‍या डाढीक हो़गीनगो, ङाला स्‍येयेहो़क। धेनी नाङी लोने राङ आकाईयागी मास्‍यीकावाक्‍या डाढीक दुक ॱनेरी, ङी माकेडोनीयागी मीक्‍याई दोङदु खेक्‍याई कोरला ङोम्‍सो झ्‍येरी ॱनेवी। धेनी खेक्‍याई श्‍यान्‍देप तेरयेला देरे दो़पा झ्‍यीगीनगी मी माङक्षेला, सेमस्‍युक पारदुक।

२ कोरीन्‍थुपा 9:4

धेनी माकेडोनीयागी मी रे, ङीमुला होरी खेक्‍याला डाढीक मेगीनगो ॱङेना, हेक्‍या ङोछा घोवालाक धेनी खेक्‍याः ङोछागुलाक घीझ्‍येरी ॱनाना हेक्‍याई खेक्‍या खाला ॱमीच्‍यीकी यीच्‍चे झ्‍येवालाक।

फीलीप्‍पीपा 4:15

धेनी खे फीलीप्‍पीपाक्‍याराङ स्‍येलालाक, ङा ताम्‍शाङ स्‍येयेगी गोमा ङीमाक्‍याला माकेडोनीयाने डोवाराङ, तेरये धाङ लेन्‍येगी लेगाला खेक्‍या माना, श्‍येम्‍मा क्षो़छोक सी़याः ङाला रोवा माझ्‍ये।

१ थेसालोनीकेपा 1:7

होझ्‍येरी माकेडोनीया धाङ आकाईयारु हो़गीन, धेपा झ्‍यीगीन घीरीगी क्षीला, खेक्‍या पे झ्‍युदुक।

१ थेसालोनीकेपा 1:8

घीझ्‍येरी ॱनाना खेक्‍या थोक्‍ने को़न्‍क्षोकगी का माकेडोनीया धाङ आकाईयारु च्‍यीगा मादारपा, खेक्‍याई को़न्‍क्षोकला धेपा झ्‍यीगीनगो क्षोक घीरीदु दारदुक धेनी दी कोरला हेक्‍या घीया ॱनाघोये मीदुक।

१ थेसालोनीकेपा 4:10

धेनी खेक्‍याई माकेडोनीयारु हो़गीन पी़न्‍दा घीरीला, देरेराङ झाम्‍पा झ्‍यीदालाक। धेनी धोराङा देला ल्‍हाक झ्‍यीरोझ्‍यी ॱनेरी, हेक्‍याई श्‍योवा हो़क।

१ तीमोथेउ 1:3

ङा माकेडोनीया युदु डी़ घाङला, ङी ख्‍यो़ला श्‍यी़गीन च्‍योक्‍रे होदुरु हो़गीन तावा शोक्‍पोगी क्षो़ ॱलाप्‍कीनक्‍याला ङेन्‍ता ताङयेला, ख्‍यो़ एफीसु ग्‍याजारु राङ धो़क।

फीलेमोन 1:5

घीझ्‍येरी ॱनाना चोवो येशुला ख्‍यी़ धेपा धाङ धाम्‍पे मी घीरीगी क्षीला, ख्‍यी़ चेवे कोरला ङी घोरी।