रोमापा 15:25 - ॱलोवा

²⁵ धान्‍दा ङा को़न्‍क्षोकगी मीक्‍याला रोक्‍राम झ्‍यीदु येरुसालेम स्‍योकला डी़हो़क।

रोमापा 15:25 Iomraidhean Croise

जेपा 18:21

धेनी पाउलुगी डी़ घाङला देरे ॱनेवालाक, “को़न्‍क्षोकगी थुकोङ हो़ना ङा याङ खेक्‍याचारु लोक्‍ती हुङयेहीन।” धेनी खो एफीसुने ग्‍याछोगी लाम्‍गाने सोवालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 20:16

ङीमा ॱङापच्‍युपागी धी़छेनला, येरुसालेमदु ॱलेप्‍येला छाटा झ्‍युरी पाउलु एशीयारु मागोरा, एफेसुने झ्‍युरी डोयेला थाक चेवालाक।

जेपा 20:22

“धान्‍दा ङा धाम्‍पे थुक्‍ङीगी ठीक्‍ती, येरुसालेमला डोयेहीन। होदुरु ङाला घी झ्‍युङगीलाक ॱनेरी ङाला क्षामेक।

जेपा 24:17

“लो घाजीङगी स्‍याम्‍ने, ङा येरुसालेमदु ङारी मीक्‍याला ज्‍यीम्‍बा ताङदु धाङ को़न्‍क्षोकला क्षो़पा पुयेला होवाहीन।

जेपा 9:13

आनानीयागी लेन ॱलोक्‍पालाक, “चोवो, दे मी देगी येरुसालेमदु हो़गीन, खेराङगी धाम्‍पे मीक्‍याला ॱमीच्‍यीकी दुक्‍पु तादुक ॱनेरी, मीक्‍याने ङी ॱहाघोसुङ।

रोमापा 12:13

मास्‍यीकावा पी़नक्‍या नाङ मेगीनगोला, रोक्‍राम झ्‍यी। धेनी डो़न्‍बोक्‍याला फेप्‍सु श्‍यी़।

१ कोरीन्‍थुपा 16:4

धेनी ङा डो घोये हीन्‍ना, खुङक्‍या ङीमुला डुगीलाक।

२ कोरीन्‍थुपा 8:4

धाम्‍पे मीक्‍याला श्‍याप्‍ची श्‍युयेला थोप्‍ताङ ॱनाङरोझ्‍यी ॱनेरी, खुङक्‍याई हेला ॱङीङ थाक्‍पाने श्‍योवा ग्‍याप्‍पालाक।

२ कोरीन्‍थुपा 8:6

होझ्‍येरी तीतोसगी एम्‍मा लेगा दे गो चुक्‍चा झ्‍येरी, धा खेक्‍याई खोक्‍दु थुक्‍जेगी लेगा दे डुप घो़गुलाक ॱनेरी, हेक्‍याई खोला च्‍याक ग्‍याप्‍पी।

गालातीयापा 2:10

मी उटेक्‍याला ढेन्‍सो़ झ्‍यी ॱनेरी च्‍यीगा, खुङक्‍याई हेला कुजुङ धेनी देरे झ्‍यीयेला एम्‍माने ङाला ॱमीच्‍यीकी दो़पा हो़क।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।