रोमापा 15:14 - ॱलोवा

¹⁴ ङी पी़नक्‍याओ, खेक्‍या शाङा धाङ स्‍येयो़नगी खाङखा धाङ च्‍यीकगी च्‍यीकला ॱलोप्‍तो़न झ्‍यी थुप्‍कीन दुक ॱनेरी, ङाला यीच्‍चे तेन्‍पो हो़क।

रोमापा 15:14 Iomraidhean Croise

१ कोरीन्‍थुपा 1:5

घीझ्‍येरी ॱनाना ताम ॱना घीरी धाङ स्‍येयो़न ॱना घीरीगी थोक्‍ने, खेक्‍या खोङगी नाङ क्षोक घीरीने क्षुक्‍पु जेदुक।

१ कोरीन्‍थुपा 12:8

होझ्‍येरी धाम्‍पे थुक्‍ङीगी गोने रीङगाला स्‍येरापगी ताम स्‍येये धेनी रीङगाला दे थुक्‍ङीगी गोनेराङ स्‍येयो़नगी ताम स्‍येये,

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।

१ कोरीन्‍थुपा 8:1

धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

१ कोरीन्‍थुपा 8:10

घीझ्‍येरी ॱनाना साम्‍लो क्‍योवा हो़गीनक्‍याई खे स्‍येयो़न हो़गीनक्‍याला, ल्‍हाकुन्‍डागी क्षो़खाङ नाङदु शागीनगो थोङना, खुङक्‍यागीयाः ल्‍हाकुन्‍डाला पुपा शामा शायेला ॱलोगोक झ्‍यीगीमाले?

१ कोरीन्‍थुपा 8:7

घीहीनाः मी घीरीला दे स्‍येयो़न मेयोङालाक। हीना मी रीङगाला ल्‍हाकुन्‍डा क्षो़येगो घोम्‍सासा झ्‍युरी, खुङक्‍या हुरे शामा शी घाङला ॱङोन्‍ने कुन्‍डाला पुपा लाक ॱनेरी सामालाक। धेनी खुङक्‍याई साम्‍लोगो क्‍योवा झ्‍युरी, खुङक्‍या ॱमेचाङा झ्‍युङालाक।

२ कोरीन्‍थुपा 8:7

धा धेपा धाङ ताम धाङ स्‍येयो़न धाङ लेशाङ झ्‍यीयेगी दो़पा धाङ खेक्‍याई क्षीदु हीकी चेवा धाङ दो़न घीरीला खेक्‍या ज्‍यो़न्‍गीन च्‍योक्‍रे, थुक्‍जेगी लेगा देला खेक्‍या ज्‍यो़न्‍पो झ्‍यी।

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

१ थेसालोनीकेपा 5:11

होझ्‍येरी खेक्‍याई धान्‍दा थुक्‍पे झ्‍यीगीन च्‍योक्‍रे, पी़न च्‍यीकगी च्‍यीकला सेम्‍सो पोर धेनी धेपाला स्‍युक क्षेरु डोयेला रोवा झ्‍यी।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

२ थेसालोनीकेपा 1:11

होझ्‍येरी को़न्‍क्षोकगी भो़ जेजा मीछेगो, खोङबागी खेक्‍याला पी़ थुक्‍कीन झ्‍युङये जेये धाङ ॱमीक्‍यु शाङपो घीरी धाङ धेपागी लेगा, खोङबागी स्‍युकने डुप्‍पास्‍योक ॱनेरी, हे खेक्‍या क्षीला च्‍योई ॱमो़लाम श्‍यी़हो़क।

२ तीमोथेउ 1:5

ख्‍यी़ धेपा ढाङपोगी ढेन्‍सो़ ङाला झ्‍युजुङ। धेपा दे एम्‍मा ख्‍यी़ ईबी लोईस धेनी ख्‍यी़ आमा ईहुनीकेगी नाङदु हो़गीनगो, ख्‍यी़ नाङदुवा दुक ॱनेरी ङाला यीच्‍चे तेन्‍पो हो़क।

फीलेमोन 1:21

ख्‍यी़ ङी खाला ङेन्‍गीलाक ॱनेरी, ङाला यीच्‍चे तेन्‍पो हो़क। ख्‍यी़ ङी श्‍यी़गीनने ल्‍हाक झ्‍यीगीलाक ॱनेरी, स्‍येरी ख्‍यो़ला यीक दे ढीक्‍वाहीन।

ईब्‍रीपा 5:12

घीझ्‍येरी ॱनाना धान्‍दा थुक्‍पे ता खेक्‍या ॱलोप्‍गीन झ्‍युङ घो़येहो़क हीना खेक्‍याला को़न्‍क्षोकगी कागी ॱमाङस्‍यीक्‍या धाब्‍ले ॱलाप्‍कीन च्‍यीक घोयेदुक। खेक्‍याला शामा दोक-दोक मेन्‍दा, होमा घोयेदुक।

ईब्‍रीपा 6:9

चेवेक्‍याओ, हेक्‍याई देरे लाब ताङनाः, खेक्‍याला थारपाला थी़न्‍गीन दो़न शाङाक्‍या थोप हो़तालाक ॱनेरी, हेक्‍याला यीच्‍चे तेन्‍पो हो़क।

२ पेटो 1:12

होझ्‍येरी खेक्‍याई दो़न देक्‍या ॱहाघोरका धाङ खेक्‍याला हो़गीन धेन्‍पाला तेन्‍पो हो़नाः, ङा खेक्‍याला च्‍योई देक्‍या ढेन्‍सो़ ॱलाङयेहीन।

१ योहान्‍ना 2:21

खेक्‍याई धेन्‍पागो ॱहामेघोरालाक ॱनेरी, ङा दे ढीयामेन हीना खेक्‍याई ॱहाघोरालाक ॱनेरी ढीयाहीन धेनी धेन्‍पाने शोक घीया ॱमेथो़न्‍दालाक।