रोमापा 14:8 - ॱलोवा

⁸ धेनी होराङ छोवा क्‍याना, चोवोगी क्षीदु छोवा क्‍यालालाक धेनी स्‍यीये हीन्‍ना, चोवोगी क्षीदुराङ होराङ स्‍यीलालाक। होझ्‍येरी होराङ छोवा क्‍याना याङना स्‍यीना, होराङ चोवोगीराङ लाक।

रोमापा 14:8 Iomraidhean Croise

लुका 20:38

खोङबा स्‍यीम्‍बुगी को़न्‍क्षोक मेन्‍दा, सो़न्‍पोगी को़न्‍क्षोक लाक घीझ्‍येरी ॱनाना खोङबागी ॱमीक्‍वादु घीरी सो़न्‍पो लाक।”

योहान्‍ना 21:19

पेटोगी छीवा गोने को़न्‍क्षोकला शीजे हुङगीनगी कोरला तो़न्‍येला, खोङबागी दे सुवालाक। दे सुङसारती खोङबागी खोला सुवालाक, “ङी स्‍याबाला डोङ।”

जेपा 13:36

“दे लाबगो दावीदगी खोरी कोरला ॱनेवामालाक। घीझ्‍येरी ॱनाना खोरी धी़चो़ला, को़न्‍क्षोकगी दो़पाने लेगा झ्‍येसारती, खो नी स्‍यीवालाक धेनी खोरी धाङबी फामामुला कुङदी रुवालाक।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

फीलीप्‍पीपा 2:30

घीझ्‍येरी ॱनाना मास्‍यीकागी लेगागी दो़नला, खो स्‍यीलाक झ्‍येवालाक। खीकी छापला ङाला श्‍याप्‍ची श्‍युयेगी क्षीदु, खी़ खोरी मीछेराङ ङेन्‍काला ताजुङ।

१ थेसालोनीकेपा 5:10

होराङ सो़न्‍पो धेना स्‍यी हो़ना खोङबा मुलाराङ धेयेला, खोङबा होरी क्षीला ढोङ जेपालाक।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”