रोमापा 14:4 - ॱलोवा

⁴ मी श्‍येम्‍मागी ॱयोक्‍पोला क्‍यो़न चुक्‍कीन ख्‍यो़ सुले? खो खोरी दाक्‍पोगी दोङदुराङ या लाङालाक याङना मा ल्‍हीमालाक। धेनी खोला या ॱलाङगीलाक घीझ्‍येरी ॱनाना चोवोगी खोला ॱलाङ जे थुक्‍वालाक।

रोमापा 14:4 Iomraidhean Croise

जेपा 11:17

होझ्‍येरी चोवो येशु मास्‍यीकाला धेपा झ्‍येरी, को़न्‍क्षोकगी होराङला ॱनाङना ॱनाङज्‍यीन च्‍योक्‍रे, खुङक्‍याला होदे ॱनारी मेताला, को़न्‍क्षोकला काक्‍कीन ङा सु लाक से?”

रोमापा 11:23

धेनी ईस्‍राएल्‍पाक्‍याः राङगी धेपा मेगीनला ॱनेती मेधेना, को़न्‍क्षोकगी खुङक्‍याला थी़ जेगीलाक घीझ्‍येरी ॱनाना खुङक्‍याला धाब्‍ले दोङबोला थी़येगी वाङ खोङला हो़तालाक।

रोमापा 14:3

ॱना हो़ले शागीनगी मेशागीनगोला थोङछुङ माझ्‍यीदास्‍योक धेनी मेशागीनगी़ शागीनगोला क्‍यो़न ॱमाचुक्‍वास्‍योक। घीझ्‍येरी ॱनाना को़न्‍क्षोकगी खोलाः खेलेन जे हो़तालाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

रोमापा 9:20

हीना को़न्‍क्षोकला खालोक्‍कीन मी ख्‍यो़ सु हीनो? शो़सा च्‍यालाकगी शोगीनला “ख्‍यी़ ङाला देरे घीझ्‍येरी शो़वा?” ॱनेरी ॱनाले?

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

१ पेटो 1:5

धेनी खीकी धेपागी गोने को़न्‍क्षोकगी नी़थुगी, खेक्‍याला थामे धी़ला ॱङो़न्‍ये हीन्‍गीन थारपागी क्षीदु ॱरुरी श्‍याक हो़तालाक।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,