रोमापा 14:17 - ॱलोवा

¹⁷ घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 14:17 Iomraidhean Croise

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 6:33

हीना एन्‍ला को़न्‍क्षोकगी ग्‍यासी धाङ खोङबागी ढाङतेनला चो, धेनी दे घीरी खेक्‍याला ॱनाङगीलाक।

लुका 14:15

धा येशुमुला श्‍यालाकला धेगीनक्‍याने मी च्‍यीकगी, दे लाबक्‍या घोरती खोङबाला श्‍यी़वालाक, “को़न्‍क्षोकगी ग्‍यासी नाङदु, शामा शाये हीन्‍गीन घीरी झ्‍यीलाप क्षे।”

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

जेपा 13:52

धेनी धेपा झ्‍यीगीनक्‍या घाटो धाङ धाम्‍पे थुक्‍ङीगी खावालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 8:6

धा धीक्‍पे राङश्‍यीगी ख्‍यो़री साम्‍लो वाङ झ्‍यीदु च्‍युक्‍ना, छीवादु ठीयालाक हीना धाम्‍पे थुक्‍ङीगी ख्‍यो़री साम्‍लो वाङ झ्‍यीदु च्‍युक्‍ना, छेसोक धाङ श्‍यीदेला ठीयालाक।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 4:20

घीझ्‍येरी ॱनाना को़न्‍क्षोकगी ग्‍यासी नी लाबला मेन्‍दा, नी़थुला हुङालाक।

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

१ कोरीन्‍थुपा 8:8

हीना शामागी होराङला को़न्‍क्षोक डुङदु ङ्येयाः मेशोवालाक। धेनी मेशानाः ॱनो़ये घीया मेतालाक धेनी शाना फेन्‍ये घीया मेतालाक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

फीलीप्‍पीपा 2:1

होझ्‍येरी मास्‍यीकागी नाङ खेक्‍याला सेमस्‍युक रे हो़ना, झाम्‍पे सेम्‍सो रे हो़ना धेनी धाम्‍पे थुक्‍ङीगी थी़न्‍डील हो़ना धेनी झाम धाङ ॱङीङजे हो़ना,

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।

फीलीप्‍पीपा 4:4

खेक्‍या चोवोला तेन्‍दी, नाम्‍हीना घाटो झ्‍यी। ङा धाब्‍ले ॱनाहीन, घाटो झ्‍यी।

फीलीप्‍पीपा 4:7

धेनी मीक्‍याई साम्‍लोलाराङ मेगीन, को़न्‍क्षोकगी श्‍यीदेगी खेक्‍याई सेम धाङ साम्‍लोला, मास्‍यीका येशुगी नाङ ॱरुङा जेगीलाक।

कोलोसेपा 1:11

धेनी को़न्‍क्षोकगी शीजे धाङ धेन्‍पे नी़थुगी तोप घीरीने, शो़पा क्षे धाङ ॱना रीङा झ्‍युरी खेक्‍या स्‍युक्‍क्षे झ्‍युङयेगी क्षीला, हेक्‍या ॱमो़लाम ग्‍यावीहो़क। धेनी खेक्‍या घाटोगी खाङास्‍योक

१ थेसालोनीकेपा 1:6

ॱमीच्‍यीकी दुङा क्षेगी खोकलाः खेक्‍याई धाम्‍पे थुक्‍ङीगी घाटो थोक्‍ने ताम्‍शाङगो खेलेन्‍दी, खेक्‍या हे धाङ चोवोगी लेमो झ्‍यीगीन झ्‍युवालाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,