रोमापा 14:1 - ॱलोवा

¹ धेपाला क्‍योवा हो़गीन, मीला खेलेन झ्‍यी हीना खी़ साम्‍जुक्‍याई खाला चो़लीङ झ्‍यीये मालाक।

रोमापा 14:1 Iomraidhean Croise

मेथा 12:20

खी़ छाक्‍पु दाम्‍बु ॱमेचाक्‍कीलाक धेनी स्‍यीये झ्‍यीगीन मेगी दोङरेला ॱमेसेगीलाक। धेनी थाला ढाङतेनगी ठीमला ग्‍यारु च्‍युक्‍कीलाक।

मेथा 14:31

येशुगी लाम्‍साङ राङगी क्षाक क्‍याङा जेदी, खोला शीम्‍दी सुवालाक, “धेपा च्‍युङा ख्‍यो़, घीझ्‍येरी दोक्‍पा सा?”

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मारकु 7:19

घीझ्‍येरी ॱनाना होदे खी़ सेमला मेन्‍दा, फोवाला डोवालाक धेनी होदे फीला थो़न्‍दालाक।” (देरे सुरी येशुगी शामा घीरी चाङमा लाक सुरी सेटाक जेपालाक।)

लुका 17:2

दे टुवा च्‍यीमेक्‍या च्‍योक्‍रेने च्‍यीकला धीक्‍पा झ्‍यीदु च्‍युक्‍कीन, मीगी़ मीक्‍पाला थाकगी धोगोङ क्षे च्‍यीक ताक्‍ती, ग्‍याछो नाङदु ॱयुक्‍ना घागुलाक।

योहान्‍ना 13:20

ङा खेक्‍याला धेन्‍पा धेनक्‍याङ ॱनाहीन, ङी झाङगीनगोला खेलेन झ्‍यीगीनगी़ ङाला खेलेन झ्‍यीदालाक धेनी ङाला खेलेन झ्‍यीगीनगी़ ङाला ॱङाक्‍कीनगोला खेलेन झ्‍यीदालाक।”

जेपा 28:2

होदे ॱलीङठेनगी मीक्‍याई हेक्‍याला ॱमीच्‍यीकी घा झ्‍येजुङ। होदुरु क्षावा भाप्‍ती ॱनाम ढाङा झ्‍युरी, होदे मीक्‍याई मे तारी, हेक्‍याला सी़याङ झ्‍येजुङ।

रोमापा 11:15

घीझ्‍येरी ॱनाना खुङक्‍याई पाङपागो, जीक्‍तेनगी मी घीरी को़न्‍क्षोकमुला दुम्‍ये झ्‍युङहो़ना, खुङक्‍याला खेलेन झ्‍यीना ॱयोल्‍ले ॱहाङसागीन झ्‍युङगीलाक। दे नी, स्‍यीम्‍बुक्‍या सो़न्‍पो झ्‍युङगीन च्‍योक्‍रे झ्‍युङगीलाक।

रोमापा 14:2

मी रीङगागी शामा ॱना हो़लेगो शाना ढीयालाक ॱनेरी, धेपा झ्‍यीदालाक हीना धेपाला क्‍योवा हो़गीनगो ॱङोप्‍छे च्‍यीगा शालाक।

रोमापा 14:21

धा स्‍या मेशाना याङना घुन्‍क्षाङ ॱमीथुङना, धेनी राङगी पी़नला भारचे ताङगीन लेगा घीयाः मीझ्‍यीना घास्‍योकगो लाक।

रोमापा 14:3

ॱना हो़ले शागीनगी मेशागीनगोला थोङछुङ माझ्‍यीदास्‍योक धेनी मेशागीनगी़ शागीनगोला क्‍यो़न ॱमाचुक्‍वास्‍योक। घीझ्‍येरी ॱनाना को़न्‍क्षोकगी खोलाः खेलेन जे हो़तालाक।

रोमापा 15:1

होराङ धेपाला तेन्‍पो हो़गीनक्‍याई, धेपाला क्‍योवा हो़गीनक्‍याई थापक्‍योवागोला शो़पा झ्‍यी घोवालाक। होराङ राङला च्‍यीगा ङ्यामो घारु च्‍युक्‍ये मालाक।

रोमापा 15:7

होझ्‍येरी को़न्‍क्षोकगी शीजेगी क्षीदु मास्‍यीकागी खेक्‍याला खेलेन जेजा च्‍योक्‍रे, खेक्‍यागीयाः च्‍यीकगी च्‍यीकला खेलेन झ्‍यी।

रोमापा 4:19

लो ग्‍या चो़ ॱलेप छासा आब्‍राहामगी, राङगी शु स्‍यीछासा च्‍योक्‍रे धाङ सारागी भी़ने राप्‍चे हो़गीनगो स्‍येरीयाः राङगी धेपा ङ्याम्‍दु ॱमाच्‍युक्‍पालाक।

१ कोरीन्‍थुपा 9:22

धेपाला क्‍योवा हो़गीनक्‍याई सेम क्‍योप्‍येगी क्षीदु ङा धेपाला क्‍योवा हो़गीनक्‍यामुला, धेपाला क्‍योवा च्‍योक्‍रे झ्‍युवी। थापस्‍यी घीरीगी थोक्‍ने, मी रीङगागी सेम क्‍योप्‍येगी क्षीदु ङा मी घीरी क्षीदु दे घीरी झ्‍युवी।

फीलीप्‍पीपा 2:29

होझ्‍येरी चोवोगी नाङदु घाटोगी थोक्‍ने, खोला फेप्‍सु श्‍यी़ धेनी खो च्‍योक्‍रे मीक्‍याला चीकुर झ्‍यी।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

ईब्‍रीपा 5:14

हीना शामा दोक-दोक नी, मी ॱनाटो ॱङ्येङ्याक्‍याई क्षीदु लाक। खुङक्‍याई च्‍योई लाक्‍लेन झ्‍यीगीनगी गोने, शाङा धाङ ङेन्‍पागी ॱयेवा झ्‍यीयेला खेवा झ्‍यु हो़तालाक।

२ योहान्‍ना 1:10

खीकीचारु होरी दे सुङगीन क्षो़ दे खेरती मेयोङगीन सुलाः, खीकी खाङबा नाङदु ॱमासी़ याङना छाम्‍डी माश्‍यी़।