रोमापा 13:8 - ॱलोवा

⁸ च्‍यीकगी च्‍यीकला झाम्‍पा झ्‍यीये माना, श्‍येम्‍मा दो़न घीन्‍गीयाः भुलीङ होकला छी़दी माधे। घीझ्‍येरी ॱनाना राङगी खीम्‍चेला, झाम्‍पा झ्‍यीगीनगी़ क्षो़ठीमगो डुपालाक।

रोमापा 13:8 Iomraidhean Croise

मेथा 7:12

“होझ्‍येरी मी श्‍येम्‍मागी खेक्‍याला घारे झ्‍यीगीनगो दो़दी, होदेरेराङ श्‍येम्‍माक्‍याला झ्‍यी। देराङ क्षो़ठीम धाङ ॱङो़नस्‍येखेनक्‍याई तो़न्‍गीनगी दो़न दोरधी़गो लाक।

योहान्‍ना 13:34

“ङा खेक्‍याला काठीम साबा च्‍यीक तेराहीन, च्‍यीकगी च्‍यीकला झाम्‍पा झ्‍यी। ङी खेक्‍याला झाम्‍पा झ्‍यीगीन च्‍योक्‍रे, खेक्‍यागीया च्‍यीकगी च्‍यीकला झाम्‍पा झ्‍यी।

रोमापा 13:10

झाम्‍पागी खीम्‍चेला ॱनो़ ॱमेक्‍यालालाक। होझ्‍येरी झाम्‍पा झ्‍यीये नी, क्षो़ठीम डुप्‍ये लाक।

रोमापा 13:7

धेनी ज्‍याङ घोये हो़लेगोला ज्‍योङ। धा ठा ज्‍याङ घोये हो़ना ठा ज्‍योङ धेनी छोङठा ज्‍याङ घोये हो़ना छोङठा ज्‍योङ धेनी घुस्‍याप झ्‍यी घो़गीनला घुस्‍याप झ्‍यी धेनी ची घो़गीनला ची।

गालातीयापा 5:14

घीझ्‍येरी ॱनाना क्षो़ठीम घीरी “राङगी खीम्‍चेला राङला च्‍योक्‍रे चेवा झ्‍यी” ॱनागीन, का च्‍यीकगी डुप हो़तालाक।

कोलोसेपा 3:14

धेनी दे घीरीगी थोकला झाम्‍पागो घो़नघो़। झाम्‍पा दी, घीरीला याङदाक्‍पे थी़न्‍डीकला धाम्‍गीलाक।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

याकोब 2:8

सुङरापला, “खेक्‍याई राङगी खीम्‍चेला राङला च्‍योक्‍रे, चेवा झ्‍यी” सुरी सुङसा ग्‍यावुगी का दे ॱङोन्‍ने डुप्‍तु च्‍युक्‍ना, खेक्‍याई शाङा झ्‍यीदालाक।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।