रोमापा 13:12 - ॱलोवा

¹² धा छेन जोक्‍टो दुक धेनी ङीनगो ॱलेप्‍सादुक। होझ्‍येरी मी़नाक्‍पागी लेगा भोरती, होराङ हो़गी गोठापक्‍या घो़न्‍घो।

रोमापा 13:12 Iomraidhean Croise

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

१ कोरीन्‍थुपा 10:11

खुङक्‍या खाला झ्‍युजा दे घीरी, होरी क्षीदु पे झ्‍युङयेला लाक। धेनी होराङ धी़गी थाला ॱलेप हो़गीनक्‍याला ङेन्‍ता झ्‍युङयेला, देक्‍या ढीक्‍ती श्‍याक हो़तालाक।

१ कोरीन्‍थुपा 7:29

पी़नक्‍याओ, ङी ॱनागीनगी दो़न्‍दाकगो दे लाक। धी़चो़ तुङा दुक। धा देने ॱहाला केमी हो़गीनक्‍या केमी मेगीन च्‍योक्‍रे, झ्‍येरी मीछे क्‍याघो़।

२ कोरीन्‍थुपा 10:4

घीझ्‍येरी ॱनाना हेक्‍याई छो़न्‍छा नी, जीक्‍तेनगी छो़न्‍छा मालाक हीना हीकी छो़न्‍छाला, खारजोङक्‍या तोरस्‍यीक ताङ थुक्‍कीन, को़न्‍क्षोकगी नी़थु हो़क।

२ कोरीन्‍थुपा 6:7

धाङ धेन्‍पे ताम धाङ को़न्‍क्षोकगी नी़थु धाङ लाक्‍पा ॱये धाङ ॱयो़नला ढाङतेनगी छो़न्‍छाक्‍या,

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

एफीसुपा 5:11

फेन्‍थोक मेगीन मी़नाकगी लेगाक्‍याला माडे, हीना होदेरे लेगाक्‍या हो़ला तो़न।

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

याकोब 1:21

होझ्‍येरी ॱमेचाङा घीरी धाङ ङेन्‍पा हो़ले पोङ च्‍यीक। धेनी खीकी सेमला क्‍योप थुप्‍कीन, खीकी नाङदु च्‍युक हो़गीन कागो ॱङ्यामच्‍युङ झ्‍येरी खेलेन झ्‍यी।

याकोब 5:8

खेक्‍याः शो़पा झ्‍यी। चोवो धाब्‍ले फेप्‍कीनगी, धी़ ङ्ये ॱलेप हो़गीन झ्‍येरी, राङगी सेमला तेन्‍पो शो़।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

२ पेटो 3:11

धा दे घीरी देरे झ्‍येरी मेताला डोये हीन्‍गीन झ्‍येरी, खेक्‍या मी घारे च्‍यीक झ्‍युङ घो़गुले? खेक्‍या को़न्‍क्षोकगी ङीमाला घुक्‍ती धेताराङ धेनी होदे ग्‍योक्‍जे हुङदु च्‍युक्‍ये झ्‍यीदाराङ, खेक्‍या धाम्‍पा धाङ क्षो़सेमगी मीछे क्‍याघो़। होदे ङीमाला नाम्‍खा नी, मेगी मेताला डुगीलाक धेनी झ्‍युङवा श्‍यी नी, मेगी ॱराक्‍ती श्‍यी़री डुगीलाक।

२ पेटो 3:9

मी रीङगाक्‍याई चोवोगी राङगी धाम्‍चा डुप्‍येला, धाला जेदुक ॱनेरी, साम्‍लो हो़नाः खोङबा धाला मेजेदालाक। हीना घीरीगी राङगी धीक्‍पा पारी सेम ग्‍युरती सुवाः मेताला माडोवास्‍योक ॱनेरी, खोङबा खेक्‍यामुला शो़गोम जेदालाक।

१ योहान्‍ना 2:18

चेवे टुवाक्‍याओ, धान्‍दा धी़गी थामागो लाक। मास्‍यीकागी डागो हुङी ॱनेरी, खीकी ॱहाघोर ङ्युङ हो़तालाक धेनी धान्‍दा, मास्‍यीकागी डा माङा होसा हो़तालाक। होझ्‍येरी धी़गी थामागो ॱलेप्‍दुक ॱनेरी, होरी ॱहाघोरालाक।

ॱङो़न्‍पा 1:3

धा दे ॱङो़नस्‍येगी छीकक्‍या केक ग्‍याप्‍ती, ॱलोक्‍कीनक्‍या झ्‍यीलाप क्षे लाक। धेनी दी नाङला ढीक्‍टाक्‍या ङेन्‍दी, ॱरुङगीनक्‍या झ्‍यीलाप क्षे लाक। घीझ्‍येरी ॱनाना धी़चो़गो नी ङे ॱलेप्‍दुक।

ॱङो़न्‍पा 22:10

याङ खोङबागी ङाला देरे सुजुङ, “दे धेपगी ॱङो़नस्‍येगी काला थेचे माग्‍याप घीझ्‍येरी ॱनाना धी़गो ङ्येदुक।