रोमापा 12:9 - ॱलोवा

⁹ झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

रोमापा 12:9 Iomraidhean Croise

मेथा 26:49

धेनी खो लाम्‍साङ येशु दोङदु च्‍यारती, खोङला “राब्‍बी” ॱनेरी ओ झ्‍येरी, छाम्‍डी श्‍यी़वालाक।

योहान्‍ना 12:6

खी़ दे उटेक्‍याला ॱङीङजे केरी ॱनेवामालाक। हीना खो नी कुमा च्‍यीक लाक। ॱङुगी खुमाकगो खी़ ङ्यारालाक। धेनी होदे नाङदु ॱलुक्‍कीनने, खो राङला घो़गीनगो कुवालाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

२ कोरीन्‍थुपा 8:8

ङा खेक्‍याला का तेरामेन हीना मी श्‍येम्‍माक्‍याई हुरा झ्‍येरी रोक्‍राम झ्‍यीगीनमुला दुरती, खेक्‍याई चेवागोवाः धेन्‍पा लाक ॱनेरी पाङपो झ्‍यीयेला, ङा देक्‍या ॱनाहीन।

१ थेसालोनीकेपा 2:3

हीकी स्‍येगीन ताम्‍शाङ दे नोन्‍डु याङमेना, साम्‍लो ॱमेचाङा धाङ मीला गो कोरयेला मालाक।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

१ थेसालोनीकेपा 5:21

हीना घीरीला छो़ता झ्‍यी धेनी शाङागोला तेन्‍पोमा शीम्‍दी धो़क।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

ईब्‍रीपा 1:9

खेराङगी ढाङतेनला चेवा जे हो़तालाक धेनी मेढाङाला दाङा जे हो़तालाक। होझ्‍येरी को़न्‍क्षोक, खेराङगी को़न्‍क्षोकगी खेराङला राङगी रोवाक्‍याने ल्‍हाक थोवा जेदी, ॱनुम ढी़री दामा जेदी, घाटो ॱनाङ हो़तालाक।”

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।