रोमापा 12:7 - ॱलोवा

⁷ धेनी श्‍याप्‍ची श्‍युये हीन्‍ना श्‍याप्‍ची श्‍यी़ धेनी ॱलोप्‍चुङ तेरये हीन्‍ना ॱलोप,

रोमापा 12:7 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

जेपा 13:1

आन्‍तीयोक ग्‍याजागी क्षो़छोकला, ॱङो़नस्‍येखेनक्‍या धाङ ॱलोपो़नक्‍या माङा हो़तालाक। खुङक्‍या बारनाबा धाङ नीगार सीमेयोन धाङ कुरेनेगी लुकीहु धाङ ग्‍यावु हेरोदेमुला छारछा, मानाहेन धाङ साउल लाक।

जेपा 20:20

धेनी खेराङक्‍या खोक्‍दु धाङ नाङ-नाङला जुरी, ङी ॱलापच्‍या तेरी घाङला, खेराङक्‍याला फेन थोक्‍कीन लाब घीन्‍दा ङी सेम नाङदु माश्‍याक्‍पी।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 6:1

धा होदे ङीमाक्‍याला, येशुला धेपा-झ्‍यीगीन मी माङदु-माङदु सोवालाक। हीना होदे घाङलाराङ गीरीक केक ग्‍याप्‍कीन, याहुदापाक्‍याई ईब्‍रीपा केक ग्‍याप्‍कीन याहुदापाक्‍याला ॱङ्योक्‍टा स्‍येबालाक घीझ्‍येरी ॱनाना खुङक्‍याई युक्‍जामाक्‍याला, ङीन्‍रेगी शामागी कादागो घामोमा माराक हो़तालाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

१ कोरीन्‍थुपा 12:5

धेनी श्‍याप्‍ची श्‍युयेक्‍या ॱना माङा हो़तालाक हीना चोवो नी च्‍यीक्‍पाराङ लाक।

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

गालातीयापा 6:6

का लेन्‍गीनक्‍याई राङमुला हो़गीन, शाङा घीरी राङगी ॱलोपो़नमुला घो़ घोगुलाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

कोलोसेपा 4:17

धेनी आरकीप्‍पोला, “चोवोगी गोने ख्‍यो़ला थोप्‍था लेगेनगो, ख्‍यी़ घाङगी झ्‍येरी हीन्‍ना डुप्‍पा झ्‍यी।” ॱनेरी ॱनो़।

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

१ तीमोथेउ 4:16

ख्‍यो़राङ धाङ ख्‍यो़री ॱलापच्‍याला शाप-शाप झ्‍येरी धो़क। देलाराङ तेन्‍पोमा ॱनेरे धो़क। देरे झ्‍यीना ख्‍यी़ राङ धाङ ख्‍यो़ला ङेन्‍गीन ॱङीगाराला क्‍योप्‍कीलाक।

१ तीमोथेउ 5:17

क्षो़छोकगी गेम्‍पा तातोक घा झ्‍यीगीन धेनी ॱमीक्‍सेदु क्षो़ स्‍येये धाङ ॱलापच्‍या ॱलाप्‍कीन, लेगाला काल्‍ले ग्‍याप्‍कीन गेम्‍पाक्‍याला, कुरती दाप ॱङी थोप घोवालाक।

२ तीमोथेउ 2:2

धेनी पाङपो माङागी दोङदु ङाने घोरकीन ङी ॱलाप्‍ला लाबक्‍या, श्‍येम्‍माक्‍याला ॱलाप थुप्‍कीन, ॱलो का थुप्‍कीन केवे-भुक्‍याला चो।

२ तीमोथेउ 2:24

धेनी चोवोगी श्‍यीप्‍चीवा ठुक्‍चारा हुङये मेतालाक हीना घीरीला ॱङीङजे झ्‍यीगीन धाङ ॱलाप थुप्‍कीन धेनी शो़पा घोम थुप्‍कीन,

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।