रोमापा 12:6 - ॱलोवा

⁶ होराङ रे-रेला ॱनाङना थुक्‍जेगी लेगेनला तेन्‍दी, होराङक्‍याला ॱनाङज्‍यीन ढामेढाक्‍या हो़तालाक। धा ख्‍यी़ ॱनाङज्‍यीनगो ॱङोई स्‍येये हीन्‍ना ख्‍यो़री धेपाला तेन्‍दी ॱङोई स्‍यो़क,

रोमापा 12:6 Iomraidhean Croise

मेथा 23:34

होझ्‍येरी ङा ॱङो़नस्‍येखेनक्‍या धाङ मी खेवाक्‍या धाङ क्षो़ठीमगी ॱलोपो़नक्‍या खीकीचारु ताङयेहीन धेनी देक्‍याने रीङगाला खीकी सेगीलाक धेनी रीङगाला ग्‍याङस्‍यीङ खाला क्‍याङगीलाक धेनी रीङगाला खेक्‍याई छोक्‍खाङदु ताजाक श्‍युरकीलाक धेनी यु च्‍यीकने यु श्‍येम्‍माला देदी दुक्‍पु ताङगीलाक।

मेथा 25:22

धा टाङगा ङीतोङ जोरकीनगोवा, दोङला होरी श्‍यी़वालाक, ‘दाक्‍पो, खेराङगी ङाला टाङगा ङीतोङ ॱनावालाक। धा ङी दुरु यालीङ टाङगा ङीतोङ शो़हो़क।’

लुका 11:49

होझ्‍येरी को़न्‍क्षोकगी स्‍येरापगीयाः सुवालाक, ‘ङा खुङक्‍याचारु ॱङो़नस्‍येखेनक्‍या धाङ कुछापक्‍या झाङाहीन। खुङक्‍याने रीङगाला सेगीलाक धेनी रीङगाला दुक्‍पु तेरकीलाक।’

जेपा 13:1

आन्‍तीयोक ग्‍याजागी क्षो़छोकला, ॱङो़नस्‍येखेनक्‍या धाङ ॱलोपो़नक्‍या माङा हो़तालाक। खुङक्‍या बारनाबा धाङ नीगार सीमेयोन धाङ कुरेनेगी लुकीहु धाङ ग्‍यावु हेरोदेमुला छारछा, मानाहेन धाङ साउल लाक।

जेपा 15:32

युदा धाङ सीलवानु खोराङ, को़न्‍क्षोकगी छोकने लाब ताङगीन ॱङो़नस्‍येखेन लाक। खुङक्‍याई धेपा-झ्‍यीगीन पी़नक्‍याला ॱमीच्‍यीकी सेमस्‍युक ॱनाङदी, खुङक्‍याई धेपा स्‍युक्‍क्षे शो़वालाक।

जेपा 2:17

को़न्‍क्षोकगी सुङालाक, ‘थामागी ङीमाक्‍याला, ङा मी घीरीगी खाला ङी थुक्‍ङी तेरयेहीन, धेनी खेक्‍याई भीजा-भोमोक्‍याई ॱङो़न स्‍येगीलाक, ख्‍योक्‍तोङक्‍याई थोङनाङ थोङगीलाक, धेनी घेबो-घेमोक्‍याई ॱमीक्‍लाम ॱमीक्‍कीलाक।

जेपा 21:9

खोला ॱनामाला ॱमासोसा भोमो श्‍यी हो़तालाक। खुङक्‍या ॱङो़नस्‍ये खेन्‍दालाक।

रोमापा 1:11

घीझ्‍येरी ॱनाना खेक्‍याला स्‍युक्‍क्षेरु ताङयेला, ङा खेक्‍याला सेम्‍ङीगी झ्‍यीलाप रे तेरये रास्‍योक ॱनेरी, ङा खेक्‍याला थोङङी दो़दी।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

१ कोरीन्‍थुपा 12:18

हीना को़न्‍क्षोकगी राङगी थुकोङगी थोक्‍ने येन्‍लाक रे-रेला ली़गी मीरी-मीरी ॱनेसारु श्‍याक जे हो़तालाक।

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।

१ कोरीन्‍थुपा 14:1

खेक्‍याई ॱमीक्‍युगो झाम्‍पा हुङघो़ धेनी धाम्‍पे थुक्‍ङीगी ॱनाङज्‍यीनक्‍याई दो़पा क्षे श्‍योक, ॱमीक्‍सेदु ॱङो़न स्‍येयेगी ॱनाङज्‍यीनला दो़पा झ्‍यी।

१ कोरीन्‍थुपा 14:24

हीना घीरी ॱङो़न स्‍येदी धेती घाङला, धेपा मीझ्‍यीगीन याङना फीदी मीक्‍या होदुरु हुङना, खीकी लाबक्‍या घोरती खुङक्‍याला खोरी धीक्‍पाक्‍या सावो झ्‍युङगीलाक धेनी खुङक्‍याला ठीम्‍चो़ फोक्‍कीलाक।

१ कोरीन्‍थुपा 14:29

ॱङो़नस्‍येखेन ॱङी याङना सुमगी ॱङो़न स्‍येघो़ धेनी मी माप्‍चीक्‍याई, खुङक्‍याई स्‍येगीनगोला घामोमा ताक्‍चा झ्‍यीघो़।

१ कोरीन्‍थुपा 3:5

धा ॱहाना, आपोल्‍लोस सुले? धेनी पाउलु सुले? खुङक्‍या नी चोवोगी रे-रेला को़ ॱनाङना धाङ खुङक्‍याई थोक्‍ने, खेक्‍याई धेपा झ्‍येजा श्‍याप्‍चीपा च्‍यीका लाक।

१ कोरीन्‍थुपा 7:7

मी घीरी ङा च्‍योक्‍रे हो़गीनगो ङा दो़दीहो़क। हीना को़न्‍क्षोकने मी घीरीला राङगी ॱनाङज्‍यीन थोप हो़तालाक। च्‍यीकला ॱना च्‍यीक धेनी श्‍येम्‍माला ॱना श्‍येम्‍मा।

२ कोरीन्‍थुपा 8:12

घीझ्‍येरी ॱनाना श्‍यान्‍देप पुयेला दो़पा हो़ना, खेक्‍याला मेगीनगोने मेन्‍दा हीना हो़गीनगोने पुगीनगोला को़न्‍क्षोक थुक्‍ङेउ जेगीलाक।

एफीसुपा 3:5

धेनी साङवा दे, एम्‍मागी मीरापला ॱङो़न्‍दु माजेपालाक हीना धान्‍दा धाम्‍पे थुक्‍ङीगी गोने, खोङबागी धाम्‍पे कुछापक्‍या धाङ ॱङो़नस्‍येखेनक्‍याला, को़न्‍क्षोकगी ॱङो़न्‍दु जेपालाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

फीलीप्‍पीपा 3:15

धा होराङ सेम्‍ङीने ॱनाटो ॱङेङ्याक्‍याई सेम्‍बा च्‍यीक झ्‍युङु। धेनी दो़न रीङगाला खेक्‍याई साम्‍लो श्‍येम्‍मा हो़ना, को़न्‍क्षोकगी होदेगोवाः खेक्‍याला सावो तो़न जेगीलाक।

१ थेसालोनीकेपा 5:20

ॱङो़नस्‍येक्‍याला ॱनाङमे माझ्‍यी,

२ पेटो 1:20

दे घीरीगी थोकला, सुङरापगी ॱङो़नस्‍ये च्‍यीया, ॱङो़नस्‍येखेन राङगी ढेस्‍ये मालाक ॱनेरी, खेक्‍याई ॱहाघोरा झ्‍यी।