रोमापा 12:18 - ॱलोवा

¹⁸ झ्‍युङ थुक्‍ये हो़ना, घी थुप-थुप राङला रा ली़गीन थुक्‍पे, घीरीमुला श्‍यीदेला धो़क।

रोमापा 12:18 Iomraidhean Croise

मेथा 5:24

ख्‍यो़री क्षो़पा क्षो़ठीगी दोङदु श्‍याक्‍ती सोङ। धेनी एन्‍ला खेरी पी़नमुला थी़न्‍लाम झ्‍यी धेनी होरी खेरी क्षो़पा पु।

मेथा 5:5

ॱङ्यामच्‍युङक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या साश्‍यीगी दाक्‍पो झ्‍युङगीलाक।

मेथा 5:9

थी़न ढीक्‍कीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या को़न्‍क्षोकगी से धाङ सेमो ॱनेरी भो़गीलाक।

मारकु 9:50

छा घा लाक हीना क्षाई ढोवागो येना, होदेला घाङगी झ्‍येरी छाढोवा शोये? छाई ढोवा च्‍योक्‍रे, ख्‍यो़ झ्‍युङ धेनी खेराङक्‍या नाङदु थी़न्‍दी धो़क।”

रोमापा 1:15

होझ्‍येरी ङा रोमदु हो़गीन, खेक्‍यालाः ताम्‍शाङ स्‍येयेला दो़पा क्षे हो़क।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

१ कोरीन्‍थुपा 7:15

हीना धेपा मीझ्‍यीगीनगी़ राङगी रोवामुला खा ढाङी दो़ना, खा डारु च्‍युक। देरे झ्‍युङना धेपा झ्‍यीगीन ख्‍योवा याङना केमीगो सी़याः वाङदु मेयोङालाक। घीझ्‍येरी ॱनाना को़न्‍क्षोकगी होराङला श्‍यीदेगी नाङदु ॱनेयेला भो़ जेपालाक।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 4:3

धाम्‍पे थुक्‍ङीने झ्‍युङगीन थी़न्‍डीलगो, श्‍यीदेगी गोने घी थुप-थुप ॱरुङये थापस्‍यी झ्‍यी।

१ थेसालोनीकेपा 5:13

धेनी खुङक्‍याई लेगागी झ्‍येरी, खुङक्‍याला झाम्‍पागी थोक्‍ने ॱमीच्‍यीकी घुस्‍याप झ्‍यी। खेराङक्‍या नाङदु क्षाम्‍बोमा झ्‍येरी धो़क।

२ तीमोथेउ 2:22

होझ्‍येरी श्‍योन्‍नुगी दो़क्षाकक्‍या पोङ धेनी सेम चाङमागी थोक्‍ने, चोवोगी छेन जो़गीनक्‍यामुला ढाङतेनगी मीछे धाङ धेपा धाङ झाम्‍पा धाङ श्‍यीदेगी ॱमीक्‍यु चो।

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

१ पेटो 3:11

ङेन्‍पा पाङदी शाङा झ्‍यीघो़, धेनी श्‍यीदे चारी होदे स्‍याम्‍ला डाघो़,