रोमापा 12:16 - ॱलोवा

¹⁶ च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

रोमापा 12:16 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 26:11

घीझ्‍येरी ॱनाना उटेक्‍या च्‍योई खीकीमुला हुङालाक हीना ङा खेक्‍यामुला च्‍योई हुङगीमालाक।

लुका 14:13

हीना ख्‍यी़ डो़नला भो़ली घाङला, उटेक्‍या धाङ काङबा लाक्‍पा मेगीनक्‍या धाङ श्‍याक्‍योवाक्‍या धाङ श्‍याराक्‍याला भो़।

लुका 6:20

धेनी येशुगी खोरी ङेनेक्‍याला शीक्‍ती सुवालाक, “खे उटेक्‍या झ्‍यीलाप क्षे, घीझ्‍येरी ॱनाना को़न्‍क्षोकगी ग्‍यासी खेराङक्‍याई लाक।

जेपा 4:32

धेपा-झ्‍यीगीन मीक्‍या सेम धाङ साम्‍लो च्‍यीक झ्‍युरी, थी़न्‍दी धेबालाक। खुङक्‍याई राङगी ग्‍युनोरक्‍या ङी हीन ॱनेरी, ॱनागीन च्‍यीया मेतालाक। ग्‍युनोर हो़गीन घीरी घो़री पी़मा चीलालाक।

रोमापा 11:20

दे धेन्‍पा लाक। खुङक्‍याई धेपा माझ्‍येवा खुङक्‍या च्‍येपालाक। हीना खेक्‍याई धेपा झ्‍येरी खेक्‍या ॱने हो़तालाक। होझ्‍येरी राङतो़ माझ्‍यी हीना जीक्‍नाङ झ्‍यी।

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

रोमापा 15:5

धेनी शो़पा धाङ सेमस्‍युक ॱनाङगीन, को़न्‍क्षोकगी खेक्‍याला मास्‍यीका येशुमुला च्‍यीक झ्‍युरी, फेन्‍छुनक्‍या घुङदु सेम्‍बा च्‍यीक्‍पा जेदी, छोवा केरु च्‍युक्‍वा जेदास्‍योक।

रोमापा 6:2

देरे फुक्‍की मालाक। होराङ नी, धीक्‍पागी नाङ स्‍यीछारसा झ्‍येरी, धा धोराङा होदे नाङदु घाङगी झ्‍येरी छोवा क्‍याथुक्‍कीले?

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 4:10

मास्‍यीकागी दो़न्‍दु हेक्‍या ॱलेन्‍पा धाङ खेक्‍या मास्‍यीकागी नाङ खेवा दुक। हेक्‍या नी, क्‍योवा हो़क हीना खेक्‍या स्‍युक्‍क्षे दुक। धेनी खेक्‍याला कुरती धाङ हेक्‍याला ॱमेबेप थोप्‍दुक।

१ कोरीन्‍थुपा 6:5

खेक्‍याई ङोजा पाप्‍येगी क्षीदु ङा दे ॱनाहीन। खेक्‍याने मास्‍यीकावा पी़नक्‍या, नाङगी ॱङ्योक्‍टाक्‍याई ठीम चे थुक्‍कीन मी खेवा सुवाः मेतालाक से?

१ कोरीन्‍थुपा 8:2

मी च्‍यीकगी “ङाला स्‍येयेहो़क” ॱनेरी साम्‍ना, खी़ स्‍येघो़गीनगो खी़ ॱमेस्‍येलालाक।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

फीलीप्‍पीपा 3:16

धेनी को़न्‍क्षोकगी होराङला सावो ॱङो़न जेजागोला च्‍यीगा तेन्‍ती, होराङ मीछे पी़घो़।

फीलीप्‍पीपा 4:2

ङा युओदीया धाङ सीन्‍तीके ॱङीउला, चोवोगी नाङ सेम्‍बा थी़न्‍दी धो़क, ॱनेरी श्‍योवा पुलाहीन।

ईब्‍रीपा 13:5

खेक्‍या ॱङुला सेम्‍बा ॱमाक्षाक धेनी राङला घी हो़गीनगोला, दो़पा खाङा झ्‍यी घीझ्‍येरी ॱनाना को़न्‍क्षोकगी सुङ हो़तालाक, “ङा खेक्‍याला नामा मेभोर, धेनी ङा खेक्‍याला नामा ॱमेपाङ।”

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

१ पेटो 5:3

खेक्‍याई लेगेनला हो़गीनक्‍या खाला आङजा झ्‍येरी मेन्‍दा, हीना लुकख्‍युक्‍याई क्षीला पे झ्‍युरी छोक्‍योङ झ्‍यी।

३ योहान्‍ना 1:9

ङी क्षो़छोकला यीक च्‍यीक ढीक्‍पालाक हीना राङला थोस्‍योक चीगीन दीयोटेरेफे ॱनागीन, मीगी हीकी वाङला या मीझ्‍यीदा।