रोमापा 12:11 - ॱलोवा

¹¹ लेमेलाम्‍गीन झ्‍युरी माधे हीना ख्‍यो़री सेम तीङने, चोवोला श्‍याप्‍ची श्‍यी़।

रोमापा 12:11 Iomraidhean Croise

मेथा 24:12

“धेनी ङेन्‍पा फेरी मी माङक्षेगी चेवा ङ्याम्‍गीलाक।

मेथा 25:26

हीना खी़ दाक्‍पोगी़ ॱनेवालाक, ‘ॱयोक्‍पो ङेन्‍पा धाङ फेन ॱमेथोक्‍कीन ख्‍यो़, ङी ॱमाताप्‍कीन साने ङा ॱङालाक धेनी ङी साङा ॱमातोरकीनने धुलालाक ॱनेरी, ख्‍यो़ला स्‍येये हो़ना,

जेपा 18:25

खोला चोवोगी लामगी ॱलापच्‍या जोर हो़तालाक धेनी ॱङीङक्षे झ्‍येरी, येशुगी कोरला मीक्‍याला ताई-ताई ॱलापच्‍या तेरालाक। हीना खोला योहान्‍नागी ॱनाङगीन ठी़सो़गी कोरला च्‍यीगा क्षा हो़तालाक।

जेपा 20:19

याहुदापाक्‍याई ङाला खोक्‍पा झ्‍यीयेला ढो़ ॱना माङा झ्‍येहो़ना, ङी ॱमीच्‍यीकी ॱङ्यामच्‍युङा झ्‍युरी छीमाक तारी, चोवोगी श्‍याप्‍तोक श्‍युवी।

१ कोरीन्‍थुपा 7:22

घीझ्‍येरी ॱनाना चोवोगी नाङ भो़ली घाङला, ढेन्‍योक हो़गीनगो धा चोवोगी राङवाङगी मी झ्‍यु हो़तालाक। होदेरेराङ झ्‍येरी चोवोगी भो़ली घाङला राङवाङ हो़गीन मीगो, धा मास्‍यीकागी ढेन्‍योक झ्‍यु हो़तालाक।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

कोलोसेपा 4:1

खे दाक्‍पोक्‍याओ, नाम्‍खे श्‍यीङखामदु खेक्‍यालाः दाक्‍पो हो़तालाक ॱनेरी स्‍येरी, राङगी ढेन्‍योकला ढाङपो धाङ ॱयेवा मेगीन चो़पा झ्‍यी।

१ तीमोथेउ 5:13

देचो़ च्‍यीगा मेन्‍दा खुङक्‍या लेमेलाम्‍गीन झ्‍युरी, खीमने खीमदु ख्‍याम्‍दी लेमेलाम्‍गीन च्‍यीगा मेन्‍दा, ठामा ग्‍याप्‍कीन धाङ झ्‍यी़दोक झ्‍यीगीन धाङ ॱनाये मेगीन लाबक्‍या ॱनागीन झ्‍युङालाक।

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

ॱङो़न्‍पा 2:4

“हीना ख्‍यी़ गोमाला हो़गीन चेवा पाङगीनगी क्‍यो़नगो, ङा ख्‍यो़ला तो़न्‍येहो़क।