रोमापा 11:7 - ॱलोवा

⁷ धा ॱहाना घी? ईस्‍राएल्‍पाक्‍याई घी चागीनगो ॱमाङेबालाक। हीना खुङक्‍याने दाम्‍दाक्‍याला होदे ॱङेपालाक धेनी श्‍येम्‍माक्‍याई सेम ग्‍योङा जेपालाक।

रोमापा 11:7 Iomraidhean Croise

मारकु 6:52

धेनी खुङक्‍याई सेमगो ॱरा झ्‍युरी होदे ग्‍याङगा तेरकीन, ॱहाङसागीन लेगागी दो़न्‍दाकगो ॱहामाघोरपालाक।

लुका 13:24

“घो दोक्‍वाने जुयेला घी थुप-थुप थापस्‍यी झ्‍यी, घीझ्‍येरी ॱनाना ङा खेक्‍याला ॱनाहीन, मी माङक्षेगी होदेने जुयेगी थापस्‍यी झ्‍यीगीलाक हीना ॱमीथुप्‍कीलाक।

योहान्‍ना 12:40

“को़न्‍क्षोकगी खुङक्‍याई ॱमीक श्‍यारा जेदी, धेनी खुङक्‍याई सेम ठा जेपालाक। देरे माजे हो़ना, खुङक्‍याई ॱमीकगी थोङये धाङ, खुङक्‍याई सेमगी ॱहाघोरयेहो़क। धेनी ङीचारु लोक्‍येहो़क। धेनी ङी खुङक्‍याला सो़ये हो़क।”

रोमापा 10:3

खुङक्‍याई को़न्‍क्षोकने झ्‍युङगीन ढाङतेनगो ॱमास्‍येवा, खोराङक्‍या राङगी थापस्‍यीने को़न्‍क्षोकमुला ढाङपो झ्‍युङयेला चावालाक। धेनी खुङक्‍याई राङला को़न्‍क्षोकगी ढाङतेनगी होकला ॱमापुवालाक।

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 11:5

देरेराङ झ्‍येरी धान्‍दागी धी़ देला थुक्‍जेगी थोक्‍ने, दाम्‍दा ईस्‍राएल्‍पा रीङगा ल्‍हाक हो़तालाक।

रोमापा 3:9

धा ॱहाना थामे दो़नगो घी ले? हे याहुदापाक्‍या मी श्‍येम्‍माक्‍याने ल्‍हाक शाङा हो़तालाक से? मेतालाक, फुक्‍की मेतालाक। घीझ्‍येरी ॱनाना याहुदापा धाङ याहुदापा मेन्‍गीन, मी घीरी धीक्‍पे वाङ होकदु हो़तालाक ॱनेरी, ङी तो़न्‍साहो़क।

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

रोमापा 9:18

होझ्‍येरी को़न्‍क्षोकगी सुला ॱङीङजे जेङी दो़दी, होदेला ॱङीङजे ॱनाङालाक धेनी सुला सेम ग्‍योङा जेङी दो़दी होदेला ग्‍योङा जेदालाक।

रोमापा 9:23

दे नी एम्‍माने शीजेगी क्षीला को़न्‍क्षोकगी डाढीक जेजा, खोङगी ॱङीङजे तो़न्‍जा मीक्‍या खाला, खोङगी ॱलानामेपे शीजे ॱयो़ल्‍ले ठाछाई झ्‍येरी, ॱङो़न्‍येगी क्षीदु खोङबागी जेपालाक।

१ कोरीन्‍थुपा 10:19

धा ॱहाना ङी ॱनागीनगी दो़नगो, कुन्‍डाला पुपा क्षो़पा दे शामाने ल्‍हाक याङना कुन्‍डा खोराङ ॱङोन्‍ने लाक ॱनेरी, ॱनालाक से?

२ कोरीन्‍थुपा 3:14

हीना खुङक्‍याई सेम ग्‍योङा झ्‍युवालाक घीझ्‍येरी ॱनाना धीरीङ ङीमा थुक्‍पे, खुङक्‍या धाम्‍चा ॱङीङबागो ढोक्‍वाराङ, होदे रेगो काप्‍ती धेतालाक। घीझ्‍येरी ॱनाना मास्‍यीकागी थोक्‍ने च्‍यीगा होदे स्‍यु थुक्‍वालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 4:18

धेनी खुङक्‍याई सेम ग्‍योङागी केनगी, खुङक्‍या नाङ हो़गीन तीमुकगी झ्‍येरी, खुङक्‍याई स्‍येयो़न मी़नाकगी तुम हो़तालाक धेनी को़न्‍क्षोकगी छेने खा ढा हो़तालाक।

फीलीप्‍पीपा 1:18

धा घीहीन्‍ना, ढाङपो थोक्‍ने हीन्‍ना लाक याङना मेढाङा थोक्‍ने हीन्‍ना लाक, चोगो घीरीगी थोक्‍ने मास्‍यीकागी क्षो़ स्‍येदुक। होझ्‍येरी देलाराङ ङा ङ्यामो घी। धेनी ङा ङ्यामो घायेहीन,

ईब्‍रीपा 12:17

खेक्‍याला स्‍येये हो़तालाक, होदे स्‍याम्‍ने खी़ खोरी थोप्‍ताङगी झ्‍यीलापगो थोप्‍ये दो़पा झ्‍यीदाराङ, खोला ॱमाथोप्‍पालाक। धेनी खी़ क्षीमाक तारी श्‍योवा पुनाः, घी झ्‍युसागीनगोला खी़ घीयाः ग्‍युर ॱमाथुक्‍पालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।