रोमापा 11:36 - ॱलोवा

³⁶ घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

रोमापा 11:36 Iomraidhean Croise

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

लुका 19:38

“चोवोगी छेनला फेप्‍गीन ग्‍यावुगो झ्‍यीलाप क्षे! नाम्‍खे श्‍यीङखामदु श्‍यीदे धाङ ॱलानामेपेला तो़टा!”

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

जेपा 17:28

‘घीझ्‍येरी ॱनाना खोङबागी होराङला मीछे पी़ये धाङ ग्‍युक्‍ये धाङ होराङ सु हीन्‍गीनगो झ्‍युङयेगी वाङ ॱनाङालाक।’ देगी कोरला खेराङक्‍याई यीक चोम्‍गीन रीङगागी ॱनेवालाक, ‘होराङक्‍या खोङबागी दुङग्‍यु लाक।’

रोमापा 16:27

कुन खेन्‍गीन को़न्‍क्षोक च्‍यीक्‍पोला, येशु मास्‍यीकागी थोक्‍ने ग्‍युने ग्‍युन्‍दु शीजे हुङवास्‍योक। आमेन।

१ कोरीन्‍थुपा 11:12

घीझ्‍येरी ॱनाना केवे-भोमो केवे-भुने झ्‍युङगीन च्‍योक्‍रे, केवे-भुगोवाः केवे-भोमोने केलालाक। हीना ॱङोपो घीरी को़न्‍क्षोकने झ्‍युङालाक।

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

गालातीयापा 1:5

ग्‍युने ग्‍युन्‍दु को़न्‍क्षोकला शीजे हुङास्‍योक। आमेन।

एफीसुपा 3:21

क्षो़छोक धाङ मास्‍यीका येशुगी थोक्‍ने, मीरापने मीराप थुक्‍पे ग्‍युने ग्‍युन्‍दु तो़पा हुङास्‍योक। आमेन।

फीलीप्‍पीपा 4:20

होरी को़न्‍क्षोक धाङ यापला, ग्‍युने ग्‍युन्‍दु शीजे हुङास्‍योक। आमेन।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

१ तीमोथेउ 6:16

खोङबा च्‍यीगा छीवा मेगीन लाक। सुवाः ॱमेथारकीन हो़ नाङदु खोङबा श्‍युक्‍वालाक। धेनी खोङबाला सी़या थोङ माङ्युवालाक याङना थोङ थुक्‍कीलाक। खोङबाला ग्‍युने ग्‍युन्‍दु कुरती धाङ वाङ हुङास्‍योक। आमेन।

२ तीमोथेउ 4:18

चोवोगी ङाला ज्‍यावा ङेन्‍पा घीरीने क्‍योप जेगीलाक धेनी खोङबागी नाम्‍खे ग्‍यासीगी क्षीला, ङाला थारपा जेगीलाक। खोङबाला ग्‍युने ग्‍युन्‍दु शीजे हुङास्‍योक। आमेन।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

ईब्‍रीपा 2:10

ॱङोपो घीरी को़ जेगीन नी, को़न्‍क्षोक लाक धेनी घीरी खोङगी क्षीदु को़ जेपालाक। धेनी भीजा धाङ भोमो माङाला शीजे नाङदु ठीक्‍ती हुङयेगी क्षीदु, येशुला दुक्‍पु ङ्याङदु च्‍युक्‍ती फी़न्‍सुम छोक्‍पा जेयेगो, को़न्‍क्षोकगी क्षीदु ताक-ताक झ्‍युवालाक। येशुराङ खुङक्‍याला थारपाला ठीक्‍कीनगो लाक।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।

१ पेटो 5:11

धी़ तेन्‍दु वाङ खोङबागी हुङास्‍योक। आमेन।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

युदा 1:25

खोङबा होरी क्‍याम्‍गो़न धाङ को़न्‍क्षोक च्‍यीक च्‍यीक्‍पोला, होरी चोवो येशु मास्‍यीकागी थोक्‍ने, शीजे धाङ ॱङेन्‍डाक धाङ नी़थु धाङ आङजा, कावा घीरीगी एम्‍माने धान्‍दा धाङ ग्‍युने ग्‍युन थुक्‍पे हुङास्‍योक। आमेन।

ॱङो़न्‍पा 19:1

होदे स्‍याम्‍ने, ङी नाम्‍खे श्‍यीङखामने मीछोक क्षेगी केक च्‍योक्‍रे च्‍यीक, देरे ॱनागीनगो घोरजुङ, “हालेलुयाह! थारपा धाङ शीजे धाङ वाङ, होरी को़न्‍क्षोकगी लाक।

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 7:10

खुङक्‍याई केक क्षे ग्‍याप्‍ती ॱनेवालाक, “श्‍युक्‍ठीरु श्‍युक्‍कीन, होरी को़न्‍क्षोक धाङ लुक्‍टुने थारपा हो़तालाक।”

ॱङो़न्‍पा 7:12

“आमेन। तो़पा धाङ शीजे, स्‍येराप धाङ काटीन धाङ कुरती, वाङ धाङ नी़थु, होरी को़न्‍क्षोकला ग्‍युने ग्‍युन्‍दु हुङवास्‍योक। आमेन।”