33 आहा! को़न्क्षोकगी नोर धाङ स्येराप धाङ स्येयो़न घीन्गी तीङ रीङा। खोङगी ठीम्चो़ ढेस्ये ग्याप ॱमीथुप्कीन, धाङ खोङगी लाम ॱहाघो ॱमीथुप्कीन दुक।
याङना को़न्क्षोकगी ॱङीङजे नी, ख्यो़ला ग्यो़पा झ्यीदु च्युक्ती सेम ग्युरतु च्युक्येला हीन्गीनगो ॱहामाघोवा, ख्यो़ खोङगी ॱङीङजे क्षेन्बो धाङ थुकॱरेन धाङ थुक्शो़ला थोङछुङ झ्यीदाले?
दे नी एम्माने शीजेगी क्षीला को़न्क्षोकगी डाढीक जेजा, खोङगी ॱङीङजे तो़न्जा मीक्या खाला, खोङगी ॱलानामेपे शीजे ॱयो़ल्ले ठाछाई झ्येरी, ॱङो़न्येगी क्षीदु खोङबागी जेपालाक।
हीना देक्या नी, को़न्क्षोकगी होराङला धाम्पे थुक्ङीगी गोने ॱङो़न जे हो़तालाक। घीझ्येरी ॱनाना धाम्पे थुक्ङीगी दो़न घीरी धाङ को़न्क्षोकगी साङवा तीङरीङाक्याः चालालाक।
को़न्क्षोकगी ढाङमेगी थुक्जेला तेन्ती, मास्यीकागी कुठाकगी थोक्ने होराङला थारपा हो़तालाक धेनी होरी धीक्पाक्याई घोयाङ हो़तालाक।
दे नी माउपारगी धी़ला खोङबागी मास्यीका येशुगी थोक्ने, होराङला ॱनाङना ॱङीङजेगी गोने, राङगी ढाङमेगी थुक्जे दे, मीक्याला तो़न्येगी क्षीला लाक।
दे नी, क्षो़छोकगी गोने नाम्खे श्यीङखामदु हो़गीन पो़न्पोक्या धाङ वाङ झ्यीगीनक्याला, को़न्क्षोकगी स्येराप ॱनाम्पा ॱनाछोक धान्दा ॱङो़न्दु जेयेगी क्षीला लाक।
को़न्क्षोकगी ढाङमेगी शीजेला तेन्ती, थुक्ङीगी थोक्ने नी़थु ॱनाङदी, खेक्याई सेमला तोपस्युक ॱनाङास्योक,
धाम्पे मी घीरीमुला मास्यीकागी झाम्पागी ग्याछे धाङ रीङछे धाङ थोछे धाङ तीङछे, घी हीन्गीनगो ॱहाघोरयेगी तोप थोबा झ्यीये,
ङा को़न्क्षोकगी धाम्पा मीक्याने ॱमास्योकगो हीन्नाः मास्यीकागी ढाङमेगी शीजेक्षेगी ताम्शाङगो, याहुदापा मेन्गीनक्याला स्येये धाङ धेनी घीरी को़ ॱनाङगीन, को़न्क्षोकगी एम्मा धी़रापने बेरी श्याक जेजा साङवा दे, मी घीरीला ॱङो़न्दु च्युक्येगी दे थुक्जे दे ङाला ॱनावालाक।
को़न्क्षोकगी ढाङमेगी शीजेगी साङवा दे, याहुदापा मेन्गीन मीरीकगी क्षीला ॱमीच्यीकी चाक्षे हीन्गीनगो, राङगी धाम्पे मीक्याला ॱङो़न्दु जेयेगो, को़न्क्षोकगी थुक घेवालाक। साङवा दे नी, मास्यीका खेक्याई नाङ हो़तालाक धेनी खोङ नी शीजेगी रेवागो लाक।