रोमापा 11:28 - ॱलोवा

²⁸ ताम्‍शाङगी छा श्‍याक्‍ती ॱनाना, ईस्‍राएल्‍पा रीङगा खेक्‍याई क्षीदु को़न्‍क्षोकगी डा लाक हीना खुङक्‍याई धाङबी फामाक्‍याई झ्‍येरी, को़न्‍क्षोकगी दामा जेजागोला छा श्‍याक्‍ना, खुङक्‍या को़न्‍क्षोकगी चेवेक्‍या लाक।

रोमापा 11:28 Iomraidhean Croise

मेथा 21:43

“होझ्‍येरी ङा खेक्‍याला ॱनाहीन, नाम्‍खे ग्‍यासी दे खेक्‍याने ठोक्‍ती, ढेबु केगीन मीग्‍युक्‍याला ॱनाङगीलाक।

लुका 1:54

खोङबागी होरी धाङबी फामाक्‍याला धाम्‍चा जेजा च्‍योक्‍रे, आब्‍राहाम धाङ खी़ ग्‍युपाक्‍याला, थामेपे थुक्‍जे शीक्‍येगो ढेन्‍सो़ जेदी, राङगी ॱयोक्‍पो ईस्‍राएलला रोक्‍राम जे हो़तालाक।”

जेपा 14:2

हीना धेपा मीझ्‍यीगीन याहुदापाक्‍याई याहुदापा मेन्‍गीन मीक्‍याला खोक्‍पा ग्‍यारी, धेपा झ्‍यीगीनक्‍याई डाला ॱलावालाक।

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

रोमापा 11:11

होझ्‍येरी ङा ढीलाहीन, ईस्‍राएल्‍पाक्‍या नामा लाङये मेगीन झ्‍येरी गेवालाक से? देरे चावाने मालाक। ॱयोल्‍ले ईस्‍राएल्‍पाक्‍याई धीक्‍पागी झ्‍येरी, याहुदापा मेन्‍गीनक्‍याला थारपा थोप हो़तालाक। दे नी ईस्‍राएल्‍पाक्‍याला ठादोक लाङदु च्‍युक्‍येगी क्षीला लाक।

रोमापा 11:30

एम्‍मा थेङ च्‍यीक खेक्‍याः को़न्‍क्षोकगी काला मेङेन्‍गीन हो़तालाक हीना ईस्‍राएल्‍पाक्‍याई को़न्‍क्षोकगी काला माङेन्‍गीन केनगी, धान्‍दा खेक्‍याला ॱङीङजे थोप्‍था च्‍योक्‍रे,

रोमापा 11:7

धा ॱहाना घी? ईस्‍राएल्‍पाक्‍याई घी चागीनगो ॱमाङेबालाक। हीना खुङक्‍याने दाम्‍दाक्‍याला होदे ॱङेपालाक धेनी श्‍येम्‍माक्‍याई सेम ग्‍योङा जेपालाक।

रोमापा 5:10

घीझ्‍येरी ॱनाना होराङ को़न्‍क्षोकगी डा हो़ती घाङला, खोङबागी से ढोङगीनगी थोक्‍ने, खोङबामुला होराङ दुमा जेहो़ना, धा दुमा जेसारती मास्‍यीकागी छेगी थोक्‍ने होराङ ॱयोल्‍ले माङा थारकीलाक।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।