रोमापा 11:25 - ॱलोवा

²⁵ पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 11:25 Iomraidhean Croise

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

लुका 21:24

खुङक्‍या राल्‍डीगी सेगीलाक धेनी चो़न्‍पा शो़री मीरीक घीरीगी नाङने ठीक्‍कीलाक। धेनी याहुदापा मेन्‍गीन मीरीकगी धी़चो़ माजोक्‍कीन थुक्‍पे, येरुसालेम दे याहुदापा मेन्‍गीन मीरीकगी काङबे होकला ॱलेदी श्‍याक्‍कीलाक।”

योहान्‍ना 10:16

लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।

रोमापा 1:13

पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।

रोमापा 11:12

धा ईस्‍राएल्‍पाक्‍याई धीक्‍पागो, जीक्‍तेनगी क्षीदु झ्‍यीलाप क्षे धाङ खुङक्‍या फाम्‍गीनगो याहुदापा मेन्‍गीनक्‍याई क्षीदु झ्‍यीलाप क्षे झ्‍युङहो़ना, खुङक्‍याई ढाङगा छाङगोराङ को़न्‍क्षोकगी थारपाला छी़नाः, ॱयोल्‍ले घाजो़ क्षे झ्‍यीलाप झ्‍युङी हो़टु।

रोमापा 11:24

खेक्‍या राङश्‍यीगी रीगी क्‍युरुस्‍यीङ दोङबो झ्‍येरीयाः, चेदी राङ झ्‍युजा क्‍युरुस्‍यीङ दोङबो शाङाला थी़ हो़ना, ॱङोमा हीन्‍गीन याक्‍कागो राङगी क्‍युरुस्‍यीङगी दोङबोला देले ल्‍हाक थी़गीलाक।

रोमापा 12:16

च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

रोमापा 9:18

होझ्‍येरी को़न्‍क्षोकगी सुला ॱङीङजे जेङी दो़दी, होदेला ॱङीङजे ॱनाङालाक धेनी सुला सेम ग्‍योङा जेङी दो़दी होदेला ग्‍योङा जेदालाक।

१ कोरीन्‍थुपा 10:1

पी़नक्‍याओ, खेक्‍याई दे लाबक्‍या स्‍येलाझ्‍यी ॱनेरी ङा दो़दीहो़क। होरी धाङबी फामाक्‍या रीतोङदु हो़ती घाङला, घीरी ॱरीङबा होकला ॱनेवालाक धेनी खुङक्‍या घीरी ग्‍याछो घुङने सोवालाक।

१ कोरीन्‍थुपा 12:1

धा पी़नक्‍याओ, धाम्‍पे थुक्‍ङीगी ॱनाङज्‍यीनक्‍याई कोरला खेक्‍याई स्‍येगीनगो ङा दो़दीहो़क।

१ कोरीन्‍थुपा 2:7

हीना साङवादु बेरी श्‍याकश्‍या को़न्‍क्षोकगी स्‍येराप दे हेक्‍या स्‍येदाहीन। स्‍येराप दे नी, जीक्‍तेन ॱमाको़ एन्‍लानेराङ, हीकी शीजेगी क्षीला को़न्‍क्षोकगी को़वालाक।

१ कोरीन्‍थुपा 4:1

मीक्‍याई हेक्‍याला मास्‍यीकागी श्‍याप्‍चीपा धाङ को़न्‍क्षोकगी साङवे दो़नक्‍याई, ॱङेरपा च्‍योक्‍रे चीघो़।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 4:18

धेनी खुङक्‍याई सेम ग्‍योङागी केनगी, खुङक्‍या नाङ हो़गीन तीमुकगी झ्‍येरी, खुङक्‍याई स्‍येयो़न मी़नाकगी तुम हो़तालाक धेनी को़न्‍क्षोकगी छेने खा ढा हो़तालाक।

२ पेटो 3:8

हीना चेवेक्‍याओ, चोवोगी क्षीदु ङीमा च्‍यीक नी, लो तोङ धाङ लो तोङ नी, ङीमा च्‍यीक च्‍योक्‍रे लाक ॱनेरी, खेक्‍या ढेन्‍बा माझ्‍ये।

ॱङो़न्‍पा 1:20

धा ख्‍यी़ ङी लाक्‍पा ॱये स्‍योकला थोङगीन, कारमा धी़न धाङ सेरगी क्‍युङ धी़नगी साङवागो नी दे लाक, कारमा धी़नक्‍या क्षो़छोक धी़नगी भाङछेनक्‍या लाक धेनी क्‍युङ धी़नगो, क्षो़छोक धी़न्‍बोगो लाक।”

ॱङो़न्‍पा 10:7

हीना नाम्‍खे भाङछेन धी़न्‍बागी़ राङगी दुङक्षेन भी़गु झ्‍यीयेगी ङीमागोला, को़न्‍क्षोकगी राङगी श्‍याप्‍ची ॱङो़नस्‍येखेनक्‍याला सेटाक झ्‍येजा च्‍योक्‍रे, राङगी साङवागो डुप्‍कीलाक।”

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 7:9

होदे स्‍याम्‍ने सी़याः ढाङगा ग्‍याप ॱमीथुक्‍कीन, मीरीक हो़ले धाङ ग्‍युपा हो़ले धाङ मीमाङ हो़ले धाङ केरीक हो़लेगी, मीछोक क्षे च्‍यीक श्‍युक्‍ठी धाङ लुक्‍टुगी दोङदु लारी धेगीनगो, ङी थोजुङ। धेनी खुङक्‍या घो़ काउ घो़न्‍दी, लाक्‍पारु स्‍यीङ तालागी याकाक्‍या खेरती धेदुक।