रोमापा 11:20 - ॱलोवा

²⁰ दे धेन्‍पा लाक। खुङक्‍याई धेपा माझ्‍येवा खुङक्‍या च्‍येपालाक। हीना खेक्‍याई धेपा झ्‍येरी खेक्‍या ॱने हो़तालाक। होझ्‍येरी राङतो़ माझ्‍यी हीना जीक्‍नाङ झ्‍यी।

रोमापा 11:20 Iomraidhean Croise

लुका 18:14

धेनी येशुगी सुवालाक, “ङा खेक्‍याला ॱनाहीन, श्‍येम्‍मा मीगो मेन्‍दा, दे मी दे को़न्‍क्षोकगी डुङदु याङदाक्‍पा झ्‍युरी, खोरी नाङला लोक्‍पालाक। घीझ्‍येरी ॱनाना राङला थोवा शोगीनक्‍या, घीरी ॱमावा जेगीलाक धेनी राङला ॱमावा शोगीन घीरीला थोवा जेगीलाक।”

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

रोमापा 11:18

होझ्‍येरी होदे चेदी श्‍याक्‍सा याक्‍का हीन्‍गीन ईस्‍राएल्‍पाक्‍याई दोङदु, खे रीगागी दोङबो च्‍योक्‍रे हीन्‍गीन याहुदापा मेन्‍गीनक्‍या राङतो़ माझ्‍यी। राङतो़ झ्‍यीना, ख्‍यी़ चावागोला ॱमीखुरा, हीना चावागी ख्‍यो़ला खुरालाक ॱनेरी ढेन्‍सो झ्‍यी।

रोमापा 11:21

घीझ्‍येरी ॱनाना को़न्‍क्षोकगी याक्‍का ॱङोमाक्‍याला ॱलो़ ताङा माजे हो़ना, खेक्‍यालाः ॱलो़ ताङा जेगीमालाक।

रोमापा 12:16

च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

रोमापा 3:3

खुङक्‍याने रीङगागी को़न्‍क्षोकगी काला धेपा मीझ्‍यीनाः, घी हो़तालाक से? खुङक्‍याई धेपा मीझ्‍यीगीनगी झ्‍येरी, को़न्‍क्षोकगीयाः राङगी ॱलोते चामेदु जेगीले?

१ कोरीन्‍थुपा 10:12

होझ्‍येरी खेक्‍या तेन्‍पो ॱनेती धेहो़क साम्‍गीनक्‍या, मील्‍हीम्‍येगी क्षीदु शाप-शाप झ्‍यी।

१ कोरीन्‍थुपा 15:1

धा पी़नक्‍याओ, ङी खेक्‍याला स्‍येगीन ताम्‍शाङगो, ङा खेक्‍याला ढेन्‍सो ॱलाङाहीन। दे ताम्‍शाङला खीकी खेलेन झ्‍येवालाक धेनी होदेला तेन्‍पो ॱनेती धेदालाक।

१ कोरीन्‍थुपा 16:13

च्‍याङजे झ्‍यी। धेपाला तेन्‍पो ॱनेती धो़क धेनी ॱलोगोक क्षे धाङ स्‍युक क्षे झ्‍युङ।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

२ कोरीन्‍थुपा 10:5

को़न्‍क्षोकगी स्‍येयो़नला काक्‍कीन चो़लीङक्‍या धाङ झ्‍यी़ङेनक्‍याला, हेक्‍या चामेदु ताङाहीन। धेनी साम्‍लो घीरीला मास्‍यीकागी काला ङेन्‍येला वाङ होकदु दुवालाक।

फीलीप्‍पीपा 2:12

होझ्‍येरी ङी चेवेक्‍याओ, खेक्‍याई च्‍योई ङी खाला ङेन्‍गीन च्‍योक्‍रे, ङा हो़ती घाङला च्‍यीगा मेन्‍दा, हीना देले ल्‍हाक ङा मेताराङ, खेक्‍या जीक्‍नाङ धाङ घुस्‍यापगी थोक्‍ने, राङगी थारपागी क्षीला काल्‍ले ग्‍योप।

कोलोसेपा 2:7

धेनी खोङगी नाङ चावा तीङ रीङबो चुक धेनी खोङगी खाला, खेरी मीछेगी ॱमाङस्‍यी चीक धेनी खेक्‍याला ॱलाप्‍ला च्‍योक्‍रे, खेरी धेपा स्‍युक्‍क्षेरु तोङ। धेनी काटीन्‍क्षे श्‍यी़येला माङदु तोङ।

२ थेसालोनीकेपा 2:4

मी दी ल्‍हा ॱनागीन धाङ क्षाक्‍क्षो़पा पुगीन घीरीला ङोलोक झ्‍येरी, खोराङ होदे घीरीगी थोकला धेगीलाक। धेनी को़न्‍क्षोकगी क्षो़खाङ नाङला धेती, राङ-राङला को़न्‍क्षोक हीन ॱनागीलाक।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।

ईब्‍रीपा 3:19

होझ्‍येरी खुङक्‍याई धेपा मेगीनगी झ्‍येरी, खुङक्‍या नामा जु ॱमाथुप्‍तागो होराङ स्‍येलालाक।

ईब्‍रीपा 4:11

होझ्‍येरी खुङक्‍याई को़न्‍क्षोकगी काला माङेन्‍पा नोगीन च्‍योक्‍रे सुवाः मानोवास्‍योक ॱनेरी, होराङ होदे ङासु नाङ जुयेला थापस्‍यी हो़ले झ्‍यीघो़।

ईब्‍रीपा 4:6

होझ्‍येरी मी रीङगागी क्षीदु, होदे ङासु नाङ जुयेगी घुकाप धोराङा हो़तालाक। हीना एम्‍मा ताम्‍शाङ घोरकाक्‍याई, धेपा माझ्‍येवा होदे ङासु नाङ जु ॱमाथुक्‍पालाक।

याकोब 2:19

खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।

याकोब 4:6

हीना खोङगी होराङला देले ल्‍हाक थुक्‍जे ॱनावालाक। होझ्‍येरी सुङरापगी देरे सुङालाक, “को़न्‍क्षोकगी ङागेलचेनला ङोलोक जेदालाक हीना ॱङ्यामच्‍युङला थुक्‍जे ॱनाङा जेदालाक।”

१ पेटो 1:17

क्षोक्‍री मेजेदा मीक्‍याई राङगी लेगा घी झ्‍यीगीनला शीक्‍ती, ठीम्‍चो़ जेगीनगोला खेक्‍याई याप ॱनेरी श्‍यी़नाः, खेक्‍याई ॱनेचाङ ॱयारती धेयेगी धी़ दे, खोङबाला कुरती झ्‍येरी मीछे क्‍याघो़।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।

१ पेटो 5:9

राङगी धेपाला तेन्‍पो झ्‍युरी, धी़कगी ङोलोक झ्‍यी घीझ्‍येरी ॱनाना जीक्‍तेन हो़लेरु खीकी पी़नक्‍यागीयाः देरे दुक्‍पु राङ ङ्याङी हो़तालाक।

ॱङो़न्‍पा 18:7

मी़ मोराङला शीजे ताङगीन धाङ दो़यो़नला धेगीन चो़जो़, मोला दुक्‍पु धाङ दुङा तेर। घीझ्‍येरी ॱनाना मी़ राङगी सेमला देरे ॱनालाक, ‘ङा ग्‍यामु झ्‍युरी धेहो़क। ङा युक्‍जामा मेन। ङा नामा दुक ॱरुङ घोगुमालाक।’

ॱङो़न्‍पा 3:17

‘ङा क्षुक्‍पु हो़क धेनी ङाला ग्‍युनोर हो़क धेनी ङाला घीया घोये मीदुक।’ ॱनेरी ख्‍यो़ ॱनालाक हीना ख्‍यो़ थापक्‍योवा धाङ दुक फोक्‍पा धाङ उटे धाङ श्‍यारा धाङ ॱमाराङा हो़गीनगो, ख्‍यो़ला स्‍येये मेतालाक।