रोमापा 11:2 - ॱलोवा

² को़न्‍क्षोकगी एम्‍माने खेन्‍दा जेजा, राङगी मीक्‍याला पाङा माजे हो़तालाक। सुङरापला एलीयागी कोरला देरे सुङगीनगो, खेक्‍याला स्‍येये मेताले? खोङगी ईस्‍राएलगी कोरला, को़न्‍क्षोकमुला दुकेक ग्‍याप्‍ती देरे श्‍यी़वालाक,

रोमापा 11:2 Iomraidhean Croise

मारकु 12:26

धेनी छीवाने याङ सो़न्‍पो लाङगीनगी कोरला, खेक्‍याई मोशेगी क्षो़ठीमगी धेपला मे भारती धेता छेम्‍मागी खोक्‍ने को़न्‍क्षोकगी मोशेला, ‘ङा आब्‍राहामगी को़न्‍क्षोक धाङ ईसाकगी को़न्‍क्षोक धाङ याकोबगी को़न्‍क्षोक हीन।’ सुरी सुङगीन दे माढोक हो़ती?

लुका 4:1

येशु धाम्‍पे थुक्‍ङीगी खारी, योरदान चाङबुने लोक्‍ती फेप्‍पालाक धेनी थुक्‍ङीगी खोङबाला रीतोङ स्‍योकला ठीया जेपालाक।

योहान्‍ना 4:11

धेनी केमीगी़ खोङबाला श्‍यी़वालाक, “ॱलोपो़न ला, क्षुदोङ दे तीङ रीङा दुक धेनी खेराङला क्षु छुयेला ॱनो़ च्‍यीया मीदुक। धा खेराङगी होदे सो़न्‍पो क्षु घाने खेरती हुङये?

जेपा 13:48

दे लाब ॱहाघोरती याहुदापा मेन्‍गीन मीक्‍या ङ्यामो घेरी, चोवोगी ॱनाङना काला तो़टा पुवालाक। थामेगीन छेसोकगी छीला एम्‍माने ॱहालाराङ, को़न्‍क्षोकने दाम्‍दा घीरीगी येशु मास्‍यीका खाला धेपा झ्‍येवालाक।

जेपा 15:18

चोवो को़न्‍क्षोकगी सुङालाक।’”

जेपा 3:17

“ङी रोवाक्‍याओ, ङाला क्षाहो़क, खेराङ धाङ खेराङक्‍याई पो़न्‍पोक्‍याई राङ घी झ्‍यीगीनगो ॱहामाघोरा, येशुला सेपालाक।

जेपा 7:40

धेनी खुङक्‍याई आरोनला ॱनेवालाक, ‘होराङला लाम ठीक्‍कीन ल्‍हाक्‍या शोरोनाङ घीझ्‍येरी ॱनाना मोशेगी होराङला एजेपने ठीक्‍ती होवालाक हीना धान्‍दा खोला घी झ्‍युवाले ॱनेरी, होराङ सुला क्षा मीदुक।’

रोमापा 6:16

धा काला चीगीन ढेन्‍योक च्‍योक्‍रे खेक्‍याई राङला सु चारु पुली, खेक्‍या होदेगीराङ काला ङेन्‍गीन ढेन्‍योक झ्‍युङालाक ॱनेरी खेक्‍या ॱमेस्‍येलाले? खेक्‍या याङना छीवाला ठीक्‍कीन धीक्‍पागी ढेन्‍योक याङना ढाङतेनला ठीक्‍कीन, को़न्‍क्षोकगी काला ङेन्‍गीन ढेन्‍योक झ्‍युङालाक।

रोमापा 9:23

दे नी एम्‍माने शीजेगी क्षीला को़न्‍क्षोकगी डाढीक जेजा, खोङगी ॱङीङजे तो़न्‍जा मीक्‍या खाला, खोङगी ॱलानामेपे शीजे ॱयो़ल्‍ले ठाछाई झ्‍येरी, ॱङो़न्‍येगी क्षीदु खोङबागी जेपालाक।

रोमापा 9:6

हीना को़न्‍क्षोकगी धाम्‍चा जेजागो माडुप्‍कीन मालाक। घीझ्‍येरी ॱनाना ईस्‍राएलने केक्‍या घीरी को़न्‍क्षोकगी मी मालाक।

१ कोरीन्‍थुपा 6:2

याङना को़न्‍क्षोकगी मीक्‍याई जीक्‍तेनगी ठीम चेगीलाक ॱनेरी, खेक्‍या ॱमेस्‍येलाले? धा खेक्‍या जीक्‍तेनगी ठीम चेगीन हीन्‍ना, हुरे ॱङ्योक्‍टा च्‍युङाक्‍याई ठीम चे ॱमीथुक्‍वाले?

१ कोरीन्‍थुपा 8:3

हीना को़न्‍क्षोकला चेवा झ्‍यीगीन मीगोला, को़न्‍क्षोकगी ङो खेन्‍दालाक।

फीलीप्‍पीपा 1:22

धा ङा ली़ला सो़न्‍पो धेये हीन्‍ना, होदे ङी क्षीदु दोक्‍पो हो़गीन काल्‍ले झ्‍युङगीलाक। घीहीन्‍ना ङा घी दाम घोयेगो ङी ॱमेस्‍येहो़क।

ईब्‍रीपा 1:1

एम्‍मा को़न्‍क्षोकगी होरी धाङबी फामाक्‍यामुला ॱङो़नस्‍येखेनक्‍याई थोक्‍ने, थेङ माङपो धाङ थापस्‍यी माङाने का सुवालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।