रोमापा 11:11 - ॱलोवा

¹¹ होझ्‍येरी ङा ढीलाहीन, ईस्‍राएल्‍पाक्‍या नामा लाङये मेगीन झ्‍येरी गेवालाक से? देरे चावाने मालाक। ॱयोल्‍ले ईस्‍राएल्‍पाक्‍याई धीक्‍पागी झ्‍येरी, याहुदापा मेन्‍गीनक्‍याला थारपा थोप हो़तालाक। दे नी ईस्‍राएल्‍पाक्‍याला ठादोक लाङदु च्‍युक्‍येगी क्षीला लाक।

रोमापा 11:11 Iomraidhean Croise

लुका 20:16

खो होरी खुङक्‍याला सेगीलाक धेनी दुम्‍रागो श्‍येम्‍माक्‍याला तेरकीलाक।” मीक्‍याई होदे घोरती ॱनेवालाक, “देरे नामाः माझ्‍युङास्‍योक।”

जेपा 13:42

पाउलु धाङ बारनाबा छोक्‍खाङने थो़न्‍दी घाङला मीक्‍याई, “श्‍येम्‍मा ङासुगीन ङीमाला दे लाबक्‍याई कोरला हेला धोराङा सुङरोनाङ” ॱनेरी श्‍योवा पुवालाक।

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

रोमापा 10:19

ङा धाब्‍ले ढीलाहीन, ईस्‍राएल्‍पाक्‍याई ॱहामाघोरपालाक से? धाङपो मोशेगी को़न्‍क्षोकगी थोक्‍ने सुङालाक “मीरीक मेन्‍गीन च्‍यीकला ङा, खेक्‍याला ठादोक लाङदु च्‍युक्‍येहीन। मीरीक ॱलेन्‍दा च्‍यीकगी थोक्‍ने ङा, खेक्‍याला श्‍येताङ लाङदु च्‍युक्‍येहीन।”

रोमापा 11:1

धा ॱहाना ङा ढीलाहीन, “को़न्‍क्षोकगी राङगी मीक्‍याला पाङा जेपालाक से?” चावाने माजेदुक। घीझ्‍येरी ॱनाना ङाः आब्‍राहामगी भुग्‍यु धाङ बेन्‍यामीनगी री़वागी ईस्‍राएल्‍पा च्‍यीक हीन।

रोमापा 11:12

धा ईस्‍राएल्‍पाक्‍याई धीक्‍पागो, जीक्‍तेनगी क्षीदु झ्‍यीलाप क्षे धाङ खुङक्‍या फाम्‍गीनगो याहुदापा मेन्‍गीनक्‍याई क्षीदु झ्‍यीलाप क्षे झ्‍युङहो़ना, खुङक्‍याई ढाङगा छाङगोराङ को़न्‍क्षोकगी थारपाला छी़नाः, ॱयोल्‍ले घाजो़ क्षे झ्‍यीलाप झ्‍युङी हो़टु।

रोमापा 11:14

देरे झ्‍यीगीनगी ङी रेवा नी, ङाराङगी याहुदापा मीरीकक्‍याला ठादोक लाङदु च्‍युक्‍ये धाङ खुङक्‍याने रीङगाला क्‍योप थुक्‍ये लाक।

रोमापा 11:31

खेक्‍याला थोप्‍था थुक्‍जेगो खुङक्‍याला धान्‍दा थोप्‍टु ॱनेरी, धान्‍दा खुङक्‍याः काला मेङेन्‍गीन झ्‍युङदुक।