रोमापा 10:9 - ॱलोवा

⁹ खेक्‍याई राङगी खागी “येशु नी चोवो लाक” ॱनेरी ॱनाना धेनी को़न्‍क्षोकगी खोङला छीवाने ॱलार सो़न्‍पो जेपालाक ॱनेरी, धेपा झ्‍यीना खेक्‍याला थारपा थोप्‍कीलाक।

रोमापा 10:9 Iomraidhean Croise

लुका 12:8

“ङा खेक्‍याला ॱनाहीन, मीक्‍याई दोङदु ङाला खेलेन्‍गीनक्‍याला मी-भुगीयाः, नाम्‍खे भाङछेनक्‍याई दोङदु खे लेन्‍गीलाक।

योहान्‍ना 9:22

खी़ फामागी याहुदापा पो़न्‍पोक्‍याला जीक्‍ती देरे ॱनेवालाक। घीझ्‍येरी ॱनाना येशुला मास्‍यीका ॱनेरी खेलेन्‍गीनक्‍याला छोक्‍खाङने पी़दी जाङयेगी ढो़, याहुदापा पो़न्‍पोक्‍याई एन्‍लाराङ थाक च्‍यो़ हो़तालाक।

जेपा 16:31

खुङक्‍याई ॱनेवालाक, “चोवो येशुला धेपा झ्‍यी धेनी ख्‍यो़ला थारपा थोप्‍कीलाक। दे ख्‍यो़ धाङ ख्‍यी़ नाङमी घीरीगी क्षीला थारपालाक।”

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

जेपा 2:32

“धा खोङराङ येशुला को़न्‍क्षोकगी छीवाने सो़न्‍दु च्‍युक्‍पालाक। धेनी दे लाबगी पाङपोगो होराङ घीरी हो़क।

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

रोमापा 10:10

घीझ्‍येरी ॱनाना खेक्‍याई सेमने धेपा झ्‍येरी ढाङपो चीलालाक। धेनी खाने खेलेन्‍दी थारपा थोबालाक।

रोमापा 14:11

घीझ्‍येरी ॱनाना सुङरापला देरे ढीक हो़तालाक, “चोवो सुङालाक, ‘ङा सो़न्‍पो ॱनेगीन च्‍योक्‍रे, पी़मु हो़ले ङी दोङदु चुक्‍कीलाक, धेनी च्‍येमो हो़लेगी को़न्‍क्षोकगी तो़पा पुगीलाक।’”

रोमापा 14:9

धा मास्‍यीका नी स्‍यीस्‍या धाङ सो़न्‍पो ॱङीगारागी चोवो झ्‍युङयेगी क्षीदु ढोङा जेपालाक धेनी कुसो़न्‍पो श्‍याङा जेपालाक।

रोमापा 4:24

हीना होरी क्षीदुवाः ढीक्‍पालाक। होरी चोवो येशुला छीवाने कुसो़न्‍पो श्‍याङा जेगीन, को़न्‍क्षोकला धेपा झ्‍यीगीन होराङक्‍याला को़न्‍क्षोकगी ढाङपो चीगीलाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

१ कोरीन्‍थुपा 12:3

होझ्‍येरी को़न्‍क्षोकगी थुक्‍ङी गोने लाब ताङगीन सी़या “येशुला ॱमेमो फोक्‍वास्‍योक” ॱनेरी ॱमेनालाक धेनी धाम्‍पे थुक्‍ङीगी गोने च्‍यीगा “येशुराङ चोवो हीन।” ॱनेरी ॱना थुक्‍कीलाक ॱनागीन लाब दे, खेक्‍याई ॱहाघोकीनगो ङा दो़दीहो़क।

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ योहान्‍ना 4:15

येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।