रोमापा 10:6 - ॱलोवा

⁶ हीना धेपाने झ्‍युङगीन ढाङतेनगी देरे सुङालाक, “राङगी सेम नाङदु ‘नाम्‍खे श्‍यीङखामदु सु डोगीले?’ ॱनेरी ॱमाना। (दे नी मास्‍यीकाला माला ठीक्‍ती, हुङयेगी क्षीला लाक।)

रोमापा 10:6 Iomraidhean Croise

योहान्‍ना 6:33

घीझ्‍येरी ॱनाना को़न्‍क्षोकगी ग्‍याङगागो, नाम्‍खे श्‍यीङखामने भाप्‍ती जीक्‍तेनला मीछे ॱनाङगीन दे लाक।”

योहान्‍ना 6:38

घीझ्‍येरी ॱनाना ङा नाम्‍खे श्‍यीङखामने ङाराङगी दो़पा डुप्‍तु मेन्‍दा, ङाला ॱङाक्‍कीनगी थुकोङ डुप्‍येगी क्षीला होवाहीन।

योहान्‍ना 6:58

नाम्‍खे श्‍यीङखामने भाप्‍पा ग्‍याङगा दे, खीकी धाङबी फामाक्‍याई शेरीया स्‍यीरी डुगीनगो च्‍योक्‍रे मालाक। दे ग्‍याङगा शागीनगो तेन्‍दु सो़न्‍पो ॱनेगीलाक।”

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

रोमापा 3:25

धेनी खोङ मास्‍यीकागी कुठाक ॱली़री, धीक्‍पा सेल्‍येगी ॱमारछो़ झ्‍युङयेला, को़न्‍क्षोकगी खोङला पुवालाक। दे नी धेपा झ्‍येरी च्‍यीगा थोप्‍कीलाक। धेनी दे को़न्‍क्षोकगी राङगी ढाङतेन ॱङो़न्‍येगी क्षीदु जेपालाक घीझ्‍येरी ॱनाना एम्‍मा को़न्‍क्षोकगी शो़पा जेदी, मीक्‍याई झ्‍येजा धीक्‍पाक्‍याला छेपा का माजेपालाक।

रोमापा 4:13

आब्‍राहाम नी, जीक्‍तेनगी ग्‍युज्‍यीन झ्‍युङगीलाक सुरी, को़न्‍क्षोकगी आब्‍राहाम धाङ खोङगी भुग्‍युक्‍याला धाम्‍चा जेजागो क्षो़ठीम ॱरुङगीनगी थोक्‍ने मालाक हीना धेपाने झ्‍युङगीन ढाङतेनने लाक।

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।