रोमापा 10:19 - ॱलोवा

¹⁹ ङा धाब्‍ले ढीलाहीन, ईस्‍राएल्‍पाक्‍याई ॱहामाघोरपालाक से? धाङपो मोशेगी को़न्‍क्षोकगी थोक्‍ने सुङालाक “मीरीक मेन्‍गीन च्‍यीकला ङा, खेक्‍याला ठादोक लाङदु च्‍युक्‍येहीन। मीरीक ॱलेन्‍दा च्‍यीकगी थोक्‍ने ङा, खेक्‍याला श्‍येताङ लाङदु च्‍युक्‍येहीन।”

रोमापा 10:19 Iomraidhean Croise

रोमापा 10:18

हीना ङा ढीलाहीन, खुङक्‍याई माघोरपालाक से? ॱङोन्‍नेराङ घोर हो़तालाक। घीझ्‍येरी ॱनाना “खुङक्‍याई केक साश्‍यी हो़लेरु ख्‍याप्‍दुक, धेनी खुङक्‍याई का जाम्‍लीङगी था थुक्‍पे ख्‍याप्‍दुक।”

रोमापा 11:11

होझ्‍येरी ङा ढीलाहीन, ईस्‍राएल्‍पाक्‍या नामा लाङये मेगीन झ्‍येरी गेवालाक से? देरे चावाने मालाक। ॱयोल्‍ले ईस्‍राएल्‍पाक्‍याई धीक्‍पागी झ्‍येरी, याहुदापा मेन्‍गीनक्‍याला थारपा थोप हो़तालाक। दे नी ईस्‍राएल्‍पाक्‍याला ठादोक लाङदु च्‍युक्‍येगी क्षीला लाक।

रोमापा 11:14

देरे झ्‍यीगीनगी ङी रेवा नी, ङाराङगी याहुदापा मीरीकक्‍याला ठादोक लाङदु च्‍युक्‍ये धाङ खुङक्‍याने रीङगाला क्‍योप थुक्‍ये लाक।

रोमापा 3:26

हीना खोङबाराङ ढाङपो हीन्‍गीन धाङ येशुला धेपा झ्‍यीगीनक्‍याला खोङबागी ढाङपो जेयेगी क्षीदु, खोङबागी धान्‍दागी धी़ला मीक्‍याई धीक्‍पाला दो़नाङ जेदालाक।

१ कोरीन्‍थुपा 1:12

ङी ॱनागीनगो घी लाक ॱनाना, खेक्‍याने रीङगागी “ङा पाउलुगी हीन” धेनी रीङगागी “ङा आपोल्‍लोसगी हीन” धेनी रीङगागी “ङा केफासगी हीन” धेनी रीङगागी “ङा मास्‍यीकागी हीन” ॱनेरी ॱनी।

१ कोरीन्‍थुपा 10:19

धा ॱहाना ङी ॱनागीनगी दो़नगो, कुन्‍डाला पुपा क्षो़पा दे शामाने ल्‍हाक याङना कुन्‍डा खोराङ ॱङोन्‍ने लाक ॱनेरी, ॱनालाक से?

१ कोरीन्‍थुपा 11:22

खेक्‍या शा-थुङ झ्‍यीयेला खेरी राङगी खाङबा मेताले? याङमेना खेक्‍या को़न्‍क्षोकगी क्षो़छोकला थोङछुङ झ्‍ये धेनी घीया मेगीनक्‍याला ङोछारु च्‍युक्‍वा ले? ङा खेक्‍याला घी ॱनागुलाक से? ङा खेक्‍याला तो़टा ताङगुले? दी क्षीदु ङा फुक्‍की तो़टा ॱमेताङ।

१ कोरीन्‍थुपा 12:2

धेनी खेक्‍या धेपा मीझ्‍यीदी घाङला, थापस्‍यी माङागी थोक्‍ने लाब ताङ ॱमीथुक्‍कीन ल्‍हाकुन्‍डाक्‍या स्‍योकला, खेक्‍या क्षाक्‍क्षो़पा पुयेला यो़री सोसागो खेक्‍याई स्‍येलालाक।

१ कोरीन्‍थुपा 15:50

धा पी़नक्‍याओ, ङा खेक्‍याला ॱनाहीन स्‍याठाकला को़न्‍क्षोकगी ग्‍यासीगी थोप्‍ताङ ॱमेथोबालाक धेनी मेताला डुगीन ली़ला मेताला मेडोगीनगी थोप्‍ताङ ॱमेथोबालाक।

१ कोरीन्‍थुपा 7:29

पी़नक्‍याओ, ङी ॱनागीनगी दो़न्‍दाकगो दे लाक। धी़चो़ तुङा दुक। धा देने ॱहाला केमी हो़गीनक्‍या केमी मेगीन च्‍योक्‍रे, झ्‍येरी मीछे क्‍याघो़।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

१ पेटो 2:10

धी़ च्‍यीकला खेक्‍या को़न्‍क्षोकगी मी मालाक हीना धान्‍दा खेक्‍या को़न्‍क्षोकगी मी लाक। धेनी धी़ च्‍यीकला खेक्‍याला ॱङीङजे ॱमाथोप हो़तालाक हीना धान्‍दा, खेक्‍याला ॱङीङजे थोप हो़तालाक।