रोमापा 10:16 - ॱलोवा

¹⁶ हीना खुङ घीरीगी ताम्‍शाङगो खेमालेन्‍बालाक। घीझ्‍येरी ॱनाना ॱङो़नस्‍येखेन यस्‍यायागी सुङालाक, “चोवो ला, हेक्‍याने घोरका ताम्‍शाङगोला, सी़ धेपा झ्‍येदुक से?”

रोमापा 10:16 Iomraidhean Croise

मेथा 13:14

धा ॱङो़नस्‍येखेन यस्‍यायागी देरे सुङगीनगो खुङक्‍याला डुप्‍पालाक, ‘खेक्‍याई ङेन्‍ये ङेन्‍गीलाक हीना ॱहामेघोकीलाक, धेनी ताये तागीलाक हीना ॱमेथोङगीलाक।

योहान्‍ना 10:26

हीना खेक्‍या ङी लुकख्‍युने मेन्‍दा, ङाला यीच्‍चे मीझ्‍यीदालाक।

जेपा 28:24

खी़ स्‍येगीन लाबला रीङगागी धेपा झ्‍येवालाक हीना मी रीङगागी माझ्‍येवालाक।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 11:17

धा क्‍युरुस्‍यीङ शाङागी याक्‍का रीङगा चेदी, रीगागी क्‍युरुस्‍यीङ दोङबोगी याक्‍काक्‍या होदे दोङबो शाङागोला थी़दी श्‍याक्‍ना, होदेक्‍याला होदे दोङबो शाङागी चावाने ची़ शाङागो थोबालाक।

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

रोमापा 2:8

हीना राङदो़ चागीन धाङ धेन्‍पाला ॱमीचीगीन धेनी ङेन्‍पाला घागीनक्‍याई, खाला खोङगी ठीम्‍चो़ थुक्‍ठो़गी गोने फोक्‍कीलाक।

रोमापा 3:3

खुङक्‍याने रीङगागी को़न्‍क्षोकगी काला धेपा मीझ्‍यीनाः, घी हो़तालाक से? खुङक्‍याई धेपा मीझ्‍यीगीनगी झ्‍येरी, को़न्‍क्षोकगीयाः राङगी ॱलोते चामेदु जेगीले?

रोमापा 6:17

हीना ङा को़न्‍क्षोकला काटीन्‍क्षे श्‍युवाहीन घीझ्‍येरी ॱनाना खेक्‍या एम्‍मा थेङ च्‍यीक धीक्‍पागी ढेन्‍योक झ्‍युङहो़ना, धान्‍दा खेक्‍याला ॱलाप्‍ला क्षो़ला, खेक्‍या ॱङीङ तीङने खाला ङेन्‍गीन झ्‍युदुक।

गालातीयापा 3:1

गालातीयापा ॱलेन्‍पाक्‍याओ, खेक्‍याला सी़ थी़ ग्‍याप्‍जो? येशु मास्‍यीका ग्‍याङस्‍यीङ खाला ढोङगीनगो, खीकी ॱमीकगी दोङदु ङी सावो तो़न्‍गीनगो ढेन्‍बा मीदुई?

गालातीयापा 5:7

खेक्‍या घायेरे डी़ हो़तालाक हीना, खेक्‍याला धेन्‍पागो चीयेला सी़ काक्‍जो?

२ थेसालोनीकेपा 1:8

होदे घाङला को़न्‍क्षोकला ङो ॱमेस्‍येगीनक्‍या धाङ होरी चोवो येशुगी ताम्‍शाङला ॱमीचीगीनक्‍याला, खोङबागी छेपा का जेगीलाक।

ईब्‍रीपा 11:8

धेपागी गोने को़न्‍क्षोकगी आब्‍राहामला ॱनाङयेगी धाम्‍चा जेजा, यु च्‍यीकरु डोयेला भो़ली घाङला, खो घारु डोये हीन्‍गीनगो स्‍येये मेतालाः, खो काला ङेन्‍दी सोवालाक।

ईब्‍रीपा 4:2

घीझ्‍येरी ॱनाना खुङक्‍याला च्‍योक्‍रे, हेक्‍यालाः ताम्‍शाङगो सेटाक झ्‍येवालाक। हीना ङेन्‍गीनक्‍याई धेपागी थोक्‍ने, होदे ताम्‍शाङगो खेमालेम्‍बाला खुङक्‍याला घीया फेन्‍थोक माझ्‍युवालाक।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:8

धेनी, “थोक्‍ती गेगीन धोरुक धाङ घेरु च्‍युक्‍कीन फोङगीङला ग्‍युर।” खुङक्‍या गेलालाक घीझ्‍येरी ॱनाना खुङक्‍या काला मेङेन्‍दालाक। धेनी खुङक्‍याई क्षीला देरेराङ झ्‍युङयेला, एम्‍मानेराङ थाक्‍चो़ जे हो़तालाक।

१ पेटो 3:1

केमीक्‍याओ, देरेराङ झ्‍येरी राङगी ख्‍योवागी होकला धो़क। धेनी खुङक्‍याने रीङगागी को़न्‍क्षोक काला ॱमीचीनाः, खोरी केमीक्‍याई च्‍यो़पागी झ्‍येरी स्‍ये मेघोलाला, खुङक्‍याई सेम ग्‍युरवा थेप थुक्‍कीलाक।