रोमापा 10:15 - ॱलोवा

¹⁵ धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”

रोमापा 10:15 Iomraidhean Croise

मेथा 9:38

होझ्‍येरी लोदोकगी चोवोला, राङगी लोदोक धुयेगी छीला मीलाकक्‍या ताङरो जे ॱनेरी, ॱमो़लाम श्‍यी़।”

लुका 10:1

होदे स्‍याम्‍ने, चोवोगी श्‍येम्‍मा मी धी़न्‍चु धो़न्‍ङीला दामा जेपालाक धेनी खुङक्‍याला मी ॱङी-ॱङी झ्‍येरी, खोङबाराङ फेप्‍ये जेगीन ग्‍याजा धाङ यु घीरीला खोङबागी एन्‍ला झावालाक।

लुका 2:10

धेनी नाम्‍खे भाङछेनगी खुङक्‍याला सुवालाक, “खेक्‍या माजीक घीझ्‍येरी ॱनाना ङा खेक्‍याला मी घीरीगी क्षीदु ङ्यामो घारु च्‍युक्‍कीन, ताम्‍शाङ च्‍यीक खेरती होवाहीन।

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

लुका 8:1

धेनी येशु ग्‍याजाक्‍या धाङ युक्‍याला, को़न्‍क्षोकगी ग्‍यासीगी ताम्‍शाङगो स्‍येदी-स्‍येदी फेप्‍पालाक। खोङबामुला ङेने च्‍युङङीक्‍या हो़तालाक।

योहान्‍ना 20:21

धेनी याङ येशुगी खुङक्‍याला सुवालाक, “खेक्‍याला श्‍यीदे हुङास्‍योक। यापगी ङाला ॱङाक्‍कीन च्‍योक्‍रे ङा खेक्‍याला ॱङाहीन।”

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

जेपा 13:26

“पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 1:15

होझ्‍येरी ङा रोमदु हो़गीन, खेक्‍यालाः ताम्‍शाङ स्‍येयेला दो़पा क्षे हो़क।

रोमापा 15:20

धेनी मी श्‍येम्‍मागी तीङ सासा ॱमाङस्‍यीगी खाला, खाङबा ॱमीचीक्‍येगी क्षीदु ङी च्‍योई मास्‍यीकागी छेन ॱमेस्‍येगीन, साजाक्‍याला च्‍यीगा ताम्‍शाङ स्‍येयेगी दो़पा श्‍याक्‍पी।

एफीसुपा 2:17

खोङबा फेप्‍ती खे थाक्‍रीङा धाङ ङ्ये हो़गीनक्‍याला, श्‍यीदेगी ताम्‍शाङ सुङा जेपालाक।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

एफीसुपा 6:15

धेनी खेरी काङबाला श्‍यीदेगी ताम्‍शाङ स्‍येयेला, डाढीकगी पोल्‍ले घो़न।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।