रोमापा 10:14 - ॱलोवा

¹⁴ धा ॱहाना खोङला धेपा माझ्‍येगीनक्‍याई, खोङला घाङगी झ्‍येरी भो़गुलाक से? धेनी खोङगी कोरला घोर माङ्युङगीनक्‍याई, घाङगी झ्‍येरी खोङला धेपा झ्‍यीगुलाक से? धेनी का सेटाक झ्‍यीगीन मेताला, घाङगी झ्‍येरी खुङक्‍याई ङेन्‍गुलाक से?

रोमापा 10:14 Iomraidhean Croise

मेथा 20:7

खुङक्‍याई ॱनेवालाक, ‘मी सी़या हेक्‍याला ॱलाला लेगा कुगी मीदुक।’ खी़ खुङक्‍याला ॱनेवालाक, ‘खेक्‍याः घुन्‍डुमगी दुम्‍रादु लेगा झ्‍यीरु सोङ।’

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 9:36

खी़ श्‍यी़वालाक, “चोवो, ङा खोङबाला धेपा झ्‍यीयेगी क्षीला खोङबा सुले, ङाला सुङरोजे?”

जेपा 19:2

खी़ खुङक्‍याला ढीवालाक, “खेक्‍याई चोवोला धेपा झ्‍येरी, धाम्‍पे थुक्‍ङी जोरजी?” खुङक्‍याई ॱनेवालाक, “माजोरजुङ, हेक्‍याई धाम्‍पे थुक्‍ङी हो़तालाक ॱनेरी ॱहाघो माङ्युङ।”

जेपा 8:31

होदे मीगी लेन ग्‍याप्‍पालाक, “सी़ च्‍यीया ङाला दी दो़न्‍दाकगो ॱमाटो थुक्‍पे, ङा घाङ झ्‍येरी ॱहाघोरये?” धेनी खी़ फीलीपला स्‍यीङता खोरलो खाला, मुला श्‍युक्‍रो झ्‍यी ॱनेरी श्‍यी़वालाक।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

एफीसुपा 2:17

खोङबा फेप्‍ती खे थाक्‍रीङा धाङ ङ्ये हो़गीनक्‍याला, श्‍यीदेगी ताम्‍शाङ सुङा जेपालाक।

एफीसुपा 4:21

येशु नाङ हो़गीन धेन्‍पाला तेन्‍ती, खेक्‍याई खोङबागी कोरला ङेन हो़तालाक धेनी ॱलाप हो़तालाक।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

तीतोस 1:3

धेनी धी़चो़ ताक-ताकगोला, खोङबागी का दे तो़न्‍दा जेजुङ। दी गेनगो ङाला ॱनाजुङ धेनी होरी क्‍याम्‍गो़न को़न्‍क्षोकगी काला तेरी, ङा दे स्‍येदाहीन।

ईब्‍रीपा 11:6

धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

याकोब 5:15

धेनी धेपे ॱमो़लामगी होदे नेपाला क्‍योप्‍कीलाक धेनी चोवोगी होदेला ढाक्‍सो़ ॱनाङगीलाक। धेनी खी़ धीक्‍पा झ्‍येहो़ना, खोला घोयाङ थोप्‍कीलाक।