रोमापा 1:7 - ॱलोवा

⁷ खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 1:7 Iomraidhean Croise

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

जेपा 15:23

खुङ श्‍यीगी लागाला देरे यीगी च्‍यीक तेरती झावालाक, “आन्‍तीयोक धाङ सीरीया धाङ कीलीकीयारु धेगीन याहुदापा मेन्‍गीन, धेपा-झ्‍यीगीन पी़नक्‍याला खेराङगी पी़न, हे कुछापक्‍या धाङ क्षो़छोकगी गोठीक्‍याने टास्‍यी धेलेक।

जेपा 9:13

आनानीयागी लेन ॱलोक्‍पालाक, “चोवो, दे मी देगी येरुसालेमदु हो़गीन, खेराङगी धाम्‍पे मीक्‍याला ॱमीच्‍यीकी दुक्‍पु तादुक ॱनेरी, मीक्‍याने ङी ॱहाघोसुङ।

रोमापा 1:6

धेनी खुङक्‍यामुला खेक्‍याः, येशु मास्‍यीकागी मी झ्‍युङयेला भो़पाक्‍या लाक।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

रोमापा 9:25

खोङगी ॱङो़नस्‍येखेन होशेगी धेपला देरे सुङालाक, “ङी मी मेन्‍गीनक्‍याला, ‘ङी मी’ ॱनेरी भोयेहीन। धेनी ङी चेवा माझ्‍येगीनक्‍याला, ‘ङी चेवे’ ॱनेरी भोयेहीन।”

१ कोरीन्‍थुपा 1:24

हीना याहुदापा हीन्‍ना याङना गीरीक हीन्‍ना, को़न्‍क्षोकगी भो़पाक्‍याई क्षीदु मास्‍यीकाराङ को़न्‍क्षोकगी नी़थु धाङ स्‍येरापगो लाक।

१ कोरीन्‍थुपा 16:23

चोवो येशुगी थुक्‍जे खेक्‍यामुला ॱनेलास्‍योक।

२ कोरीन्‍थुपा 13:14

चोवो येशु मास्‍यीकागी थुक्‍जे धाङ को़न्‍क्षोकगी झाम्‍पा धाङ धाम्‍पे थुक्‍ङीगी ङ्याम्‍ढेल, खेक्‍या घीरीमुला हुङास्‍योक।

गालातीयापा 6:18

पी़नक्‍याओ, होरी चोवो येशु मास्‍यीकागी थुक्‍जे, खेक्‍याई सेमला श्‍युक्‍वास्‍योक। आमेन।

एफीसुपा 1:2

होरी याप को़न्‍क्षोक धाङ चोवो येशु मास्‍यीकाने थुक्‍जे धाङ श्‍यीदे, खेक्‍याला थोप्‍पास्‍योक।

एफीसुपा 6:23

याप को़न्‍क्षोक धाङ चोवो येशु मास्‍यीकाने पी़नक्‍याला, श्‍यीदे धाङ धेपाला तेन्‍पे झाम्‍पा थोप्‍पास्‍योक।

फीलीप्‍पीपा 1:2

होरी याप को़न्‍क्षोक धाङ चोवो येशु मास्‍यीकाने, थुक्‍जे धाङ श्‍यीदे खेक्‍याला थोप्‍पास्‍योक।

फीलीप्‍पीपा 4:13

ङाला तोपस्‍युक ॱनाङगीनगी गोने, ङी घीरी झ्‍यी थुक्‍वा।

फीलीप्‍पीपा 4:20

होरी को़न्‍क्षोक धाङ यापला, ग्‍युने ग्‍युन्‍दु शीजे हुङास्‍योक। आमेन।

फीलीप्‍पीपा 4:23

चोवो येशु मास्‍यीकागी थुक्‍जे, खीकी सेमला ॱनेलास्‍योक।

कोलोसेपा 1:2

कोलोसे ग्‍याजारु हो़गीन मास्‍यीकाला ॱलो का थुप्‍कीन धाम्‍पे पी़नक्‍याला, होरी याप को़न्‍क्षोकने थुक्‍जे धाङ श्‍यीदे, खेक्‍याला थोप्‍पास्‍योक।

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

कोलोसेपा 3:15

मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।

१ थेसालोनीकेपा 1:1

पाउलु धाङ सीलवानु धाङ तीमोथेउ सुमने, थेसालोनीकेरु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला, थुक्‍जे धाङ श्‍यीदे हुङास्‍योक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ थेसालोनीकेपा 1:4

को़न्‍क्षोकगी चेवे पी़न्‍दाक्‍याओ, खेक्‍याला खोङबागी दाम्‍बालाक ॱनेरी हेक्‍याला स्‍येयेहो़क,

१ थेसालोनीकेपा 4:7

को़न्‍क्षोकगी होराङला ॱमेचाङा ग्‍युरतु माभो़वा, धाम्‍पा ग्‍युरतु भो़ जेपालाक।

१ थेसालोनीकेपा 5:28

होरी चोवो येशु मास्‍यीकागी थुक्‍जे, खेक्‍यामुला हुङवास्‍योक।

२ थेसालोनीकेपा 1:2

होरी याप को़न्‍क्षोक धाङ चोवो येशु मास्‍यीकागी, खेक्‍याला थुक्‍जे धाङ श्‍यीदे ॱनाङास्‍योक।

२ थेसालोनीकेपा 3:16

धा श्‍यीदेगी चोवो राङगी, खेक्‍याला धी़चो़ घीरी धाङ ॱनाछोक घीरीला श्‍यीदे ॱनाङास्‍योक। चोवो खेक्‍या घीरीमुला हुङास्‍योक।

२ थेसालोनीकेपा 3:18

होरी चोवो येशु मास्‍यीकागी थुक्‍जे, खे घीरीमुला हुङास्‍योक।

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

१ तीमोथेउ 6:2

दाक्‍पोक्‍या धेपा झ्‍यीगीन हीन्‍ना, धेपाला पी़न हीन साम्‍दी थोङछुङ झ्‍यीये मेतालाक। हीना खुङक्‍याई श्‍याप्‍चीगी फेन्‍दोकगो धेपा झ्‍यीगीनक्‍या धाङ राङगी चेवेक्‍याला झ्‍युङगीलाक साम्‍दी, खुङक्‍याई ॱयोल्‍ले ल्‍हाक श्‍याप्‍ची श्‍यु घोगुलाक। हुरे झ्‍यीयेलाराङ ॱलापच्‍या ग्‍योप धेनी कु।

२ तीमोथेउ 1:2

ङी चेवे भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भाबास्‍योक।

२ तीमोथेउ 4:22

चोवो ख्‍यी़ सेम नाङदु श्‍युक्‍वास्‍योक। चोवोगी थुक्‍जे खेक्‍यामुला हुङास्‍योक।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

फीलेमोन 1:25

चोवो येशु मास्‍यीकागी थुक्‍जे, खेक्‍याला थोप्‍पास्‍योक।

फीलेमोन 1:3

होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

१ पेटो 1:15

हीना खेक्‍याला भो़ ॱनाङगीनगो धाम्‍पा हीन्‍गीन च्‍योक्‍रे, खेक्‍या राङगी चो़लाम घीरीला धाम्‍पा झ्‍युङ,

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

२ योहान्‍ना 1:3

याप को़न्‍क्षोक धाङ यापगी से, येशु मास्‍यीकाने थुक्‍जे धाङ ॱङीङजे धाङ श्‍यीदे, होराङक्‍या नाङ धेन्‍पा धाङ झाम्‍पागी गोने ॱनेलास्‍योक।

ॱङो़न्‍पा 2:1

“एफीसुगी क्षो़छोकगी भाङछेनला देरे ढीक, “राङगी क्षाक ॱयेला कारमा धी़न शीम्‍गीन, धाङ सेरगी क्‍युङ धी़नगी घुङला श्‍याप्‍छाक जेगीन, खोङबागी दे काक्‍या सुङी।

ॱङो़न्‍पा 2:12

“धेनी पेरगामोनगी क्षो़छोकगी भाङछेनला देरे ढीक, “खा ॱङीगारा ॱनोवा झ्‍येजा राल्‍डी हो़गीन, खोङबागी दे काक्‍या सुङी।

ॱङो़न्‍पा 2:18

“धेनी थीयातीरागी क्षो़छोकगी भाङछेनला देरे ढीक, “चेनगो ॱमेचे च्‍योक्‍रे धाङ श्‍यापगो मेथाप नाङला, हो़ तो़न्‍दी श्‍याक्‍सा लीदीङ च्‍योक्‍रे, हो़गीन खोङ को़न्‍क्षोकगी सेगी दे काक्‍या सुङी।

ॱङो़न्‍पा 2:29

“आमच्‍योक हो़गीनक्‍याई धाम्‍पे थुक्‍ङीगी क्षो़छोकला, घी सुङगीनगो ङेन्‍दास्‍योक।”

ॱङो़न्‍पा 2:8

“धेनी सीमीरनागी क्षो़छोकगी भाङछेनला देरे ढीक, “एम्‍मा ढोङा जेदी याङ कुसो़न्‍पो श्‍याङा जेजा, खोङबा थोक्‍मा धाङ थामा हीन्‍गीनगी़, दे काक्‍या सुङी।

ॱङो़न्‍पा 22:21

चोवो येशुगी थुक्‍जे, मी घीरीमुला ॱनेवास्‍योक। आमेन।

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।

ॱङो़न्‍पा 3:22

“आमच्‍योक हो़गीनक्‍याई धाम्‍पे थुक्‍ङीगी क्षो़छोकक्‍याला, घी सुङगीनगो ङेन्‍दास्‍योक।”

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।