रोमापा 1:32 - ॱलोवा

³² देरे लेगा झ्‍यीगीनक्‍याला, को़न्‍क्षोकगी ढाङतेनगी ठीमला छीवे ङेपा फोक्‍कीलाक ॱनागीन, लाब दे खुङक्‍याई स्‍येरीयाः, खुङक्‍याई दे लेगाक्‍या झ्‍यीये च्‍यीगा मेन्‍दा हीना देरे लेगा झ्‍यीगीन मी श्‍येम्‍माक्‍यालाः सेमस्‍युक पारालाक।

रोमापा 1:32 Iomraidhean Croise

लुका 11:48

होझ्‍येरी खेक्‍या खुङक्‍याई झ्‍येजा लेगा देला, खुङ क्‍यारी पाङपो झ्‍यीदालाक घीझ्‍येरी ॱनाना खेरी फामाक्‍याई खुङक्‍याला सेपालाक धेनी खीकी होदेक्‍याई रोखाङ शोवालाक।

जेपा 22:20

धेनी खेराङगी पाङपो तेरकीन सेतेफेनला ठाक ॱमाशीङी सेदी घाङला, ङा होदुरुराङ हो़तालाक। धेनी खोला सेगीनक्‍यामुला ङा थी़न्‍दी, खुङक्‍याई घोलाक ॱरुङदी धेबी।’

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

रोमापा 1:18

घीझ्‍येरी ॱनाना धेन्‍पाला राङगी ङेन्‍पे गोने ॱनेम्‍गीन, क्षो़ला ॱमीचीगीन मी धाङ मी ङेन्‍पा घीरीगी खाला, नाम्‍खे श्‍यीङखामने को़न्‍क्षोकगी थुक्‍ठो़ ॱङो़न जे हो़तालाक।

रोमापा 1:21

घीझ्‍येरी ॱनाना मी देक्‍याई को़न्‍क्षोकला ङोस्‍येरीयाः, खोङला पु घो़गीन कुरतीगो ॱमापुवालाक धेनी काटीन्‍क्षे गोवाः माश्‍यी़वालाक। हीना खुङक्‍याई साम्‍लो ताङदाङगो, क्षोमेगीन धाङ खुङक्‍याई ॱलेन्‍दा सेमगो मी़नाकगी खावालाक।

रोमापा 6:21

धा होदे घाङला झ्‍येजा धान्‍दा खेक्‍या ङोछागीन लेगाक्‍याने, खेक्‍याला घी ढेबु राक्‍सो? होदे लेगाक्‍याई ढेबु नी छीवा लाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।